នៅក្នុងកម្មវិធីជាបន្តបន្ទាប់ នៃសិក្ខាសាលាជាន់ខ្ពស់លើកទី៩ ស្តីពីនិរន្តរភាពទីក្រុង ដែលកម្ពុជាជាម្ចាស់ផ្ទះរៀបចំនៅខេត្តសៀមរាប នៅក្រោមក្របខណ្ឌកិច្ចប្រជុំកំពូលរបស់រដ្ឋមន្រ្តីបរិស្ថានអាស៊ីបូព៌ា នៅថ្ងៃទី៨ ខែមីនា ឆ្នាំ២០១៨​ អ្នកចូលរួមមកពីតំណាងប្រទេសចំនួន១៨ប្រទេស រួមទាំងដៃគូអភិវឌ្ឍន៍ អ្នកស្រាវជ្រាវ និងផ្នែកឯកជនបានពិភាក្សាគ្នាលើប្រធានបទ “ ហិរញ្ញវត្ថុ ទិន្នន័យ ការអភិវឌ្ឍសមត្ថភាព សម្រាប់អនុវត្តគោលដៅអភិវឌ្ឍន៍ដោយចីរភាពនៅទីក្រុង “ ។ វេទិកានេះដឹកនាំ លោក Curt Garrigan អគ្គនាយក បរិស្ថាន និងការអភិវឌ្ឍ UNESAP និងមានវាគ្មិនមកពីប្រទេសសឹង្ហបូរី ហ្វីលីពីន និង JICA-កម្ពុជា។ កិច្ចពិភាក្សាបាន ផ្លាស់ប្តូរចំណេះដឹង និងបទពិសោធន៍ រួមមាន៖
ក.កម្ពុជាអនុវត្តគោលនយោបាយឧស្សាហកម្ម លើកកម្ពស់គុណភាពជីវិត និងនិរន្តរភាពសង្គមតាមរយៈពង្រឹងអភិបាលកិច្ច (គុណភាពហេដ្ឋារចនាសម្ព័ន្ធ និងការអភិវឌ្ឍសមត្ថភាព ការអភិវឌ្ឍទឹកស្អាត និងប្រព័ន្ធលូទឹកស្អុយ)
ខ.ការផ្សារភ្ជាប់គោលដៅអភិវឌ្ឍន៍ដោយចីរភាពសហប្រជាជាតិ និងផែនការអភិឌ្ឍន៍ប្រទេសហ្វីលីពីន (ផែនការសកម្មភាពទប់ស្កាត់ការប្រែប្រួលអាកាសធាតុ ការអភិរក្សនិងការប្រើប្រាស់ធនធានធម្មជាតិ និរន្តរភាពប្រព័ន្ធអេកូឡូស៊ី និងប្រសិទ្ធភាពនៃការអភិបាលកិច្ចការពារបរិស្ថាន)
គ.២០ឆ្នាំនៃផែនការមេសម្រាប់ការអភិវឌ្ឍសេដ្ឋកិច្ច និងសង្គមទីក្រុង San Carlos (ការចូលរួមនិងសិទ្ធិសហគមន៍សម្ព័ន្ធភាពដៃគូជាមួយរដ្ឋបាលក្រោមជាតិ និងសង្គមស៊ីវិល កម្មវិធីការពារបរិស្ថានការគ្រប់គ្រងសំណល់រឹង និងការបង្កើតឧទ្យានសមុទ្រ)

សូមបញ្ជាក់ថា សិក្ខាសាលាជាន់ខ្ពស់លើកទី៩ ស្តីពីនិរន្តរភាពទីក្រុងនៅថ្ងៃទី៨ ខែមីនា ឆ្នាំ២០១៨ ក៏បានពិភាក្សា និងផ្លាស់ប្តូរយោបល់តាមក្រុមប្រធានបទនីមួយនីមួយៗ រួមមាន៖ ១.តើធ្វើដូចម្តេច ដើម្បីសម្រេចបានការផ្គត់ផ្គង់ទឹកស្អាតសម្រាប់ទីក្រុង? ២.និរន្តរភាពការរស់នៅ ការប្រើប្រាស់ និងការផលិត ៣.បញ្ហាប្រឈម និងផែនការគ្រប់គ្រងសំណល់រាវ និងអនាម័យ ៤.ការគ្រប់គ្រងសំណល់សម្រាប់ទីក្រុង។ លទ្ធផលរួមនៃការពិភាក្សាបានផ្តល់នូវសារមួយចំនួនសម្រាប់និរន្តរភាពទីក្រុង ដែលរួមមាន៖ តម្រូវការគោលនយោបាយ ហេដ្ឋារចនាសម្ព័ន្ធ កម្មវិធី ការអប់រំ ការចូលរួមសហគមន៍ ស្តង់ដារជាតិ ការលើកទឹកចិត្តសម្រាប់ឧស្សាហកម្ម និងការរៀបចំគំរូថ្មីសម្រាប់ទីក្រុងថ្មី ការគ្រប់គ្រងធនធានទឹក ជំរុញភាពជាម្ចាស់ និងអភិបាលកិច្ចល្អ៕

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១