នៅព្រឹកថ្ងៃសៅរ៍ ទី២៩ ខែធ្នូ ឆ្នាំ២០១៨នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតី សម្ពោធវិមានអនុស្សាវរីយ៍ «នយោបាយឈ្នះ-ឈ្នះ» និងអបអរសាទរខួប២០ឆ្នាំ នៃការបិទបញ្ចប់ភ្លើងសង្គ្រាមនៅក្នុងប្រទេសកម្ពុជា ក្រោម «នយោបាយឈ្នះ-ឈ្នះ» របស់សម្តេចតេជោ ហ៊ុន សែន ដែលមានទីតាងស្ថិតនៅក្នុង​សង្កាត់​ព្រែក​តាសេក ខណ្ឌ​ជ្រោយចង្វារ រាជធានី​ភ្នំពេញ។

ក្រសួងបរិស្ថាន បានចូលរួមដាក់តាំងសមិទ្ធផលក្នុងវិស័យបរិស្ថានរយៈពេល២០ឆ្នាំ នៃការអនុវត្តដោយជោគជ័យនយោបាយឈ្នះឈ្នះ របស់សម្តេចអគ្គមហាសេនា បតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។

គោលនយោបាយ ឈ្នះឈ្នះ របស់សម្តេចអគ្គមហាសេនាបតីតេជោ ហ៊ុន សែន បានរំលាយអង្គការចាត់តាំងនយោបាយ និងយោធាខ្មែរក្រហម និងបានទទួលជោគជ័យទាំងស្រុងនៅថ្ងៃទី២៩ ខែធ្នូ ឆ្នាំ ១៩៩៨ ព្រមទាំង នាំយកសុខសន្តិភាពពេញលេញ ការបង្រួបបង្រួមជាតិ និងឯកភាពជាតិ ឯកភាពទឹកដី មិនដែលធ្លាប់មានសោះនៅក្នុងរយៈពេល ៥០០ ឆ្នាំចុងក្រោយនៃប្រវត្តិសាស្ត្រកម្ពុជា។ កត្តាសនិ្តភាពចាប់ពី ឆ្នាំ ១៩៩៨មក បានជំរុញឱ្យវិស័យបរិស្ថានរីកចម្រើនគួរជាទីមោទនៈ និងត្រូវបានទទួលស្គាល់យ៉ាង ទូលំទូលំទូលាយ ថា ជាបញ្ហារួម ហើយយកចិត្ត ទុកដាក់ និងចូលរួមពីគ្រប់មជ្ឈដ្ឋាន ដើម្បីការពារ និងអភិរក្ស ធនធានធម្មជាតិ កិច្ចគាំពារបរិស្ថាន និងការអភិវឌ្ឍ ដោយ ចីរភាព។

សូមបញ្ជាក់ថា ព្រឹត្តិការណ៍ប្រវត្តិសាស្រ្ត សម្ពោធវិមានអនុស្សាវរីយ៍ «នយោបាយឈ្នះ-ឈ្នះ» និងអបអរសាទរខួប២០ឆ្នាំ នៃការបិទបញ្ចប់ភ្លើងសង្គ្រាមនៅក្នុងប្រទេសកម្ពុជា មានរយៈពេល៣ថ្ងៃចាប់ពីថ្ងៃទី២៩ ដល់ថ្ងៃទី៣១ ខែធ្នូ ដោយពេលរាត្រីនឹងមានការបាញ់កាំជ្រួច និងការប្រគំតន្ត្រីសម្រាប់ជាការកម្សាន្តរបស់ប្រជាពលរដ្ឋ។ បន្ថែមពីលើនោះ ក៏នៅមានព្រឹត្តិការណ៍ផ្សេងៗជាច្រើនទៀត រួមជាការតាំងពិព័រណ៍ផលិតផល និងសិមិទ្ធផលការងសរ របស់ក្រសួង ដ្ថាប័ន និង រាជធានី ខេត្តជាច្រើនស្តង់ផងដែរ៕

ព័ត៌មានបន្ថែម

សន្និសីទ ស្តីពីដំណោះស្រាយសមុទ្រ “SEA of Solutions Conference”
ថ្ងៃ ព្រហស្បតិ៍, 14 វិច្ឆិកា, 2019 សន្និសីទ ស្តីពីដំណោះស្រាយសមុទ្រ “SEA of Solutions Conference”
ទីស្តីការក្រសួងបរិស្ថាន នាយកដ្ឋានវិទ្យាសាស្រ្ត និងបច្ចេកវិទ្យា បានរៀបចំកិច្ចប្រជុំក្រុមការងារថ្នាក់ជាតិដើម្បីសម្របសម្រួលកិច្ចសហប្រតិបត្តិការក្នុង ការប្រើប្រាស់ថាមពលនុយក្លេអ៊ែរសម្រាប់បម្រើឱ្យគោលបំណងសន្តិភាព
ថ្ងៃ ព្រហស្បតិ៍, 14 វិច្ឆិកា, 2019 ទីស្តីការក្រសួងបរិស្ថាន នាយកដ្ឋានវិទ្យាសាស្រ្ត និងបច្ចេកវិទ្យា បានរៀបចំកិច្ចប្រជុំក្រុមការងារថ្នាក់ជាតិដើម្បីសម្របសម្រួលកិច្ចសហប្រតិបត្តិការក្នុង ការប្រើប្រាស់ថាមពលនុយក្លេអ៊ែរសម្រាប់បម្រើឱ្យគោលបំណងសន្តិភាព
សិក្ខាសាលា​ថ្នាក់​តំបន់​ស្តីពី​ «ការ​ធ្វើ​ឱ្យ​ប្រសើរឡើង​នូវ​កិច្ច​សហប្រតិបត្តិការ​ និង​ភាព​ស៊ី​សង្វាក់គ្នា​រវាង​អនុសញ្ញា​នានា​ពាក់ព័ន្ធ​នឹង​ជីវៈចម្រុះ​នៅ​ក្នុង​តំបន់​អាស៊ាន​ តាមរយៈ​ក្របខណ្ឌ​ការងារ​ស្តីពី​ជីវៈ​ចម្រុះ​សាកល​ក្រោយ​ឆ្នាំ​២០២០»
ថ្ងៃ ពុធ, 13 វិច្ឆិកា, 2019 សិក្ខាសាលា​ថ្នាក់​តំបន់​ស្តីពី​ «ការ​ធ្វើ​ឱ្យ​ប្រសើរឡើង​នូវ​កិច្ច​សហប្រតិបត្តិការ​ និង​ភាព​ស៊ី​សង្វាក់គ្នា​រវាង​អនុសញ្ញា​នានា​ពាក់ព័ន្ធ​នឹង​ជីវៈចម្រុះ​នៅ​ក្នុង​តំបន់​អាស៊ាន​ តាមរយៈ​ក្របខណ្ឌ​ការងារ​ស្តីពី​ជីវៈ​ចម្រុះ​សាកល​ក្រោយ​ឆ្នាំ​២០២០»