ឯកឧត្ដម ផៃ ប៊ុនឈឿន រដ្ឋលេខាធិការប្រចាំការនៃក្រសួងបរិស្ថាន បានចែកវិញ្ញាបនប័ត្រជូនដល់សិក្ខាកាម ដែលបានបញ្ចប់វគ្គបណ្ដុះបណ្ដាលស្តីពី ក្របខណ្ឌលិខិតបទដ្ឋានគតិយុត្តិលេីការងារក្រសួងបរិស្ថាន ដល់មន្រ្តីក្របខណ្ឌថ្មីឆ្នាំ ២០១៨

ថ្ងៃ ពុធ, 19 ធ្នូ, 2018

ក្រសួងបរិស្ថានបិទវគ្គបណ្ដុះបណ្ដាលស្តីពី (ក្របខណ្ឌលិខិតបទដ្ឋានគតិយុត្តិលេីការងារក្រសួងបរិស្ថាន) ដល់មន្រ្តីក្របខណ្ឌថ្មីឆ្នាំ ២០១៨
—————————————
នៅទីស្តីការក្រសួងបរិស្ថាន រសៀលថ្ងៃចន្ទ ១០កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៧ ខែធ្នូ ឆ្នាំ២០១៨ ឯកឧត្ដម ផៃ ប៊ុនឈឿន រដ្ឋលេខាធិការប្រចាំការនៃក្រសួងបរិស្ថាន បានចែកវិញ្ញាបនប័ត្រជូនដល់សិក្ខាកាមចំនួន ៣០រូប ដែលបានបញ្ចប់វគ្គបណ្ដុះបណ្ដាលស្តីពី (ក្របខណ្ឌលិខិតបទដ្ឋានគតិយុត្តិលេីការងារក្រសួងបរិស្ថាន) ដល់មន្រ្តីក្របខណ្ឌថ្មីឆ្នាំ ២០១៨ របស់ក្រសួងបរិស្ថាន និងសិស្សមន្ត្រីមកពីសាលាភូមិន្ទរដ្ឋបាល មានរយៈពេល ៤០ម៉ោង គឺជាការឆ្លើយតបទៅនឹងគោលនយោបាយយុទ្ធសាស្ត្រចតុកោណដំណាក់កាលទី៤ នៃរាជរដ្ឋាភិបាលអាណត្តិទី៦នេះ ក្នុងទិសដៅអនុវត្តន៍កំណែទម្រង់រដ្ឋបាលសាធារណៈ ពិសេស ការកសាង និងអភិវឌ្ឍន៍សមត្ថភាពមន្ត្រីរាជការរបស់ក្រសួងបរិស្ថានដែលជាថ្នាលបណ្តុះនូវធនធានមនុស្ស សម្រាប់ក្របខ័ណ្ឌការងសរបរិស្ថាន ច្បាប់ និងលិខិតបទដ្ឋានគតិយុត្តិ។