ក្រសួងបរិស្ថាន ស្នើឲ្យក្រសួង ស្ថាប័នពាក់ព័ន្ធរួមគ្នាក្នុងបេសកកម្មការពារ និងអភិរក្សធនធានសមុទ្រ និងតំបន់ឆ្នេរ
………………………………………
ក្រសួងបរិស្ថាន តំណាងស្ថាប័ន អង្គភាពពាក់ព័ន្ធ និងអង្គការមិនមែនរដ្ឋាភិបាល អាជ្ញាធរ​មូលដ្ឋាន និងវិស័យឯកជន រួមគ្នាផ្សព្វផ្សាយស្ដីពី ការអភិរក្សជីវៈចម្រុះសមុទ្រ និងតំបន់ឆ្នេរ តាមរយៈការបង្កើត ឧទ្យានជាតិសមុទ្រ។ វេទិកានេះធ្វើឡើង
នៅថ្ងៃអង្គារ ថ្ងៃទី ២២ ខែមករា គ.ស២០១៩ នៅសណ្ឋាគារឯករាជ្យ ក្រុង/ខេត្ដព្រះសីហនុ។

ឯកឧត្តម សូត យា អនុរដ្ឋលេខាធិការក្រសួងបរិស្ថាន មានប្រសាសន៍ថា សិក្ខាសាលាស្ដីពីការអភិរក្សជីវៈចម្រុះសមុទ្រ និងតំបន់ឆ្នេរតាមរយៈការបង្កើតឧទ្យានជាតិសមុទ្រ ក្រោមការផ្តួចផ្តើមរៀបចំដោយក្រសួងបរិស្ថាន និងគាំទ្រពីអង្គការ IUCN បានឆ្លុះបញ្ចាំងពី​តម្លៃ​ធនធានសមុទ្រ ដើម្បីរួមចំណែកអភិវឌ្ឍសេដ្ឋកិច្ចជាតិ សក្តានុពលអេកូទេសចរណ៍ និងបង្ហាញពីបេសកកម្មរបស់រដ្ឋាភិបាល ក្នុងការការពារ និងអភិរក្សធនធាន​សមុទ្រ និងតំបន់ឆ្នេរ ព្រមទាំងផ្សព្វផ្សាយពីសក្តានុពលឧទ្យានជាតិសមុទ្រកោះរ៉ុង ដល់ប្រជាសហគមន៍ អាជ្ញាធរមូលដ្ឋាន និងអ្នកពាក់ព័ន្ធដែលកំពង់អាស្រ័យផលជាមួយធនធានសមុទ្រ អ្នកសិក្សាស្រាវជ្រាវ និងអាជីវករបម្រើសេវាកម្មមុជទឹក។ ឯកឧត្ដម បន្ដថា ធនធានតំបន់ឆ្នេរសមុទ្រអាចទទួលរងការប៉ះពាល់ ជាពិសេសដល់បរិស្ថាន ជីវៈចម្រុះ និងប្រព័ន្ធអេកូឡូស៊ី។ ដូច្នេះដើម្បីចូលរួមទប់ស្កាត់ និងកាត់បន្ថយនូវហតុប៉ះពាល់ទាំងនេះ ក្រសួងបរិស្ថានដែលស្ថាប័នគោលក្នុងការដឹកនាំ សិក្សាស្រាវជ្រាវ និងរៀបចំផែនការយុទ្ធសាស្រ្តក្នុងការពារ អភិរក្ស​​ជីវៈ​​ចម្រុះ ដោយមានចូលរួមពីអ្នកពាក់ព័ន្ធ ដើម្បីធានាបាននូវការអភិវឌ្ឍប្រកបដោយចីរភាពបរិស្ថាន ជីវៈចម្រុះ និងប្រព័នអេកូឡូស៊ី តំបន់សមុទ្រកម្ពុជា។ សូមបញ្ជាក់ថា ថ្ងៃនេះក៏ជាឱកាសមួយ សម្រាប់ជួបជុំរវាងស្ថាប័ន មានសមត្ថកិច្ច អ្នកវិទ្យាសាស្រ្ត អ្នកស្រាវជ្រាវ និងអ្នកពាក់ព័ន្ធ ទៅនឹងធនធានសមុទ្រ សម្រាប់ស្វែងយល់ពីទស្សនះវិស័យនៃការអភិរក្សធនធានធម្មជាតិ របស់រាជរដ្ឋាភិបាលកម្ពុជា និងដើម្បីចងក្រងនូវលទ្ធផល និងសមិទ្ធិផលរួមគ្នាពីគ្រប់អ្នកពាក់ព័ន្ធ ដើម្បីជាផលប្រយោជន៍របស់ប្រជាជនកម្ពុជា សង្គមជាតិ និងសម្រាប់កូនចៅយើងបច្ចុប្បន្ន និងជំនាន់ក្រោយ។

ព្រះរាជាណាចក្រកម្ពុជា មានឆ្នេរសមុទ្រលាតសន្ធឹងព្រំប្រទល់ច្រកអន្តរជាតិចាំយាម ជាប់នឹង​ព្រះរាជាណាចក្រថៃ រហូតដល់ព្រំប្រទល់ច្រកអន្តរជាតិព្រែកចាក នៃសាធារណរដ្ឋសង្គមនិយមវៀតណាម និងមានវិសាលភាពលើខេត្តចំនួន ៤រួមមាន ខេត្តព្រះសហនុ កោះកុង កំពត និងកែប ដែលមានប្រជាជនប្រមាណជាង២លាននាក់ ហើយមុខរបរចំបងពឹងផ្អែកលើការនេសាទ ការធ្វើកសិកម្ម​ និងផ្តល់សេវាកម្មទេសចរណ៍។ ដោយផ្អែកលើភាពសម្បូរបែបនៃធនធានធម្មជាតិ ជីវៈចម្រុះ និងទេសភាពដ៏ល្អត្រកាលនៅក្នុងឆ្នេរសមុទ្រ រាជរដ្ឋាភិបាលកម្ពុជាបានកំណត់តំបន់នោះ ជាប៉ូលសេដ្ឋកិច្ចជាតិមួយ ក្នុងយុទ្ធសាស្រ្តចតុកោណ និងបានដាក់បញ្ចូលជាសមាជិកក្លឹបឆ្នេរសមុទ្រ ដែលស្អាតបំផុតលើសកលលោកកាលពីឆ្នាំ២០១១ជាការចូលរួមចំណែកក្នុងការលើកកំពស់សេដ្ឋកិច្ចជាតិនិងជីវភាពប្រចាំថ្ងៃរបស់ប្រជាពលរដ្ឋផងដែរ។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy