កាលពីថ្ងៃទី ១៤ ដល់ ១៥ ខែសីហា ឆ្នាំ២០១៨ នេះ គណៈប្រតិភូក្រសួងបរិស្ថានដឹកនាំដោយ​ ឯកឧត្តម​ ឯ​ វុឌ្ឍី​ អគ្គលេខាធិការ​រង​ នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព​ បានធ្វើដំណើរទស្សនៈកិច្ចសិក្សា និងផ្លាស់ប្តូរបទពិសោធន៍ស្តីពីការអភិវឌ្ឍទីក្រុងនិរន្តរភាពនៅទីក្រុងស៊ូរាបាយ៉ា ប្រទេសឥណ្ឌូនេស៊ី។ ក្នុងដំណើរទស្សនៈកិច្ចសិក្សា និងផ្លាស់ប្តូរបទពិសោធន៍នេះ​ មានការចូលរួមពីអភិបាលក្រុង និងតំណាងអភិបាលក្រុងទាំង៧ (ក្រុងសួង ក្រុងកែប ក្រុងបាវិត ក្រុងកំពង់ចាម ក្រុងសៀមរាប ក្រុងព្រះសីហនុ និងក្រុងបាត់ដំបង) របស់ប្រទេសកម្ពុជា​ ដែលជាគោលដៅរបស់វិទ្យាស្ថាន GGGI និងមន្រ្តីថ្នាក់ជាតិមកពីក្រុមប្រឹក្សាជាតិអភិវឌ្ឍន៍ដោយចីរភាព ក្រសួងមហាផ្ទៃ និងក្រសួងសាធារណ:ការនិងដឹកជញ្ជូន។ គណៈប្រតិភូក៏បានជួបប្រជុំពិភាក្សាជាមួយលោកស្រី Tri Rismaharini អភិបាលក្រុងស៊ូរាបាយ៉ា ដោយលោកស្រីបានធ្វើបទបង្ហាញដោយផ្ទាល់អំពីដំណើរអភិវឌ្ឍន៍ទីក្រុងស៊ូរាបាយ៉ា ផ្តោតលើបញ្ហាគ្រប់គ្រងសំណស់រឹង សំណល់រាវ ការដាំព្រៃក្នុងក្រុង (Urban Forest) ដើម្បីកាត់បន្ថយកំដៅ និងការពារទឹកជំនន់ ការដាំដំណាំក្នុងក្រុង (Urban Farming) ដើម្បីបង្កើនជីវភាពសហគមន៍ និងបរិស្ថានបៃតង ការរៀបចំប្រព័ន្ធដឹកជញ្ជូន ដើម្បីបញ្ជៀសការកកស្ទះចរាចរណ៍។ បន្ទាប់មក គណៈប្រតិភូក៏បានទៅទស្សនាកន្លែងបំលែងសំរាមជាជីកំប៉ុស និងបំលែងសំរាមជាអគ្គិសនីខ្នាតតូច និងអាងប្រព្រឹត្តិកម្មសំណល់រាវ និងសំណល់បង្គន់ផងដែរ៕

ព័ត៌មានបន្ថែម

ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ថ្ងៃ ព្រហស្បតិ៍, 2 ធ្នូ, 2021 ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ថ្ងៃ អាទិត្យ, 28 វិច្ឆិកា, 2021 ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា
ថ្ងៃ សុក្រ, 26 វិច្ឆិកា, 2021 ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា