ឯកឧត្តម សៅ សុភាព រដ្ឋលេខាធិការ នៃក្រសួងបរិស្ថាន ដឹកនាំកិច្ចប្រជុំអន្តរក្រសួងស្តីពីការពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA)
ថ្ងៃ ព្រហស្បតិ៍, 3 មករា, 2019នៅព្រឹកថ្ងៃទី២៧ ខែធ្នូ ឆ្នាំ២០១៨ ឯកឧត្តម សៅ សុភាព រដ្ឋលេខាធិការ នៃក្រសួងបរិស្ថាន ដឹកនាំកិច្ចប្រជុំអន្តរក្រសួងស្តីពីការ ពិនិត្យ និងផ្តល់ យោបល់លើរបាយការណ៍ វាយ តម្លៃ ហេតុប៉ះពាល់ បរិស្ថាន និងសង្គមដំបូង (IESIA) សម្រាប់គម្រោងសិក្សាស្វែងរុករករ៉ែលោហៈតំបន់អូរខ្វាវ លើ ផ្ទៃដី ទំហំ ១៨០,៥ គីឡូម៉ែត្រក្រឡា (១៨០៥០ ហិកតា) ដែល មាន ទីតាំង ភូមិសាស្រ្ត ស្ថិត នៅក្នុង ឃុំប៊ូជ្រី ស្រុកពេជ្រាដា និងឃុំចុងផ្លាស់ ស្រុកកែវសីមា ខេត្តមណ្ឌលគិរី របស់ ក្រុមហ៊ុន Renaissance Minerals (Cambodia) Limited (ម្ចាស់គម្រោង) ដែល សិក្សា និង រៀបចំ របាយការណ៍ វាយ តម្លៃ ដោយក្រុម ហ៊ុន ទីប្រឹក្សា E & A Consultant Co., Ltd. ព្រមទាំងមាន ការចូលរួមពីតំណាង អគ្គនាយកដ្ឋាន និង នាយកដ្ឋានពាក់ព័ន្ធ នៃក្រសួង បរិស្ថាន តំណាងមកពីក្រសួងពាក់ព័ន្ឋ រដ្ឋបាល ខេត្តមណ្ឌលគិរី មន្ទីរ បរិស្ថាន ខេត្តមណ្ឌលគិរី នាយកដ្ឋាន វាយតម្លៃហេតុប៉ះ ពាល់ បរិស្ថាន នៃ ក្រសួង បរិស្ថាន តំណាង ម្ចាស់គម្រោង និងក្រុមហ៊ុន ទីប្រឹក្សា ផងដែរ។
ក្រោយកិច្ចប្រជុំ ឯកឧត្តមប្រធានអង្គប្រជុំបានធ្វើការសរុបលទ្ធផលដែលទាក់ទងនឹង បញ្ហា សំខាន់ៗមួយចំនួនដូចជា៖
១. គាំទ្រគម្រោងសិក្សាស្រាវជ្រាវរុករករ៉ែលោហៈនេះ ដើម្បីទទួលបានទិន្នន័យនៃ សក្តានុពល ធនធានរ៉ែលោហៈ
២. ក្រុមហ៊ុនត្រូវប្រើប្រាស់ទិន្នន័យរបស់ជាតិជាគោល
៣. ក្រុមហ៊ុនត្រូវស្វែងរកបន្ថែមនូវទិន្នន័យព្រៃឈើ និងសត្វព្រៃនៅក្នុងដែនជម្រកសត្វព្រៃ ភ្នំព្រេច និងផែនទីគម្របព្រៃឈើឆ្នាំ ២០០៦-២០១៦
៤. ក្រុមហ៊ុនត្រូវយកចិត្តទុកដាក់លើការគ្រប់គ្រងសំណល់រឹង-រាវចេញពីការខួង និងជំរុំ កម្មករ ដើម្បីកាត់បន្ថយការបំពុលគុណភាពទឹកលើដី-ក្រោមដី
៥. ក្រុមហ៊ុនត្រូវយកចិត្តទុកដាក់លើសុខុមាលភាព និងសុវត្ថិភាពកម្មករ ពិសេសការបង្ការ ជម្ងឺគ្រុនចាញ់ និងជម្ងឺផ្សេងៗ
៦. ក្រុមហ៊ុនត្រូវរៀបចំផែនការគ្រប់គ្រងបរិស្ថានច្បាស់លាស់ និងមានប្រសិទ្ធិភាព ដើម្បី ឆ្លើយតបទៅនឹងហេតុប៉ះពាល់បរិស្ថានដែលអាចនឹងបង្ក ឡើង ដោយគម្រោង
៧. ក្រុមហ៊ុនផ្តល់ថវិកាមូលនិធិបរិស្ថាន និងសង្គមចំនួន ១៥.០០០ដុល្លារសហរដ្ឋអាមេរិក ក្នុង១ឆ្នាំ សម្រាប់រយៈពេលសិក្សាស្រាវជ្រាវចំនួន ៣ឆ្នាំ
៨. ក្រុមហ៊ុនត្រូវសហការជាមួយឧទ្យានុរក្សដែនជម្រកសត្វព្រៃភ្នំព្រេចក្នុងការទប់ស្កាត់ បទល្មើសធនធានធម្មជាតិ នៅក្នុងតំបន់សិក្សាស្រាវជ្រាវ
៩. ក្រុមហ៊ុនត្រូវកែសម្រួលទៅតាមមតិយោបល់របស់មតិអង្គប្រជុំដែលបានលើកឡើង៕
ព័ត៌មានបន្ថែម
ថ្ងៃ ព្រហស្បតិ៍, 2 កក្កដា, 2020
សត្វក្រៀល ឬកុកក្រៀល ឬកុកទេព (ត)
ថ្ងៃ ព្រហស្បតិ៍, 2 កក្កដា, 2020
ឯកឧត្តម សាយ សំអាល់ ទទួលជួបប្រតិភូក្រុមហ៊ុនជប៉ុនលើការងារគ្រប់គ្រងបរិស្ថាន
