ថ្ងៃទី២២ ខែសីហា ឆ្នាំ២០១៨ អគ្គនាយកដ្ឋានសហគមន៍មូលដ្ឋាន សហការជាមួយមន្ទីរបរិស្ថានខេត្តពោធិ៍សាត់ និងអាជ្ញាធរមូលដ្ឋាន បានរៀបចំពិធីដាំកូនឈើព្រៃចំនួន២ម៉ីនដើម នៅសហគមន៍តំបន់ការពារធម្មជាតិក្រាំងរងៀង លើផ្ទៃដីប្រមាណជា១៣ហ.ត និងចែកជូន កូនឈើហូបផ្លែ១ម៉ីនដើម ដល់សហគមន៍តំបន់ការពារធម្មជាតិចំនួន១១ ស្ថិតនៅស្រុកវាលវែង​ ដែនជម្រកសត្វព្រៃភ្នំសំកុស ខេត្តពោធិ៍សាត់ ក្រោមអធិបតីភាព ឯ.ឧ សាយ សំអាល់ រដ្ឋមន្រ្តីក្រសួងបរិស្ថាន និងមានការចូលរួមពីសិស្សានុសិស្ស លោកគ្រូ អ្នកគ្រូ ប្រជាសហគមន៍ កងកំលាំងប្រដាប់អាវុធ មន្រ្តីរាជការខេត្តពោធិ៍សាត់ មន្រ្តីរាជការក្រសួងបរិស្ថាន និងព្រះសង្ឃប្រមាណជា៥០០នាក់។

បន្ទាប់ពីមតិស្វាគមន៍របស់ឯ.ឧ ខូយ រីដា អភិបាលរងខេត្ត, របាយការណ៍ស្តីពីការគ្រប់គ្រងសហគមន៍តំបន់ការពារ
ធម្មជាតិ និងវឌ្ឍនៈភាព នៃការរៀបចំសហព័ន្ធសហគមន៍អភិរក្សធនធានធម្មជាតិ(ស.ស.អ.ធ) ដោយលោក ហេង ហុង អនុប្រធាននាយកដ្ឋានជីវភាពសហគមន៍ និងការប្តេជ្ញាចិត្តរបស់ លោក សៅ ចំរើន ប្រធានគណៈកម្មការ ស.ស.អ.ធ នៃដែនជម្រកសត្វព្រៃភ្នំសំកុស រួចមក ឯ.ឧ រដ្ឋមន្រ្តី មានមតិ សំណេះសំណាល ដែលមានខ្លឹមសារ ដូចខាងក្រោម៖

-ចំណុចទី១៖ ក្រសួងបរិស្ថាន ក្នុងនាមរដ្ឋាភិបាល បានរៀបចំបង្កើតសហគមន៍តំបន់ការពារធម្មជាតិ នៅក្នុងតំបន់ការ
ពារធម្មជាតិ គឺដើម្បីផ្តល់អំណាច ដល់សហគមន៍មូលដ្ឋាន និងអាជ្ញាធរមូលដ្ឋាន ក្នុងការការទទួលខុសត្រូវ ការធ្វើផែនការ និងការធ្វើសេចក្តីសម្រេចចិត្តក្នុងកិច្ច
ការពារ អភិរក្ស និងការប្រើប្រាស់ធនធានធម្មជាតិ ព្រមទាំងការអភិវឌ្ឍកម្រិត
ជីវភាពរស់នៅ ប្រកបដោយចីរភាព។

-ចំណុចទី២៖ ការបញ្ជូនកូន ចៅ ទៅសាលារៀន ដើម្បីឱ្យពួកគាត់បញ្ចប់វិទ្យាល័យ និងមហាវិទ្យាល័យ ក៏ដូចជាការបណ្តុះបណ្តាលវិជ្ជាជីវៈ ដល់យុវជន យុវនារី ឱ្យមានជំនាញ គឺជាមធ្យោបាយដ៏សំខាន់បំផុត សម្រាប់ជួយពួកគាត់ឱ្យមានលទ្ធភាពរកការងារធ្វើ ដើម្បីខ្លួនពួកគេផង, គ្រួសារផង និងសម្រាប់អភិវឌ្ឍន៍សហគមន៍ទាំងមូល។ ត្រង់ចំណុចនេះ អគ្គនាយកដ្ឋានសហគមន៍មូល បាននឹងកំពុងដើរតួនាទីយ៉ាង សំខាន់ក្នុងការជួយសម្របសម្រួលជាមួយអង្គការដៃគូ វិស័យឯកជន និងអ្នកពាក់ព័ន្ធ ក្នុងការបណ្តុះបណ្តាលសហគមន៍ ដើម្បីពង្រឹង និង បង្កើតមុខរបរ ដល់សហគមន៍មូលដ្ឋាន។

-ចំណុចទី៣៖ ក្រសួងបរិស្ថាន បានរៀបចំបង្កើតសហព័ន្ធសហគមន៍អភិរក្សធនធានធម្មជាតិ ក្នុងគោលបំណងពង្រឹងកិច្ច
សហការរវាង សហគមន៍មូលដ្ឋាន, អាជ្ញាធរដែនដី, អង្គការដៃគូ, វិស័យឯកជន និងអ្នកពាក់ព័ន្ធ ក្នុងការចែករំលែកចំណេះដឹង, ចំណេះធ្វើ,ព័ត៌មាន និងបទពិសោធន៍ ដើម្បីរួមកម្លាំងគ្នាបង្កើតយន្តការចាំមួយសម្រាប់ដោះស្រាយបញ្ហាទាក់ទងទៅនឹងការការពារ និងអភិរក្សធនធានធម្មជាតិ និងជាពិសសេការអភិវឌ្ឍន៍កម្រិតជីវភាពសហគមន៍មូលដ្ឋាន។

-ចំណុចទី៤៖ តាមរយៈយន្តការចំណុចទី៣ នឹងធ្វើឱ្យកិច្ចសហការ និងការជួយអន្តរាគមន៍ រវាងថ្នាក់ក្រោមជាតិ និងថ្នាក់ជាតិ បានលឿន និងឆ្លើយតមតាមតម្រូវការ និងស្ថានភាពជាក់ស្តែងនៅមូលដ្ឋាន។

-ចំណុចទី៥៖ ឯ.ឧ រដ្ឋមន្រ្តី បានឆ្លើយតបនូវសំណើរ ក៏ដូចជាសំណូមពររបស់សហគមន៍ និងលោកគ្រូ អ្នកគ្រូ ដូចជា៖ ការស្នើសុំឯកសណ្ឋានរបស់ ស.ស.អ.ធ ដើម្បីងាយស្រួលក្នុងចុះបំពេញការងារ, កសាងសាលារៀន និងតប្រព័ន្ធអគ្គសនីចូលក្នុងសាលារៀនដើម្បីឱ្យប្អូន
សិស្សានុស្សិត ងាយស្រួលក្នុងការសិក្សារៀនសូត្រ។ តាមសំណើរខាងលើនេះ ឯ.ឧ រដ្ឋមន្រ្តីបានឱ្យអគ្គនាយកដ្ឋាន ជំនាញ និងអ្នកពាក់ព័ន្ធសិក្សា និងពិនិត្យលើសំណើរ ដើម្បីដោះស្រាយ។

ក្នុងឱកាសនោះដែរ ឯ.ឧ គណៈអធិបតី និងប្រតិភូអមដំណើរ បានចែកជូនកូនឈើហូបផ្លែជានិមិត្តរូបដល់សហគមន៍ទាំង១១ និងចូលរួម ដាំកូនឈើព្រៃនៅក្នុងបរិវេណសាលាបឋមសិក្សាភូមិកណ្តាល ឃុំអន្លង់រាប ស្រុកវាលវែង ខេត្តពោធិ៍សាត់៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy