ពិធីប្រគល់-ទទួលប្រព័ន្ធស្រោចស្រពដើរដោយថាមពលពន្លឺព្រះអាទិត្យ ដល់ឧទ្យានជាតិជួរភ្នំក្រវាញ

ប្រព័ន្ធស្រោចស្រពដើរដោយថាមពលពន្លឺព្រះអាទិត្យ មួយសម្រាប់ដែលជាអំណោយរបស់ក្រុមហ៊ុនកូកា-កូឡាកម្ពុជាត្រូវបានប្រគល់ជូនស្នាក់ការឧទ្យានជាតិជួរភ្នំក្រវាញភូមិសាស្ត្រខេត្តកំពង់ស្ពឺ ដើម្បីជាមធ្យោបាយស្រោចស្រពថ្នាលបណ្តុះកូនឈើ។ ការប្រគល់ជូនប្រព័ន្ធស្រោចស្រពនេះ ជាផ្នែកមួយនៃកិច្ចប្រឹងប្រែងជាសកលរបស់ក្រុមហ៊ុនកូកា-កូឡាដើម្បីរួមចំណែកដល់និរន្តរភាពបរិសកថាន បន្សាំនឹងការប្រែប្រួលអាកាសធាតុ និងការកសាងអនាគតរួមគ្នាកាន់ តែ ប្រសើរសម្រាប់សហគមន៍មូលដ្ឋាន និងចូលរួមបង្កើតភាពបៃតងនៅតាមសហគមន៍ និងថែរក្សាប្រភពទឹក។ ពិធីប្រគល់ប្រព័ន្ធស្រោចស្រពទឹកនេះត្រូវបានធ្វើឡើងក្រោមអធិបតីភាពឯកឧត្តម នេត្រ ភក្ត្រា រដ្ឋលេខាធិការ ក្រសួងបរិស្ថាន នៅព្រឹកថ្ងៃទី៤ ខែកុម្ភៈ ឆ្នាំ២០២៣ ដោយមានការអញ្ជើញចូលរួមពីមន្ត្រីនៃមន្ទីរបរិស្ថានខេត្តកំពង់ស្ពឺ និងតំណាងក្រុមហ៊ុនកូកា កូឡាកម្ពុជា នុងសមាជិកសមាគមន៍ អាជ្ញាធរមូលដ្ឋាន។