ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានអញ្ជើញក្នុងពិធីចុះហត្ថលេខាលើកិច្ចព្រមព្រៀង ស្តីពី«កិច្ចសហប្រតិបត្តិការក្នុងវិស័យបរិស្ថាន»សម្រាប់ការរៀបចំគម្រោងរ៉េដបូកសំកុស ក្នុងដែនជម្រកសត្វព្រៃភ្នំសំកុស និងលោក ចន វីល្លីស នាយកប្រចាំប្រទេស នៃអង្គការសម្ព័ន្ធមិត្តសត្វព្រៃ (Wildlife Alliance) ព្រមទាំងអស់លោក លោកស្រី តំណាងអគ្គក្នុងក្រសួងបរិស្ថាន អង្គការពាក់ព័ន្ធជាច្រើនរូបចូលរួម នា

ថ្ងៃទី២៥ ខែកក្កដា ឆ្នាំ២០២២ ។

មានប្រសាសន៍ក្នុងឱកាសនោះ ឯកឧត្តម សៅ សុភាព រដ្ឋលេខាធិការក្រសួងបរិស្ថានបានលើកឡើងថា៖ ដែនជម្រក សត្វព្រៃភ្នំសំកុសមិន ធ្លាប់មានដៃគូសហការលើកិច្ចការពារធនធានធម្មជាតិ និងអភិរក្សជីវចម្រុះ ជាមួយអង្គការសម្ព័ន្ធមិត្ត សត្វព្រៃ(Wildlife Alliance) បានស្ម័គ្រចិត្តធ្វើ ជាដៃគូជាមួយ ក្រសួងបរិស្ថាន ដើម្បីរួមគ្នាការពារ និងអភិរក្សដែនជម្រកសត្វព្រៃភ្នំសំកុស តាមរយៈ ការរៀបចំគម្រោង រេដបូក តាមស្តង់ការកាបូនស្ម័គ្រចិត្ត។ គោលបំណងចម្បងនៃ គម្រោងរេដបូកសំកុសគឺ ចូលរួមចំណែកដល់ការកាត់បន្ថយបម្រែបម្រួល អាកាសធាតុសកល តាមរយៈការគាំទ្រដល់និរន្តរភាពនៃការគ្រប់គ្រងដែនជម្រកសត្វព្រៃ និងការលើក កម្ពស់ជីវភាពសហគមន៍ដែលរស់នៅក្នុង និងជាប់នឹងតំបន់គម្រោង។ នឹងសម្រេចបាន តាមរយៈការធ្វើការដោយផ្ទាល់ជាមួយសហគមន៍ ដើម្បីអនុវត្តសកម្មភាពកសិកម្មបែបអភិរក្ស និងបង្កើត ឳកាស និងជម្រើសជីវភាព សម្រាប់ប្រជាសហគមន៍នៅមូលដ្ឋាន ដើម្បីបញ្ចៀសការដាក់សម្ពាធទៅ លើធនធានធម្មជាតិ។

ឯកឧត្តមរដ្ឋលេខាធិការបន្តទៀតថា៖ កិច្ចសហប្រតិបត្តិការ នៅក្នុងគម្រោងនេះមានគោលបំណង និងគោលដៅ ជាក់ លាក់ស្របតាម ច្បាប់ និង បទដ្ឋាន គតិយុត្តដែលមានជាធរមាននៅក្នុងព្រះរាជាណាចក្រកម្ពុជា និងសមត្ថភាព ប្រភពថវិកា និងគោលការណ៍ រួមដូចជា៖

ក- កាត់បន្ថយសកម្មភាពកាប់រានព្រៃខុសច្បាប់ ការកាប់ឈើ ការបរបាញ់ សត្វព្រៃ និង កា រជួញ ដូរប្រភេទសត្វព្រៃសំខាន់ៗ ក្នុងតំបន់ការពារធម្មជាតិ តាម រយៈការល្បាត និងការ អនុវត្ត ច្បាប់ប្រកបដោយប្រសិទ្ធភាព។

ខ- បង្កើតគម្រោងរេដបូកថ្មីមួយក្នុងដែនជម្រកសត្វព្រៃភ្នំសំកុស។ គម្រោងនេះនឹងត្រូវ បង្កើត បញ្ជាក់ និងចុះបញ្ជីដោយប្រើប្រាស់ស្តង់ដារកាបូនបញ្ជាក់ (Verified Carbon Standard- VCS) និងស្តង់ដារអាកាសធាតុ សហគមន៍ និងជីវចម្រុះ (Climate, Community and Biodiversity Standard-CCB)។

គ- ផ្តល់យោបល់ និងការគាំទ្របច្ចេកទេសដល់ក្រសួងបរិស្ថានរួម មាន ការ ផ្សព្វ ផ្សាយ ទីផ្សារ និងការលក់ឥណទានកាបូននៃគម្រោងកាត់ បន្ថយ ការបំភាយ ឧស្ម័ន កាបូនិច ពីការ បាត់ បង់ និងរេចរឹល ព្រៃឈើ «រេដបូក» (Reducing Emission from Deforestation and Forest Degradation-REDD+) ក្នុងគម្រោងរេដបូកសំកុស យោង តាមកិច្ច ព្រមព្រៀង គម្រោង រេដបូក រវាង ក្រសួង បរិស្ថាន និងអង្គការសម្ព័ន្ធ មិត្ត សត្វព្រៃ។

ឃ- ធានាសុវត្ថិភាពជីវភាពសហគមន៍មូលដ្ឋាន ដែលពឹងអាស្រ័យលើ ធនធាន ក្នុង តំបន់ ការពារ ធម្មជាតិតាមរយៈការគ្រប់គ្រងធនធានធម្មជាតិ អាស្រ័យ លើសហគមន៍ ។

ង- កំណត់ក្នុងផែនទីប្រើប្រាស់ដីធ្លីនៅក្នុងនិងជុំវិញតំបន់ការពារធម្មជាតិ និង តាមរយៈ វិធីសាស្ត្រ ធ្វើផែនការ ប្រើប្រាស់ដីធ្លីដោយមានការចូលរួមផ្តល់សុវត្ថិភាពដល់ព្រំ ប្រទល់ នៃតំបន់ការពារ ធម្មជាតិ។

ច- កសាងសមត្ថភាពបច្ចេកទេស និងរូបវន្ត ដល់មន្ត្រីរដ្ឋាភិបាលក្នុងការ គ្រប់គ្រង ព្រៃ ឈើ និងសត្វព្រៃជាក់ស្តែងនៅទីវាល។

ឆ- អនុវត្តកម្មវិធីតាមដានជីវចម្រុះ តាមរយៈការស្រាវជ្រាវវិទ្យាសាស្ត្រ សម្រាប់តំបន់ការពារធម្មជាតិ។

ព័ត៌មានបន្ថែម

រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
កម្ពុជាបង្ហាញការដោះស្រាយលើការប្រែប្រួលអាកាសធាតុនៅក្នុងវិស័យសំណង់ពិតជាមានសារៈសំខាន់ជាសកល
ថ្ងៃ ពុធ, 13 មិនា, 2024 កម្ពុជាបង្ហាញការដោះស្រាយលើការប្រែប្រួលអាកាសធាតុនៅក្នុងវិស័យសំណង់ពិតជាមានសារៈសំខាន់ជាសកល