រកឃើញពងអណ្តើកហ្លួងចំនួនមួយសំបុកនៅប្រព័ន្ធព្រែកស្រែអំបិល

ក្រុមអ្នកអភិរក្សរបស់រដ្ឋបាលជលផល អង្គការWCS និងប្រជាជនសហគមន៍ បានរកឃើញអណ្តើកហ្លួង ចំនួន០១សំបុកមានពងចំនួន១៦គ្រាប់នៅប្រព័ន្ធព្រែកស្រែអំបិល ស្ថិតនៅក្នុងភូមិព្រះអង្គកែវ ស្រុកស្រែអំបិល ខេត្តកោះកុង។ នេះបើតាមការផ្សព្វផ្សាយរបស់អង្គការWCSដែលបានផ្សព្វផ្សាយកាលពីថ្ងៃម្សិលមិញ។ សមាជិកសហគមន៍ចំនួន០៤នាក់បាននិងកំពុងយាមសំបុកអណ្តើកហ្លួងនេះ រហូតដល់កូនវាញាស់។ បើតាមការបញ្ជាក់ពីអង្គការ​ វាគឺជាសំបុកអណ្តើកហ្លួង ទី០១ដែលរកឃើញនៅក្នុងឆ្នាំ២០១៨នេះ។