នៅថ្ងៃសុក្រ ១៤កើត ខែមិគសិរ ឆ្នាំច សំរឹទិ្ធស័ក ព.ស ២៥៦២ ត្រូវនឹងថ្ងៃទី២១ ខែធ្នូ ឆ្នាំ២០១៨ នៅភោជនីយដ្ឋានទន្លេបាសាក់II អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព
សហការ​ជាមួយក្រសួង​ ស្ថាប័ន​ និងមន្ទីរជំនាញពាក់ព័ន្ធ បាន​រៀបចំ​កិច្ចប្រជុំលើកទី៩ របស់ក្រុមការងារសម្របសម្រួលកម្មវិធីយុទ្ធសាស្ត្រសម្រាប់ភាពធន់នឹងអាកាសធាតុ (SPCR)​ ក្រោមអធិបតី​ភាពឯកឧត្តមសាស្ត្រាចារ្យបណ្ឌិត សាបូ អូហ្សាណូ រដ្ឋលេ​​ខាធិការ ក្រសួងបរិស្ថាន និងជាប្រធានសម្របសម្រួលកម្មវិធី SPCR
ឯកឧត្តម ជួប ប៉ារីស៍ អគ្គលេខាធិការរងនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងឯកឧត្តម​បណ្ឌិត តូច ច័ន្ទគ្រឹះស្នា អគ្គនាយករងនៃអគ្គនាយកដ្ឋានសហប្រតិបត្តិការ និងការគ្រប់គ្រងបំណុល នៃក្រសួងសេដ្ឋកិច្ច និងហិរញ្ញវត្ថុ ដោយ​មានការចូលរួមពីក្រសួង ស្ថាប័ន ដែលជាសមាជិកក្រុមការងារ​សម្របសម្រួលកម្មវិធីSPCR មកពីក្រសួងកសិកម្ម រុក្ខាប្រមាញ់ និងនេសាទ ក្រសួងសាធារណការនិងដឹកជញ្ជូន ក្រសួងកិច្ចការ​នារី ក្រសួងធនធានទឹកនិងឧតុនិយម ក្រសួងផែនការ
ក្រសួងអភិវឌ្ឍន៍ជនបទ ក្រសួងសេដ្ឋកិច្ចនិងហិរញ្ញវត្ថុ ក្រសួងអប់រំ យុវជននិងកីឡា គណៈកម្មាធិការជាតិគ្រប់គ្រងគ្រោះមហន្តរាយ និងគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ សរុបចំនួន២៥នាក់។
កិច្ចប្រជុំនេះ មានគោលបំណង៖
១)​ បង្ហាញពីវឌ្ឍនភាព និងពិភាក្សាភាពប្រឈមនានាទាក់ទងនឹងការអនុវត្តរបស់គម្រោងកញ្ចប់ “ក” និង “គ”
២)សមិទ្ធផល និងភាពប្រឈមនានាដែលគម្រោងវិនិយោគនៃកម្មវិធី SPCR ដែលកំពុងអនុវត្តដោយក្រសួងពាក់ព័ន្ធក្នុងវិស័យ៣ កសិកម្ម ការគ្រប់គ្រងធនធានទឹង និងហេដ្ឋារចនាសម្ព័ន្ធជួបប្រទះ
៣)សមិទ្ធផលរួមដែលគម្រោងកញ្ចប់ “ក” សម្រេចបាន និង
៤)ពិភាក្សាយន្តការសម្រាប់បន្តការរៀបចំកិច្ចប្រជុំក្រុមការងារ​សម្របសម្រួលកម្មវិធី SPCR សម្រាប់ឆ្នាំ២០១៩៕

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ