និស្សិតដែលមកពីសកលវិទ្យាល័យកម្ពុជា គឺជាជ័យលាភីលេខ១ ក្នុងវេទិកាយុវជនឆ្នើមថ្នាក់ជាតិជជែកពិភាក្សាអំពីបញ្ហាបរិស្ថាន ប្រចាំឆ្នាំ២០១៦ ដែលរៀបចំឡើងដោយក្រសួងបរិស្ថាន។ បន្ទាប់ពីឆ្លងកាត់ការប្រកួតជជែកពិភាក្សាតាំងពីវគ្គជម្រុះ និងវគ្គពាក់កណ្តាលផ្តាច់ព្រ័ត្រកន្លងមក នៅក្នុងវគ្គផ្តាច់ព្រ័តគឺមាននិស្សិតឆ្នើមដែលមកពីសកលវិទ្យាល័យចំនួន៤ រួមមានសកលវិទ្យាល័យកម្ពុជា សកលវិទ្យាល័យភូមិន្ទកសិកម្ម សកលវិទ្យាល័យភ្នំពេញអន្តរជាតិ និងសកលវិទ្យាល័យបញ្ញាសាស្រ្តកម្ពុជា គ្រាដែលការប្រគល់រង្វាន់ជ័យលាភី និងពិធីបិទវេទិកានេះប្រព្រឹត្តទៅក្រោមអធិបតីភាពឯកឧត្តម សាបូ អូហ្សាណូ រដ្ឋលេខាធិការក្រសួងបរិស្ថាន នៅឯមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) នាព្រឹកថ្ងៃទី៤ ខែវិច្ឆិកា ឆ្នាំ២០១៦នេះ។

មានប្រធានបទចំនួនបី ដែលត្រូវបានលើកយកមកពិភាក្សានៅក្នុងវេទិកាថ្នាក់ជាតិនេះ ដែលក្នុងនោះមាន : ១-ការអភិវឌ្ឍសេដ្ឋកិច្ច គឺប្រសើរជាងការអភិរក្សធនធានធម្មជាតិ, ២- ប្រទេស អភិវឌ្ឍ ត្រូវ មានការទទួលខុសត្រូវច្រើនជាងប្រទេសកំពុងអភិវឌ្ឍក្នុងការដោះស្រាយបញ្ហាប្រែប្រួលអាកាសធាតុ និង ៣-ដល់ពេលហើយដែលកម្ពុជាត្រូវពង្រឹងការអនុវត្តច្បាប់ ជាជាងការអប់រំបរិស្ថាន។ ជាមួយគ្នានេះ ក្រុមនិស្សិតដែលទទួលបានជ័យលាភីលេខ២ គឺបានទៅលើសកលវិទ្យាល័យអន្តរជាតិ និងជ័យលាភីលេខ៣ និងលេខ៣ស្ទួន គឺបានទៅលើសាកលវិទ្យាល័យបញ្ញាសាស្រ្តកម្ពុជា និងសាកលវិទ្យាល័យភូមិន្ទកសិកម្ម។

សូមបញ្ជាក់ថា វេទិកាយុវជនឆ្នើមថ្នាក់ជាតិជជែកពិភាក្សាអំពីបញ្ហាបរិស្ថាន ២០១៦ គឺជាព្រឹត្តិការណ៍ដំបូងបង្អស់និងក្នុងទ្រង់ ទ្រាយធំសម្រាប់និស្សិតកម្រិតបរិញ្ញាបត្រនៅតាមសាកលវិទ្យាល័យចំនួន១៦ ក្នុងរាជធានីភ្នំពេញ បន្ទាប់ពីការប្រកួតពិភាក្សាកម្រិតខ្នាតតូចដែលយើងធ្លាប់រៀបចំចំនួន៣៦លើករួចមកហើយ ចាប់តាំងពីឆ្នាំ២០០៤មក៕

14955944_771422456330211_4508126742123596239_n 14947917_771422492996874_5147547770589568063_n 14938181_771422489663541_5950630741961325988_n 14910373_771422496330207_1255610122399532919_n

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy