កាលពីរសៀលថ្ងៃអង្គារ ២រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២២ ខែមករា ឆ្នាំ២០១៩ នៅទីស្តីការក្រសួងបរិស្ថាន ក្រុមការងារសហប្រតិបត្តិការ ផែនការ និងថវិកា (ក.ស.ផ.ថ.) បានរៀបចំកិច្ចប្រជុំជាលើកដំបូង ក្រោមអធិបតីភាព ឯកឧត្តម សៅ សុភាព រដ្ឋលេខាធិការ និងជាប្រធានក្រុមការ ក.ស.ផ.ថ. និងមានការចូលរួមពី ឯកឧត្តម លោកជំទាវ លោក លោកស្រី ជាសមាជិកនៃក្រុមការងារ។ អង្គប្រជុំបានពិភាក្សាទៅលើរបៀបរបបការងារថ្មីរបស់ក្រុមការងារ ដែលមានតួនាទី និងភារកិច្ចដូចបានចែងនៅក្នុងសេចក្តីសម្រេច ការទទួលខុសត្រូវខ្ពស់ ក្នុង ការសម្របសម្រួល ការរៀបចំគោលនយោបាយ យុទ្ធសាស្រ្ត កិច្ចព្រមព្រៀងផ្សេងៗ ទាំងក្របខណ្ឌជាតិ និងអន្តរជាតិ ជាពិសេស តួនាទី លេខាធិការដ្ឋានដែលជាសេនាធិការយ៉ាងសំខាន់ក្នុងការសម្របសម្រួល ដំណើរការទាំងមូលរបស់ក្រុមការងារ។ ឯកឧត្តមប្រធានក្រុមការងារ បានសំណូមពរឱ្យគ្រប់អង្គភាពក្រោមឱវាទក្រសួងបរិស្ថាន បន្តសហការ និងផ្តល់នូវរាល់ឯកសារ ឬការទំនាក់ទំនងណាមួយ ដែលក្រុមការងារស្នើសុំ ឱ្យទាន់ពេលវេលា និងមានប្រសិទ្ធភាព ជាពិសេស ការពង្រឹងកិច្ចសហប្រតិបត្តិការ ជាមួយក្រសួង ស្ថាប័ន ដៃគូ និងអង្គការជាតិ និងអន្តរជាតិផងដែរ៕

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់