ឯកឧត្តម សាយ សំអាល់៖ «សម្ដេចតេជោ ហ៊ុន សែន ជាវីរៈមគ្គុទ្ទេសក៍នៃវិស័យបរិស្ថាន»

«សម្ដេចតេជោ ហ៊ុន សែន ជាវីរៈមគ្គុទ្ទេសក៍នៃវិស័យបរិស្ថាន» នេះគឺជាប្រសាសន៍លើកឡើង របស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ក្នុងឱកាសអញ្ជើញជាអធិបតីភាពក្នុងពិធីសំណេះសំណាលជាមួយសិស្សនិទ្ទេស A និងសិស្សប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង ៥ ធ្នូ ២០២២ ក្នុងខេត្តព្រះសីហនុ នារសៀលថ្ងៃទី០៣ ខែមករា ឆ្នាំ២០២៣។ កម្មវិធីនេះ ក៏មានការអញ្ជើញចូលរួមពីសំណាក់ឯកឧត្តម គួច ចំរើន អភិបាលនៃគណៈអភិបាល ខេត្តព្រះសីហនុ សមាជិកព្រឹទ្ធសភា តំណាងរាស្រ្តមណ្ឌលខេត្តព្រះសីហនុ ឯកឧត្តម លោកជំទាវ លោក លោកស្រី ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ មន្ទីរអង្គភាពជុំវិញខេត្ត បុគ្គលិកអប់រំ គណៈគ្រប់គ្រងសាលា លោកគ្រូ អ្នកគ្រូ អ្នកអាណាព្យាបាល សិស្សនិទ្ទេស A និងសិស្សប្រឡងជាប់សញ្ញាបត្រមធ្យមសិក្សាទុតិយភូមិ យ៉ាងច្រើនកុះករ។