កាល​ពី​ថ្ងៃអង្គារ ៩កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែវិច្ឆិកា ឆ្នាំ២០២០ នៅទីស្ដីការក្រសួងបរិស្ថាន ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានដឹកនាំកិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា ដោយមានការចូលរួមពីឯកឧត្តម ទិន ពន្លក រដ្ឋលេខាធិការ លោកជំទាវ ចាន់ សុម៉ាលី អនុរដ្ឋលេខាធិការ ឯកឧត្តម ខៀវ បូរិន អគ្គនាយក នៃអគ្គនាយកដ្ឋានសហគមន៍មូលដ្ឋាន ឯកឧត្តម ម៉េង មុនីរក្ស អគ្គលេខាធិការរង នៃអគ្គលេខាធិការដ្ឋានក្រុមប្រឹក្សា​អភិវឌ្ឍន៍ដោយចីរភាព តំណាងក្រសួងសេដ្ឋកិច្ច និងហិរញ្ញវត្ថុ ក្រសួងធនធានទឹក និងឧតុនិយម ក្រសួងអភិវឌ្ឍន៍ជនបទ ក្រសួងកសិកម្ម រុក្ខាប្រម៉ាញ និងនេសាទ ក្រសួងរ៉ែ និងថាមពល ក្រុមការងារនៃធនាគារពិភពលោក តំណាងអង្គការអភិរក្សអន្តរជាតិ និងសហការី សរុបប្រម៉ាណ ១៥នាក់។ កិច្ចប្រជុំនេះមានគោលបំណង​ពិនិត្យ និងពិភាក្សាអំពីរបាយការណ៍ស្ដីពី កាវាយតម្លៃសេវាកម្មប្រព័ន្ធអេកូឡូស៊ីដែលផ្ដល់ដោយព្រៃឈើ នៅក្នុងភូមិសាស្រ្តតំបន់ជួរភ្នំក្រវ៉ាញ ដែលបានរៀបចំឡើងដោយអង្គការអភិរក្សអន្តរជាតិ ក្រោមការគាំទ្រពីធនាគារពិភពលោក។ ជាលទ្ធផល ឯកឧត្តមរដ្ឋលេខាធិការ បានសម្ដែងការគាំទ្រ និងថ្លែងអំណរគុណដល់ក្រុមការងារនៃធនាគារពិភពលោក និងអង្គការអភិរក្សអន្តរជាតិ ក៏ដូចជាដៃគូពាក់ព័ន្ធ ដែលបានខិតខំប្រឹងប្រែងក្នុងការសិក្សា និងចងក្រងឱ្យមានរបាយការណ៍នេះឡើង និងស្នើសុំឱ្យក្រុមការងារ​ប្រមូលយកមតិយោបល់ ក៏ដូចជាសំណូមពរផ្សេងៗ ពីអ្នកចូលរួមទាំងអស់ ដើម្បីយកមកធ្វើការកែសម្រួល និងកែលម្អរបាយការណ៍ រួចដាក់ជូនមកក្រសួងបរិស្ថាន ដើម្បីបន្តពិនិត្យ និងផ្ដល់យោបល់។ ឯកឧត្តមរដ្ឋលេខាធិការ ក៏បានស្នើឱ្យមានការគិតគូរធ្វើការសិក្សា និងវាយតម្លៃប្រព័ន្ធអេកូឡូស៊ីនៅទូទាំងប្រទេស ដោយតម្រូវឱ្យមានប្រព័ន្ធជាតិ វាយតម្លៃប្រព័ន្ធអេកូឡូស៉ី ដើម្បីធានាឱ្យបានភាពជាម្ចាស់ក្នុងការគ្រប់គ្រងទិន្នន័យ និងតម្រូវឱ្យក្រុមការងាររៀបចំជារបាយការណ៍ចុងក្រោយដាក់ជូនថ្នាក់ដឹកនាំរាជរដ្ឋាភិបាល ដើម្បីពិនិត្យ និងផ្ដល់យោបល់មុនពេលធ្វើការអនុម័តលើរបាយការណ៍នេះ។ ជាចុងបញ្ចប់ ឯកឧត្តមរដ្ឋលេខាធិការ បានស្នើសុំឱ្យគ្រប់គ្រប់ និងប្រើប្រាស់ឱ្យបានត្រឹមត្រូវសមស្របទៅតាមស្ថានភាពជាក់ស្ដែង។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy