រដ្ឋមន្រ្តីក្រសួងបរិស្ថានបើកកិច្ចប្រជុំផ្សព្វផ្សាយផែនទីឯកភាពការងារគ្រប់គ្រងបរិស្ថាន និងធនធានធម្មជាតិសម្រាប់អាណត្តិរាជរដ្ឋាភិបាលនីតិកាលទី៦ នៃរដ្ឋសភា
…………………….
«រួមគ្នាគិត រួមគ្នាធ្វើ និងដឹកនាំ នៅក្នុងការងារគ្រប់គ្រងកិច្ចគាំពារបរិស្ថាន ការអភិរក្សជីវៈចម្រុះ ក៏ដូចជាការប្រើប្រាសធនធានធម្មជាតិឱ្យបានសមស្រប និងមាននិរន្តរភាព ការរស់នៅដោយចីរភាព សម្រាប់ជាឧត្តមប្រយោជន៍យូអង្វែងរបស់ប្រជាជនកម្ពុជាគ្រប់រូប» នេះជាការលើកឡើងរបស់ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៅក្នុងកិច្ចប្រជុំ ផ្សព្វផ្សាយផែនទីឯកភាពការងារគ្រប់គ្រងបរិស្ថាន និងធនធានធម្មជាតិរបស់ក្រសួងបរិស្ថាន សម្រាប់អាណត្តិរាជរដ្ឋាភិបាលនីតិកាលទី៦ នៃរដ្ឋសភា នៅរសៀលថ្ងៃច័ន្ទ ១កើត ខែភទ្របទ ឆ្នាំច សំរឹទ្ធិស័ក ស.ព ២៥៦២ ត្រូវនឹងថ្ងៃ ទី១០ ខែកញ្ញា ឆ្នាំ២០១៨ នៅទីស្តីការក្រសួងបរិស្ថាន។

កិច្ចប្រជុំនេះមានការចូលរួមពីថ្នាក់ដឹកនាំថ្មី នៃក្រសួងបរិស្ថានសម្រាប់អាណត្តិទី៦​ មន្រ្តីរាជការគ្រប់ជាន់ថ្នាក់ចំណុះក្រសួងបរិស្ថាន និងមន្ទីរបរិស្ថានទាំង២៥ រាជធានី-ខេត្ត​ និងដៃគូអភិវឌ្ឍ​ ដើម្បីជំរុញ​ និងគូសវាសផែនទី​ បែងចែកតួនាទីភារកិច្ចក្នុងការអនុវត្តការងារ​ សំដៅធានាបាននូវតុល្យភាព​ សេដ្ឋកិច្ច​ បរិស្ថាន​ សង្គម។ កិច្ចប្រជុំពេលនេះ ជំរុញលើកទឹកចិត្តឱ្យមានការចូលរួមពីអ្នកពាក់ព័ន្ធ​ ដៃគូអភិវឌ្ឍនានា​ ធ្វើយ៉ាងណាឱ្យក្របខណ្ឌយុទ្ធសាស្រ្ត​ ឆ្នាំ២០១៨-២០២៣​ ដើម្បីអនុវត្តការងារលើវិស័យបរិស្ថានទទួលបានគុណភាព​ និងនិរន្តរភាពបរិស្ថាន។

ផែនការយុទ្ធសាស្រ្តក្រសួងបរិស្ថាន នៅក្នុងអាណត្តិរាជរដ្ឋាភិបាលថ្មីនេះ ត្រូវធានាការពារធនធានធម្មជាតិរបស់កម្ពុជា​ សម្រាប់ជាប្រយោជន៍ដល់ប្រជាជន​ និងសង្គម​ ដែលជាចក្ខុវិស័យអភិវឌ្ឍដោយចីរភាពក្នុងឆ្នាំ២០២៣​ ដែលជាមាគ៌ាឆ្ពោះទៅរកអនាគតមួយប្រកបដោយវិបុលភាពសម្រាប់ប្រជាពលរដ្ឋគ្រប់រូប​ ដោយបរិស្ថានល្អ​ផងដែរ៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy