រដ្ឋមន្រ្តីកម្ពុជា និងរុស្សី ជួបគ្នាបង្កើតកិច្ចសហប្រតិបត្តិការជាប្រវត្តិសាស្រ្តក្នុងវិស័យបរិស្ថាន

នារសៀលថ្ងៃព្រហស្បតិ៍ ៤រោច ខែបុស្ស ឆ្នាំច សំរឹទ្ធិស័ កព.ស ២៥៦២ ត្រូវនិងថ្ងៃទី២៤ ខែមករា ឆ្នាំ២០១៩ នៅទីស្តីការក្រសួងបរិស្ថាន ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៃព្រះរាជាណាចក្រកម្ពុជា បានទទួលស្វាគមន៍ និងជួបពិភាក្សាការងារជាមួយ ឯកឧត្តម Dmitry Kobylkin រដ្ឋមន្រ្តីក្រសួងធនធានធម្មជាតិ និងបរិស្ថានៃសហព័ន្ធរុស្សី។ ឯកឧត្តម រដ្ឋមន្រ្តីបរិស្ថាននៃប្រទេសទាំងពីរកម្ពុជា-រុស្សី បានសង្កត់ធ្ងន់លើប្រវត្តិសាស្រ្តនៃទំនាក់ទំនងមិត្តភាព និងកិច្ចសហប្រតិបត្តិការយូរអង្វែង រវាងប្រទេសកម្ពុជានិងរុស្ស៊ី និង បានយល់ស្របគ្នាក្នុងការបង្កើនកិច្ចខិតខំប្រឹងប្រែងរួមគ្នា ដើម្បីបង្កើតកិច្ចសហប្រតិបត្តិការប្រកបដោយផ្លែផ្កា លើបញ្ហាបរិស្ថាននាពេលបច្ចុប្បន្ន និងទៅអនាគត។ នៅក្នុងជំនួបនេះ ឯកឧត្តម សាយ សំអាល់ និងឯកឧត្តម Dmitry Kobylkin បានផ្លាស់ប្តូរទស្សនៈស្តីពីកិច្ចគាំពារបរិស្ថាន ការអភិរក្សជីវៈចម្រុះ និងការគ្រប់គ្រងធនធានធម្មជាតិ។

ឯកឧត្តម Dmitry Kobylkin បានសំដែងការអបអរសាទរ និងគាំទ្រលទ្ធផលនៃកិច្ចប្រជុំលើកទី១នៃក្រុមការងារកម្ពុជា – រុស្ស៊ីកាលពីខែវិច្ឆិកា ឆ្នាំ២០១៨ កន្លងទៅ ដែលជំរុញបង្កើតឱ្យមានគម្រោងសហប្រតិបត្តិការរួមគ្នាលើវិស័យបរិស្ថាននៃប្រទេសទាំងពីរកម្ពុជា-រុស្សី។ ឯកឧត្តម បានលើកឡើងថាប្រទេសរុស្ស៊ី បានកែលម្អគុណភាពនៃការរស់នៅរបស់ប្រជាជន ដោយផ្តោតលើការគ្រប់គ្រងទឹក ខ្យល់ ការអភិវឌ្ឍនៃជីវបច្ចេកវិទ្យា និងការអភិរក្សជីវៈចម្រុះបានល្អ។ ឯកឧត្តមរដ្ឋមន្រ្តីធនធានធម្មជាតិ និងបរិស្ថានរុស្សី បានបញ្ជាក់ផងដែរថា ការការពារបរិស្ថានគឺជាអាទិភាពមួយសម្រាប់ប្រទេសរុស្ស៊ី ហើយចង់ស្វែងរកកិច្ចសហប្រតិបត្តិការក្នុងវិស័យទាំងនេះជាមួយកម្ពុជា។

នៅក្នុងឱកាសនេះ ឯកឧត្តម រដ្ឋមន្រ្តី សាយ សំអាល់ មានប្រសាសន៍ថា ប្រទេសរុស្ស៊ីគឺជាដៃគូល្អ និងដែលគួរអោយទុកចិត្ត។ ឯកឧត្តម បានជម្រាបអំពីការអភិវឌ្ឍនាពេលថ្មីៗ របស់ប្រទេសកម្ពុជា ជាពិសេសក្នុងការអភិវឌ្ឍប្រកបដោយចីរភាព ដែលបង្ហាញពីការផ្លាស់ប្តូរជាវិជ្ជមានក្នុងការគ្រប់គ្រងខ្យល់ទឹកនិងដី។ ឯកឧត្តមរដ្ឋមន្ត្រី បានចង្អុលបង្ហាញពីការអភិវឌ្ឍវិស័យទេសចរណ៍ធម្មជាតិ នៅតាមតំបន់ការពារធម្មជាតិ និងបានស្វាគមន៍ចំពោះវិនិយោគិនរុស្ស៊ីនៅក្នុងវិស័យទេសចរណ៍នេះ។ លើសពីនេះទៀត ឯកឧត្តម បានលើកឡើងពីសារៈសំខាន់នៃការអភិវឌ្ឍទីក្រុង និងការបង្កើតគម្រោងជាទីក្រុងមេត្រីភាពបរិស្ថាន។

ព័ត៌មានបន្ថែម

ថ្ងៃ ចន្ទ, 24 កុម្ភៈ, 2020 ឯកឧត្តម សៅ សុភាព ជួបពិភាក្សាការងារជាមួយនាយកប្រតិបត្តិ នៃធនាគារអភិវឌ្ឍន៍អាស៊ី (ADB)

កិច្ចប្រជុំអន្តរក្រសួង ស្តីពីការពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) សម្រាប់គម្រោងកែលម្អការគ្រប់គ្រងបរិស្ថានក្រុងជុំវិញបឹងទន្លេសាប ជំហានទី២ សម្រាប់អនុគម្រោងការគ្រប់គ្រងទឹកកខ្វក់ក្រុងបាត់ដំបង របស់ក្រសួងសាធារណការ និងដឹកជញ្ជូន

ថ្ងៃ ចន្ទ, 24 កុម្ភៈ, 2020 កិច្ចប្រជុំអន្តរក្រសួង ស្តីពីការពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) សម្រាប់គម្រោងកែលម្អការគ្រប់គ្រងបរិស្ថានក្រុងជុំវិញបឹងទន្លេសាប ជំហានទី២ សម្រាប់អនុគម្រោងការគ្រប់គ្រងទឹកកខ្វក់ក្រុងបាត់ដំបង របស់ក្រសួងសាធារណការ និងដឹកជញ្ជូន

ក្រសួងបរិស្ថានសម្របសម្រួល ចូលរួមគាំទ្រផ្តួចផ្តើមកសាងស្ពាន២កន្លែង ដែលត្រូវបានភ្លើងឆេះនៅក្នុងដែនជម្រកសត្វព្រៃភ្នំត្នោត ភ្នំពក និងស្នើអាជ្ញាធរមានសមត្ថកិច្ចស៊ើបអង្កេតឱ្យបានច្បាស់លាស់លើការឆេះស្ពាននេះ

ថ្ងៃ ចន្ទ, 24 កុម្ភៈ, 2020 ក្រសួងបរិស្ថានសម្របសម្រួល ចូលរួមគាំទ្រផ្តួចផ្តើមកសាងស្ពាន២កន្លែង ដែលត្រូវបានភ្លើងឆេះនៅក្នុងដែនជម្រកសត្វព្រៃភ្នំត្នោត ភ្នំពក និងស្នើអាជ្ញាធរមានសមត្ថកិច្ចស៊ើបអង្កេតឱ្យបានច្បាស់លាស់លើការឆេះស្ពាននេះ