ខេត្តសៀមរាប៖ នៅថ្ងៃអង្គារ៍ ១១កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១១ ខែធ្នូ ឆ្នាំ២០១៨ បានរៀបចំសិក្ខាសាលាវាយតម្លៃពាក់កណ្តាលអាណត្តិស្តីពី ការអនុវត្តផែនការយុទ្ធសាស្រ្តបញ្ជ្រាបយេនឌ័រក្នុងវិស័យបរិស្ថាន២០១៦-២០២០ ក្រោមអធិបតីភាព លោកជំទាវ ម៉ុម ថានី រដ្ឋលេខាធិការក្រសួងបរិស្ថាន និងលោកជំទាវ ព្រំ សុភី អនុរដ្ឋលេខាធិការ និងជាប្រធានក្រុមការងារបច្ចេកទេសយេនឌ័រក្រសួងបរិស្ថាន តំណាង UN Women ប្រចាំកម្ពុជា រួមទាំងមានការចូលរួមពីមន្រ្តីជំនាញមកពីគ្រប់មន្ទីរបរិស្ថានខេត្ត និងស្ថាប័នពាក់ព័ន្ធជាច្រើណាក់។ វេទិកានេះរៀបចំឡើង ដើម្បីធានាឱ្យមានសមភាពយេនឌ័រ កែប្រែនូវវិសមភាពលើទំនាក់ទំនងរវាងស្រ្តី និងបុរសក្នុងការគ្រប់គ្រង ចាត់ចែង និងការធ្វើសេចក្តីសម្រេចចិត្តក្នុងការគ្រប់គ្រងធនធានធម្មជាតិ ដែលជាការផ្តល់លទ្ធភាពក្នុងការលើកកម្ពស់ស្ថានភាព និងសមត្ថភាពស្រ្តីក្នុងការបំពេញការងារ ក៏ដូចជាឆ្លើយតបនឹងតម្រូវការក្នុងការធ្វើឱ្យមានសមភាព និងសមធម៌យេនឌ័រ និងដើម្បីបង្កើនឱ្យមានការចូលរួមកាន់តែប្រសើរថែមទៀតរវាងស្រ្តី និងបុរសក្នុងវិស័យបរិស្ថាន។

លោកជំទាវ ម៉ុម ថានី រដ្ឋលេខាធិការក្រសួងបរិស្ថាន បានលើកឡើងថា ក្រសួងបរិស្ថានបានកំណត់គោលដៅជាយុទ្ធសាស្រ្ត ដោយឈរលើសសរស្តម្ភទាំង៤រួមមាន៖ ការធ្វើទំនើបកម្មស្ថាប័ន កិច្ចគាំពារបរិស្ថាន ការអភិរក្សជីវៈចម្រុះ និងការរស់នៅប្រកបដោយចីរភាព និងបានគិតគូរផងដែរក្នុងការបញ្ជ្រាបបញ្ហាយេនឌ័រនៅក្នុងកម្មវិធី និងសកម្មភាពនានាក្នុងវិស័យបរិស្ថានដោយផ្តោតទៅលើការយកចិត្តទុកដាក់លើស្ត្រី តាមរយៈការលើកកម្ពស់សមត្ថភាព ការបង្កើនចំនួនស្ត្រីជាមន្ត្រីរាជការ បង្កើនសកម្មភាពអនុវត្តការងារក្នុងក្របខណ្ឌវិស័យបររិស្ថាន បង្កើនការដំឡើងតួនាទីស្ត្រីជាថ្នាក់ដឹកនាំ និងការពង្រឹងសិទ្ធិអំណាចរបស់ស្ត្រី។

គួរបញ្ជាក់ថា សម្រាប់ផែនការយុទ្ធសាស្ត្រទាំង៥ នៃផែនការយុទ្ធសាស្រ្តបញ្រ្ជាបយេនឌ័រក្រសួងបរិស្ថាន២០១៩-២០២០ ក៏ជាផែនការមួយសម្រាប់ស្វែងរកដៃគូអភិវឌ្ឍន៍ ដើម្បីរួមចំណែកក្នុងវិស័យបរិស្ថាន។ តាមរយៈ ផែនការយុទ្ធសាស្រ្តក្នុងការអភិវឌ្ឍខាងលើនេះដែរ គឺជាការរួមចំណែកក្នុងការសម្រេចបានូវគោលដៅជាយុទ្ធសាស្រ្តរបស់ក្រសួងបរិស្ថាន ក្នុងការធ្វើទំនើបកម្មស្ថាប័ន កិច្ចគាំពារបរិស្ថាន ការអភិរក្សជីវៈចម្រុះ និងការរស់នៅប្រកបដោយចីរភាព និងការដាក់ចេញក្របខ័ណ្ឌយុទ្ធសាស្ត្រ ឆ្នាំ២០១៨-២០២៣ ដើម្បីប្រែក្លាយក្រសួង និងមន្ទីរបរិស្ថានរាជធានី-ខេត្ត ទៅជារដ្ឋបាលទំនើប ដោយផ្អែកលើកម្មវិធីគោលនយោបាយយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្នុងការលើកកម្ពស់ស្រី្តចូលរួមក្នុងការអភិវឌ្ឍប្រទេសជាតិ៕

ព័ត៌មានបន្ថែម

សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ថ្ងៃ អង្គារ, 1 មិថុនា, 2021 សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
ថ្ងៃ ចន្ទ, 31 ឧសភា, 2021 ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១
ថ្ងៃ ព្រហស្បតិ៍, 27 ឧសភា, 2021 នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១