នាព្រឹកថ្ងៃទី១០ ខែមេសា ឆ្នាំ២០១៩ ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានដឹកនាំកិច្ចប្រជុំស្តីពី «ការរៀបចំគោលនយោបាយអំពីការបង់ថ្លៃសេវាកម្មប្រព័ន្ធអេកូឡូស៊ី (PES) នៅ​កម្ពុជា» នៅបន្ទប់ប្រជុំប្រាជ្ញស៊ុន ទីស្តីការក្រ​សួងបរិស្ថាន។
កិច្ចប្រជុំនេះរៀបចំឡើងដោយនាយកដ្ឋានជីវៈចម្រុះ នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព​ (ក.ជ.អ.ច.)​ ដោយមានអ្នកចូលរួម​ពីថ្នាក់ដឹកនាំអគ្គលេខាធិការដ្ឋាន​ ក.ជ.អ.ច. អគ្គនាយកដ្ឋាន នាយកដ្ឋានចំណុះក្រសួងបរិស្ថាន សរុបចំនួន ៤៩រូប។ កិច្ចប្រជុំនេះមានគោលបំណង៖
១-បង្ហាញពីសេវាកម្មប្រព័ន្ធអេកូឡូស៊ី និងដំណើរការនៃការអនុវត្តយន្តការ PES នៅក្នុងស្ថានភាពនៃប្រទេសកម្ពុជា
២-បង្ហាញពីលទ្ធផលនៃការប្រមូលពត៌មាន និងសិក្សាជាក់ស្តែងសម្រាប់ការអនុវត្តគម្រោងសាកល្បង PES នៅភ្នំគូលែន និងក្បាលឆាយ
៣-បង្ហាញពីលទ្ធផលនៃការសិក្សាសមិទ្ធិលទ្ធភាពរបស់គម្រោងសាកល្បងPES។ ក្នុងឱកាសបើកកិច្ចប្រជុំ ឯកឧត្តម សៅ សុភាព រដ្ឋលេខាធិការ បានលើកឡើងពីប្រវត្តិ ឱកាស និងភាពចាំបាច់នានាក្នុងការស្វែងរកយន្តការថ្មីៗបន្ថែមទៀត ដើម្បីចូលរួមការពារធនធានធម្មជាតិ និងអភិរក្សជីវៈចម្រុះ សំដៅធានាបានក្នុងការប្រើប្រាស់ធនធានទាំងនោះប្រកបដោយចីរភាព ធានានិរន្តរភាពនៃការអភិវឌ្ឍសេដ្ឋកិច្ចជាតិ និងបំពេញបានតាមតម្រូវការរបស់ប្រជាពលរដ្ឋមូលដ្ឋាន។

កាលពីឆ្នាំ២០១៦ រាជរដ្ឋាភិបាលកម្ពុជា បានសម្រេចអនុញ្ញាតឱ្យក្រុមប្រឹក្សាជាតិអភិវឌ្ឍន៍ដោយចីរភាព សហការជាមួយក្រសួង ស្ថាប័នពាក់ព័ន្ធ អង្គការដៃគូ និងរដ្ឋបាលថ្នាក់ក្រោមជាតិ ដើម្បីរៀបចំគោលនយោបាយស្តីពី ការបង់ថ្លៃសេវាកម្មប្រព័ន្ធអេកូឡូស៊ី (PES) ដែលនឹងត្រូវអនុវត្តសាកល្បងក្នុងតំបន់គោលដៅចំនួន ០២ គឺតំបន់ប្រើប្រាស់ច្រើនយ៉ាងក្បាលឆាយ ខេត្តព្រះសីហនុ និងឧទ្យានជាតិជ័យវរ្ម័ន-នរោត្តម ភ្នំគូលែន ខេត្តសៀមរាប។

សូមជម្រាបផងដែរថាយន្តការ PES គឺជានិន្នាការពិភពលោកថ្មីមួយប្រកបដោយសក្តានុពលនៃការកៀរគរហិរញ្ញវត្ថុ ដើម្បីប្រើប្រាស់ ថែរក្សាការពារ និងអភិរក្សសេវាកម្មប្រព័ន្ធអេកូឡូស៊ី និងជីវៈចម្រុះ។ សេវាកម្មប្រព័ន្ធអេកូឡូស៊ីសំខាន់ៗរួមមាន ១) សេវាផ្តល់ឱ្យ (ទឹកសាប អាហារ ឱសថ…) ២) សេវាជានិយ័តករ (បន្សុទ្ធទឹក-អាកាស កាត់បន្ថយគ្រោះធម្មជាតិ រក្សាកាបូន..) ៣) សេវាកម្មផ្នែកវប្បធម៌ (ជំនឿ សាសនា ប្រពៃណី ទំនៀមទំលាប់ វប្បធម៌ អប់រំ ទេសភាព សោភណ្ឌភាព…) ៤) សេវាកម្មគាំពារ (ជម្រក ជីធម្មជាតិ ដំណើរលម្អង..)។ កិច្ចប្រជុំ បានលើកឡើងនូវជ្រើសមួយចំនួនសម្រាប់ការចាប់ផ្តើមអនុវត្តនៅទីតាំងទាំងពីរ។ តាមការពិភាក្សា កិច្ចប្រជុំយល់ឃើញថាគោលការណ៍ស្មគ្រចិត្តបង់ថ្លៃសេវាកម្មប្រើប្រាស់ទឹកសាបពីភាគីអ្នកប្រើប្រាស់ទឹកច្រើនជាលក្ខណអាជីវកម្ម ត្រូវចាប់ផ្តើមអនុវត្តជាលក្ខណបន្ទាន់ និងការបង់ថ្លៃសេវាកម្មប្រើប្រាស់ទឹកជាកាត្តព្វកិច្ច ចាំបាច់ត្រូវមានច្បាប់គាំទ្រ។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy