កាលពីពេលថ្មីៗកន្លងទៅនេះ ក្រុមស្រាវជ្រាវនៃនាយកដ្ឋានបេតិកភណ្ឌនៃក្រសួងបរិស្ថានបានរកឃើញហ្វូស៊ីល ខ្យង គ្រំ និងងាវសមុទ្រក្នុងដែនជម្រកសត្វព្រៃគូលែនព្រហ្មទេព ខេត្តព្រះវិហារដែលអាចមានអាយុរាប់លានឆ្នាំ​។

លោកលឹម វណ្ណច័ន្ទ អនុប្រធានការិយាល័យអប់រំផ្សព្វផ្សាយនៃក្រសួងបរិស្ថាន លើកឡើងថា “តាមរយៈ​នៃការ​រកឃើញ​នេះ ក្រុមបច្ចេកទេសអាចសន្និដ្ឋានថាប្រទេសកម្ពុជាអាចធ្លាប់ជាបាទសមុទ្រ​ ហើយទីទួលនោះអាចជាកន្លែងដែលកាលពីមុនមានការចាក់បង្គរងាវ គ្រំ ឬខ្យង។ បើតាមការសិក្សាទំរាំបានក្លាយជាថ្មយ៉ាងដូចនេះ គឺវាត្រូវការឆ្លងកាត់ពេលវេលារាប់លានឆ្នាំ”។ ដោយសារតែកង្វះអ្នកជំនាញ​ហ្វូស៊ីលនេះនៅមិនអាច​វាស់អាយុ​កាល​ពិតប្រាក​ដ​នៅឡើយទេ ប៉ុន្តែលោក​អាច​ត្រឹមសន្និដ្ឋាន​បានថា ហ្វូស៊ីលនេះមានអាយុមិនតិចជាងរាប់លានឆ្នាំនោះទេ។

ដុំហ្វូសីលទាំងនោះមានរាងជាដុំថ្មដែលមានផ្តុំទៅដោយងាវសមុទ្រ ងាវ ឬក៏គ្រំដែលត្រូវបានរក​ឃើញ​នៅ​លើទួល​មួយក្នុងកន្លែងក្នុងភូមិសាស្ត្រនៃដែនជម្រកសត្វព្រៃគូលេនព្រហ្មទេព។ លោក លឹម វណ្ណច័ន្ទ បាន​រំពឹង​ថា ប្រសិនទីតាំងនេះតំបន់ដែលរកឃើញហ្វូស៊ីលត្រូវបានសិក្សាធ្វើកំណាយនោះ វានឹងនាំ​ទៅដល់​ការ​ស្វែង​យល់​​ពីការចំណាស់នៃទឹកដីរបស់កម្ពយជា ហើយអាចស្វែងយល់ពីប្រភេទ​សត្វដែល​មានប្រវត្តិ​ក្នុង​ប្រទេស​កម្ពុជា។

លោកសង្កត់ធ្ងន់ថា ហ្វូស៊ីលទាំងនេះ គឺនឹងអាច​ក្លាយ​ជារបស់​បេតិកភណ្ឌ​សម្រាប់​ការសិកស្រាវ​ជ្រាវ​យ៉ាង​សំខាន់​បំផុតមួយ៕

លោកលឹម វណ្ណច័ន្ទ អនុប្រធានការិយាល័យអប់រំផ្សព្វផ្សាយនៃក្រសួងបរិស្ថាន។ រូបថត៖ សុភាព
លោកលឹម វណ្ណច័ន្ទ អនុប្រធានការិយាល័យអប់រំផ្សព្វផ្សាយនៃក្រសួងបរិស្ថាន។ រូបថត៖ សុភាព
ដុំហ្វូស៊ីលខ្យង គ្រំ និងងាវ​ដែលយកចេញពីដែនជម្រកសត្វព្រែគូលែនព្រហ្មទេព។ រូបភាព៖ សុភាព

 

ព័ត៌មានបន្ថែម

ក្រសួងបរិស្ថាន និងអង្គការដៃគូប្តេជ្ញាចិត្តធ្វើឱ្យប្រសើរឡើងនូវការអភិរក្សជីវៈចម្រុះ និងលើកកម្ពស់ជីវភាពសហគមន៍នៅក្នុងតំបន់ការពារទេសភាពបឹងព្រែកល្ពៅ
ថ្ងៃ អាទិត្យ, 16 មករា, 2022 ក្រសួងបរិស្ថាន និងអង្គការដៃគូប្តេជ្ញាចិត្តធ្វើឱ្យប្រសើរឡើងនូវការអភិរក្សជីវៈចម្រុះ និងលើកកម្ពស់ជីវភាពសហគមន៍នៅក្នុងតំបន់ការពារទេសភាពបឹងព្រែកល្ពៅ
សិក្ខាសាលាពិគ្រោះយោបល់​ថ្នាក់ជាតិ​ស្ដីពី «ការរៀបចំផែនការសកម្មភាពស្ដារសត្វខ្លាធំនៅកម្ពុជា ២០២២-២០២៣»
ថ្ងៃ ព្រហស្បតិ៍, 13 មករា, 2022 សិក្ខាសាលាពិគ្រោះយោបល់​ថ្នាក់ជាតិ​ស្ដីពី «ការរៀបចំផែនការសកម្មភាពស្ដារសត្វខ្លាធំនៅកម្ពុជា ២០២២-២០២៣»
ក្រុមការងារចុះមូលដ្ឋានខេត្តព្រះសីហនុប្រគេនទេយ្យទាន ដល់ព្រះសង្ឃក្នុងស្រុកព្រៃនប់ខេត្តព្រះសីហនុ
ថ្ងៃ ចន្ទ, 10 មករា, 2022 ក្រុមការងារចុះមូលដ្ឋានខេត្តព្រះសីហនុប្រគេនទេយ្យទាន ដល់ព្រះសង្ឃក្នុងស្រុកព្រៃនប់ខេត្តព្រះសីហនុ