អណ្តើកហ្លួង២៥ក្បាលត្រូវបានលែងចូលក្នុងទឹកដីធម្មជាតិ
ថ្ងៃ អង្គារ, 14 វិច្ឆិកា, 2017អណ្តើកហ្លួងពេញវ័យចំនួន២៥ក្បាលដែលទទួលបានការថែរក្សាក្នុងមជ្ឈមណ្ឌលអភិរក្សខេត្តកោះកុងត្រូវបានលែងចូលក្នុងដែនដីធម្មជាតិនៅតាមដងព្រៃកស្រែអំបិលខេត្តកោះកុង។ ការព្រលែងនេះគឺដើម្បីឱ្យអណ្តើកទាំងនេះអាចរស់រានក្នុងទឺកដីធម្មជាតិវិញ។ នេះបើយោងតាមការផ្សព្វផ្សាយរបស់អង្គការសមាគមអភិរក្សសត្វព្រៃ(WCS)៕
អណ្តើកហ្លួង ជាប្រភេទសត្វកម្រដែលជិតផុតពូជ ហើយវាត្រូវបានគេជឿថា បានផុតពូជពីប្រទេសកម្ពុជាទៅហើយរហូតដល់ឆ្នាំ២០០០ទើបអ្នកជំនាញរបស់កម្ពុជា និងអង្គការជំនាញខាងសត្វព្រៃបានរកឃើញនៅស្ទឹងស្រែអំបិលនៅខេត្តកោះកុង។
អង្គការ WCS បានឱ្យដឹងថា អណ្តើកហ្លួង មានវត្តមានតែនៅប្រទេស ឥណ្ឌូនេស៊ី ម៉ាឡេស៊ី និងថៃ ហើយចំនួនវានៅលើសកលលោកមានតិចជាង ៥០០ ក្បាលប៉ុណ្ណោះ។ ចំណែកនៅកម្ពុជា សត្វអណ្តើកនេះក៏បានចាត់ជាប្រភេទកំពុងរងគ្រោះថ្នាក់ផងដែរ ហើយត្រូវបានដាក់ជាប្រភេទល្មូនតំណាងឲ្យប្រទេសកម្ពុជា ដោយព្រះរាជក្រឹត្យកាលពីឆ្នាំ ២០០៥៕ រូបភាព៖ WCS
ព័ត៌មានបន្ថែម
ថ្ងៃ ព្រហស្បតិ៍, 21 តុលា, 2021
សាលាបឋមសិក្សាក្រវ៉ាន់ខេត្តសៀមរាប ជាប់ជ័យលាភីប្រាក់ក្នុងការប្រឡងប្រណាំងសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១
ថ្ងៃ ពុធ, 20 តុលា, 2021
ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
