នៅថ្ងៃទី ២១ ខែតុលា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានចូលរួមដាំដើមឈើនៅជុំវិញបរិវេណប្រាសាទបន្ទាយក្តី ក្នុងតំបន់រមណីយដ្ឋានអង្គរ ខេត្តសៀមរាប ជាមួយក្រុមប្រឹក្សានិស្សិតអាស៊ានមកពីប្រទេសជប៉ុន ប្រមាណ៤០០នាក់ ក្នុងក្របខណ្ឌនៃដំណើរទស្សនកិច្ចស្វែងយល់ពីអរិយធម៌វប្បធម៌ និងបេតិកភណ្ឌក្នុងតំបន់អាស៊ាន ក៏ដូចជាមកចូលរួមសន្និសីទលើកទី២៤នៅខេត្តសៀមរាប។

លោក វុទ្ធី មុនីរ័ត្ន ប្រធានសមាគមអតីតនិស្សិតខ្មែរមកពីប្រទេសជប៉ុន ( JAC ) បានថ្លែងថា ព្រឹត្តិការណ៍ដាំដើមឈើនៅក្នុងតំបន់អង្គរនេះ នឹងជួយពង្រឹងថែមទៀតនូវកិច្ចសហប្រតិបត្តិការ និងមិត្តភាពរវាងបណ្តាប្រទេសអាស៊ាន និងជប៉ុន ក៏ដូចជាបានជួយផ្តល់ភាពបៃតងដល់ភពផែនដីថែមទៀត។

ឯកឧត្តម សាយ សំអាល់បានបញ្ជាក់ថាកម្មវិធីដាំដើមឈើនៅថ្ងៃនេះ ជាការល្អប្រសើរបំផុត បង្ហាញពីការខិតខំប្រឹងប្រែង រឹតចំណងសាមគ្គីភាពជាមួយគ្នារវាងកម្ពុជា និងជប៉ុន ក៏ដូចជាអាស៊ាននិងជប៉ុន ហើយបានស្វែងយល់ពីតំបន់ធម្មជាតិប្រវត្តិសាស្រ្ត សម្បត្តិបេកភណ្ឌរបស់ពិភពលោកផងដែរ។ ឯកឧត្តមរដ្ឋមន្រ្តីបានរំលឹកពីកិច្ចការអភិរក្សតំបន់រមណីដ្ឋានធម្មជាតិប្រវត្តិសាស្រ្តអង្គរ ដែលរាជរដ្ឋាភិបាលកំពុងយកចិត្តទុកដាក់ខ្ពស់នេះ។ សម្តេចអគ្គមហាសេនាបតិតេជោ ហ៊ុន សែន នាយករដ្ឋមន្រ្តីបាននាំយកនូវសុខសន្តិភាពជូនប្រទេស ហើយបង្កើតឱ្យឱកាសក្នុងការអភិរក្ស និងថែរក្សាសម្បត្តិបេតិកភណ្ឌពិភពលោកមួយនេះ តាមរយៈគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ (ICC-Angkor) និងការរីកចំរើននៃវិស័យទេសចរណ៍។ ឯកឧត្តម សាយ សំអាល់ ក៏បានរំឭកឡើងវិញពីការដឹកនាំគណៈកម្មាធិការនេះដោយមានសម្តេចវិបុលបញ្ញា សុខ អាន ជាសហប្រធាន ដែលពេលដែលសម្តេចវិបុលបញ្ញា នៅមានអាយុជីវិត បានខិតខំប្រឹងប្រែង លះបង់កម្លាំងកាយកម្លាំងចិត្តដើម្បីបុព្វហេតុនៃការអភិរក្ស និងអភិវឌ្ឍន៍ប្រកបដោយចីរភាពសម្រាប់តំបន់រមណីយដ្ឋានវប្បធម៌ប្រវត្តិសាស្ត្រនេះ។

ជាមួយគ្នានេះ ឯកឧត្តមរដ្ឋមន្រ្តីបានលើកឡើងពីការខិតខំប្រឹងប្រែងរបស់រាជរដ្ឋាភិបាលកម្ពុជា ក្រសួងបរិស្ថានក្នុងកិច្ចគាំពារបរិស្ថាន ការគ្រប់គ្រងសំណល់រឹងរាវ សំរាម និងអភិរក្សធនធានធម្មជាតិ និងជីវៈចម្រុះឱ្យបានគង់វង្ស ការទប់ស្កាត់និងបង្ក្រាបបទល្មើសធនធានធម្មជាតិផ្សេងៗ និងទប់ស្កាត់បង្ក្រាបការបរបាញ់ ការជួញដូរសត្វ និងសាច់សត្វដោយខុសច្បាប់៕

ព័ត៌មានបន្ថែម

សន្និសីទ ស្តីពីដំណោះស្រាយសមុទ្រ “SEA of Solutions Conference”
ថ្ងៃ ព្រហស្បតិ៍, 14 វិច្ឆិកា, 2019 សន្និសីទ ស្តីពីដំណោះស្រាយសមុទ្រ “SEA of Solutions Conference”
ទីស្តីការក្រសួងបរិស្ថាន នាយកដ្ឋានវិទ្យាសាស្រ្ត និងបច្ចេកវិទ្យា បានរៀបចំកិច្ចប្រជុំក្រុមការងារថ្នាក់ជាតិដើម្បីសម្របសម្រួលកិច្ចសហប្រតិបត្តិការក្នុង ការប្រើប្រាស់ថាមពលនុយក្លេអ៊ែរសម្រាប់បម្រើឱ្យគោលបំណងសន្តិភាព
ថ្ងៃ ព្រហស្បតិ៍, 14 វិច្ឆិកា, 2019 ទីស្តីការក្រសួងបរិស្ថាន នាយកដ្ឋានវិទ្យាសាស្រ្ត និងបច្ចេកវិទ្យា បានរៀបចំកិច្ចប្រជុំក្រុមការងារថ្នាក់ជាតិដើម្បីសម្របសម្រួលកិច្ចសហប្រតិបត្តិការក្នុង ការប្រើប្រាស់ថាមពលនុយក្លេអ៊ែរសម្រាប់បម្រើឱ្យគោលបំណងសន្តិភាព
សិក្ខាសាលា​ថ្នាក់​តំបន់​ស្តីពី​ «ការ​ធ្វើ​ឱ្យ​ប្រសើរឡើង​នូវ​កិច្ច​សហប្រតិបត្តិការ​ និង​ភាព​ស៊ី​សង្វាក់គ្នា​រវាង​អនុសញ្ញា​នានា​ពាក់ព័ន្ធ​នឹង​ជីវៈចម្រុះ​នៅ​ក្នុង​តំបន់​អាស៊ាន​ តាមរយៈ​ក្របខណ្ឌ​ការងារ​ស្តីពី​ជីវៈ​ចម្រុះ​សាកល​ក្រោយ​ឆ្នាំ​២០២០»
ថ្ងៃ ពុធ, 13 វិច្ឆិកា, 2019 សិក្ខាសាលា​ថ្នាក់​តំបន់​ស្តីពី​ «ការ​ធ្វើ​ឱ្យ​ប្រសើរឡើង​នូវ​កិច្ច​សហប្រតិបត្តិការ​ និង​ភាព​ស៊ី​សង្វាក់គ្នា​រវាង​អនុសញ្ញា​នានា​ពាក់ព័ន្ធ​នឹង​ជីវៈចម្រុះ​នៅ​ក្នុង​តំបន់​អាស៊ាន​ តាមរយៈ​ក្របខណ្ឌ​ការងារ​ស្តីពី​ជីវៈ​ចម្រុះ​សាកល​ក្រោយ​ឆ្នាំ​២០២០»