អ្នកស្រាវជ្រាវសរុបប្រមាណជិត១០០នាក់ មកពីស្ថាប័នរដ្ឋាភិបាល គ្រឹះស្ថានឧត្តមសិក្សា និងអង្គការសង្គមស៊ីវិល បានធ្វើការចែករំលែកចំណេះដឹងស្តីពីការអនុវត្តគម្រោងសិក្សាស្រាវជ្រាវពាក់ព័ន្ធការប្រែប្រួលអាកាសធាតុដែលបាននិងកំពុងអនុវត្ត រួមចំណែកដល់ការកំណត់របៀបវារៈជាតិសម្រាប់ស្រាវជ្រាវពាក់ព័ន្ធការប្រែប្រួលអាកាសធាតុកម្ពុជា។

ការចែករំលែកចំណេះដឹងនេះ បានធ្វើឡើងនៅក្នុង «សិក្ខាសាលាចែករំលែកចំណេះដឹងស្តីពីការឆ្លើយតបនឹងការប្រែប្រួលអាកាសធាតុនៅកម្ពុជា» នៅក្នុងខេត្តសៀមរាប ពីថ្ងៃទី០៥-០៦ ខែធ្នូ ឆ្នាំ២០១៧ រៀបចំដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងគាំទ្រដោយកម្មវិធីសម្ព័ន្ធភាពប្រែប្រួលអាកាសធាតុកម្ពុជា(CCCA)  ក្រោមអធិបតីភាព ឯកឧត្តម ទិន ពន្លក អគ្គលេខាធិការនៃក្រុមប្រឹក្សាជាតិអភិវឌ្ឍន៍ដោយចីរភាព។

ថ្លែងក្នុងពិធីបើកសិក្ខាសាលា ឯកឧត្តម ទិន ពន្លក អគ្គលេខាធិការ បានមានប្រសាសន៍ថាក្រុមប្រឹក្សាជាតិអភិវឌ្ឍន៍ដោយចីរភាព ក៏ដូចជា ក្រសួងបរិស្ថាន បានគាំទ្រយ៉ាងពេញទំហឹងក្នុងការកសាងភាពជាដៃគូជាមួយគ្រឹះស្ថានសិក្សានិងវិទ្យាស្ថានស្រាវជ្រាវនានាដែលជាធនាគារខួរក្បាល និងជាកន្លែងសិក្សាស្វែងយល់នូវរបកគំហើញនានាសម្រាប់ផ្តល់ឱ្យអ្នករៀបចំនិងតាក់តែងគោលនយោបាយ និងជាថ្នាលសម្រាប់បណ្តុះនូវចំណេះវិជ្ជាសម្រាប់យុវជនជំនាន់ក្រោយ។

ឯកឧត្តមអគ្គលេខាធិការ បានស្នើឱ្យអ្នកចូលរួមទាំងអស់រួមគ្នាពិភាក្សា និងចែករំលែកបទពិសោធន៍ជាចំហរទាំងពិសោធន៍ដែលល្អ និងបទពិសោធន៍ដែលអាក្រក់នូវអ្វីដែលវាអនុវត្តបាន និងមិនអនុវត្តមិនបាន សម្រាប់ជាកែសម្រួលឬអនុវត្តបន្ត។ បន្ទាប់មក សិក្ខាកាមបានចុះទស្សនកិច្ចសិក្សាស្វែងយល់អំពីបច្ចេកទេសធ្វើឆ្លាតខាងអាកាសធាតុរបស់កសិករនៅឃុំក្របីរៀល ក្រុងសៀមរាប៕

 

 

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy