កិច្ចប្រជុំពិគ្រោះយោបល់ស្ដីពី ហិរញ្ញប្បទានប្រកបដោយនិរន្ដរភាពសម្រាប់តំបន់ការពារធម្មជាតិ និងការអភិរក្សជីវចម្រុះនៅកម្ពុជា (ផ្ដោតលើរេដបូក)

រួមគ្នាដើម្បីបរិស្ថាន

សិស្សានុសិស្សសាលាបឋមសិក្សាថ្នល់កែងថ្លែងអរយៈពេល៥ថ្ងៃ សមត្ថកិច្ចបានឃ្លុំដីទំហំជិត៤�មន្រ្តីជាន់ខ្ពស់ក្រសួងបរិស្ថានបន្តចុះផ្សកម្ពុជាបង្ហាញការដោះស្រាយលើការប្រែប្រួលអាក្រសួងបរិស្ថាន និងគណៈកម្មការជាតិដើម្បីទប�

ក្រោមអធិបតីភាព ឯកឧត្តម ជា សំអាង រដ្ឋលេខាធិការ និងជាអនុប្រធានក្រុមការងាររេដបូក ឯកឧត្តម ជួប ប៉ារីស អនុរដ្ឋលេខាធិការ និងជាជនបង្គោលរេដបូក តំណាងUNDP និងតំណាងស្ថាប័នពាក់ព័ន្ធនានាជាច្រើនរូបទៀត ដែលប្រព្រឹត្តទៅនៅថ្ងៃទី០៥ ខែធ្នូ ឆ្នាំ២០២២ នៅសណ្ឋាគារ ហៃយ៉ាត់ភ្នំពេញ។

គោលបំណងនៃកិច្ចប្រជុំពិគ្រោះយោបល់ស្ដីពីហិរញ្ញប្បទានប្រកបដោយនិរន្ដភាព (ផ្ដោតលើរេដបូក) គឺដើម្បី៖

– បង្ហាញ និងពិភាក្សាអំពីផែនទីបង្ហាញផ្លូវសម្រាប់ប្រតិបតិ្តការជម្រើសហិរញ្ញប្បទានរេដបូកប្រកបដោយនិរន្ដភាពសម្រាប់តំបន់ការពារធម្មជាតិ

– ពិភាក្សាអំពីបញ្ហាប្រឈមនាពេលបច្ចុប្បន្ន ដែលកំពុងកើតមានលើគម្រោងរេដបូកនៅថ្នាក់ជាតិ

– ពិភាក្សាលើការពិចារណាពាក់ព័ន្ធសម្រាប់ការអនុវត្តផែនទីបង្ហាញផ្លូវរេដបូក និងសកម្មភាពរយៈពេលខ្លីនិងមធ្យម ឆ្នាំ២០២៣ – ២០២៤

គួរបញ្ជាក់ផងដែរថា ក្រសួងបរិស្ថានកំពុងអនុវត្តគម្រោងនិរន្ដភាពតំបន់ទេសភាព និងទេសចរណ៍ធម្មជាតិកម្ពុជា (នទទក) ដើម្បីកែលម្អការគ្រប់គ្រងតំបន់ការពារធម្មជាតិ លើកកម្ពស់ទេសចរណ៍ធម្មជាតិ និងខ្សែច្រវាក់តម្លៃ អនុផលព្រៃឈើនៅតំបន់ទេសភាពជួរភ្នំក្រវាញ និងបឹងទន្លេសាប។

តាមរយៈគម្រោងនេះ និងដោយមានជំនួយបច្ចេកទេសពីអង្គការ UNDP ផង ក្រសួងបរិស្ថាន កំពុងស្វែងរកជម្រើសហិរញ្ញប្បទានប្រកបដោយនិរន្ដភាព សម្រាប់គ្រប់គ្រងនិងអភិរក្សតំបន់ការពារធម្មជាតិនៅកម្ពុជា។ កិច្ចសហការនេះនឹងរួមចំណែកដោយផ្ទាល់ក្នុងភាពពង្រឹងសមត្ថភាពក្នុងការរៀបចំផែនការគ្រប់គ្រងតំបន់ការពារធម្មជាតិ និងតំបន់ការពារទេសភាពប្រដោយនិរន្ដភាព។