ឯកឧត្តម វ៉ាន់ មុនីនាថ អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាពនិងជាសហប្រធានរៀបចំកិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA) នៅថ្ងៃពុធ ៤ រោច និងថ្ងៃព្រហស្បតិ៍ ៥ រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៨-២៩ ខែកក្កដា ឆ្នាំ២០២១ នៅទីស្តីការសួងបរិស្ថាន បានដឹកនាំប្រតិភូក្រសួងបរិស្ថាន ដែលរួមមានតំណាងអគ្គលេខាធិការដ្ឋាន ក.ជ.អ.ច. ខុទ្ទកាល័យនិងអគ្គនាយកដ្ឋានចំណុះក្រសួងចូលរួមប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA) តាមប្រព័ន្ធវីដេអូដោយមានការចូលរួមពីប្រទេសជាសមាជិក មិនមែនសមាជិករបស់អង្គការ PEMSEA និងដៃគូអភិវឌ្ឍន៍សរុបចំនួន៥៨ នាក់។ លទ្ធផលនៃកិច្ចប្រជុំនេះ បានពិនិត្យពិភាក្សាលើប្រធានបទសំខាន់ៗរួមមាន (១)ការអនុវត្តសេចក្តីសម្រេចកិច្ចប្រជុំក្រុមប្រឹក្សាលើកទី១២ (២)ការអនុវត្តយុទ្ធសាស្រ្តអភិវឌ្ឍន៍ប្រកបដោយនិរន្តរភាពតំបន់សមុទ្រនៅអាស៊ីបូព៌ា (៣)សេចក្តីព្រាងក្របខណ្ឌផែនទីបង្ហាញផ្លូវឆ្នាំ២០៣០ (៤)ផែនការការអភិវឌ្ឍសមត្ថភាពឆ្នាំ២០២១-២០៣០ (៥)វឌ្ឍនភាពការងាររៀបចំមហាសន្និបាតសមុទ្រអាស៊ីបូព៌ាឆ្នាំ២០២១ និងវេទិកាថ្នាក់រដ្ឋមន្រ្តីលើកទី៧ នៅកម្ពុជា (៦)សេចក្តីព្រាងសេចក្តីថ្លែងការណ៍រដ្ឋមន្រី្តបណ្តាប្រទេសសមាជិកតំបន់សមុទ្រនៅអាស៊ីបូព៌ា និង(៧)របាយការណ៍បច្ចុប្បន្នភាពនៃផលប៉ះពាល់ដោយសារកូវីដ-១៩ លើការងារប្រតិបត្តិនិងថវិការបស់អង្គការ PEMSEA និងគម្រោងដៃគូអភិវឌ្ឍន៍។

អង្គប្រជុំ ក៏បានគោរពថ្លែងអំណរគុណយ៉ាងជ្រាលជ្រៅដល់កម្ពុជា ដែលបានទទួលធ្វើម្ចាស់ផ្ទះសម្រាប់មហាសន្និបាតសមុទ្រអាស៊ីបូព៌ាឆ្នាំ២០២១ និងវេទិកាថ្នាក់រដ្ឋមន្រ្តីលើកទី៧ នៅខែធ្នូ ឆ្នាំ២០២១។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy