នៅព្រឹកថ្ងៃទី១៤ ខែកុម្ភៈ ឆ្នាំ២០១៩ ឯកឧត្តម ស្រ៊ុន ដារិទ្ធិ រដ្ឋលេខាធិការ អមដំណើរដោយឯកឧត្តម ខៀវ បូរិន អគ្គនាយក នៃអគ្គនាយដ្ឋានសហគមន៍មូលដ្ឋាន និងមន្រ្តីជំនាញនាយកដ្ឋានពាក់ព័ន្ធ តំណាងគណៈអភិបាលខេត្តកំពង់ស្ពឺ អាជ្ញាធរមូលដ្ឋាន មន្ត្រីឧទ្យានុរក្ស និងប្រជាពលរដ្ឋជាច្រើននាក់ ដើម្បីផ្សព្វផ្សាយប្រកាសស្តីពីការទទួលស្គាល់សហគមន៍
តំបន់ការពារធម្មជាតិ«តាសាល» នៃដែនជម្រកសត្វព្រៃភ្នំឱរ៉ាល់ ខេត្តកំពង់ស្ពឺ និងចុះពិនិត្យវឌ្ឍនភាពការដាំដើមម៉ៃសាក់លើផ្ទៃដីរេចរឹលរបស់សហគមន៍ ទំហំ៣៥០ហិកតា។

លោក ផុន ភាព តំណាងសហគមន៍ បានប្តេជ្ញាចិត្ត ដឹកនាំ និងអនុវត្តការងារស្របតាមលក្ខន្តិកៈសហគមន៍ ផែនការគ្រប់គ្រង និងលិខិតបទដ្ឋានគតិយុត្ត ព្រមទាំងពង្រឹងកិច្ចសហការ ជាមួយអាជ្ញាធរមូលដ្ឋាន ស្ថានប័នជំនាញ និងក្រុមហ៊ុនដាំដើមម៉ៃសាក់(CPL) ដើម្បីគ្រប់គ្រង អភិរក្សធនធានធម្មជាតិ និងលើកកម្ពស់ជីវភាពប្រជាសហគមន៍។

ក្នុងឱកាសនោះ ឯឧ. ស្រ៊ុន ដារិទ្ធិ បានលើកឡើងថាក្រសួងបរិស្ថាន បានរៀបចំសហគមន៍តំបន់ការពារធម្មជាតិចំនួន១៦៣សហគមន៍ ដែលថ្ងៃនេះ សហគមន៍តំបន់ ការពារធម្មជាតិតាសាល បានរៀបចំប្រកាសទទួលស្គាល់ ដើម្បីលើកទឹកចិត្តប្រជាសហគមន៍ និងបង្កើនកិច្ចសហការជាមួយអ្នកពាក់ព័ន្ធ ក្នុងការចូលរួមគ្រប់គ្រងធនធានធម្មជាតិ និងរួមចំណែក លើកកម្ពស់ជីវភាពសហគមន៍មូលដ្ឋាន ស្របតាមគោលនយោបាយរបស់រដ្ឋាភិបាលកម្ពុជា។

ក្នុងឱកាសនេះដែរ ឯកឧត្តម រដ្ឋលេខាធិការ និងក្រុមការងារ បានចុះពិនិត្យវឌ្ឍនភាពនៃការដាំដើមម៉ៃសាក់ របស់ក្រុមហ៊ុន Teak Farm-CPL នៅក្នុងដីព្រៃរេចរឹលរបស់សហគមន៍ផងដែរ។

ព័ត៌មានបន្ថែម

មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
ថ្ងៃ សុក្រ, 30 កក្កដា, 2021 មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
ថ្ងៃ សុក្រ, 30 កក្កដា, 2021 កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
លិខិតថ្លែងអំណរគុណរបស់ធនាគារអភិវឌ្ឍន៍កូរ៉េ ជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន
ថ្ងៃ ព្រហស្បតិ៍, 29 កក្កដា, 2021 លិខិតថ្លែងអំណរគុណរបស់ធនាគារអភិវឌ្ឍន៍កូរ៉េ ជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន