ដើម្បីអបអរសាទរទិវាអូហ្សូពីភពលោក ១៦កញ្ញា ឆ្នាំ២០១៨ និងដើម្បីពង្រឹងការយល់ដឹងនូវវិធានការចាំបាច់មួយចំនួន ដែលមនុស្សជាតិត្រូវអនុវត្ត ក្នុងទិសដៅធានានូវនិរន្តភាពបរិស្ថាន និងរក្សាបាននូវតុល្យភាពនៃភពផែនដីនៅក្នុងការអភិវឌ្ឍ អគ្គនាយកដ្ឋានគាំពារបរិស្ថាននៃក្រសួងបរិស្ថាន បានរៀបចំការផ្សព្វផ្សាយតាមគ្រឹះស្ថានបណ្តុះបណ្តាលវិជ្ជាជីវៈ ស្តីពីការអនុវត្តពិធីសារម៉ុងរ៉េអាល់ ស្តីពីសារធាតុបំផ្លាញស្រទាប់អូហ្សូននៅកម្ពុជា។ ចាប់ពីថ្ងៃទី២៧ រហូតដល់ថ្ងៃទី៣១ ខែសីហា ឆ្នាំ២០១៨ សិស្ស-និស្សិត វិទ្យាស្ថានពហុបច្ចេកទេសភូមិភាគតេជោសែនកំពង់ធំ ស្វាយរៀង និងតាកែវ ទទួលបានការយល់ដឹងពីសារធាតុដែលបំផ្លាញស្រាទាប់អូហ្សូននៅក្នុងភពផែនដី។ ឯកឧត្តម ហេង ណារ៉េត អគ្គនាយកនៃអគ្គនាយកដ្ឋានគាំពារបរិស្ថាននៃក្រសួងបរិស្ថាន បានឱ្យដឹងថា ៖ ទិវាអូហ្សូនពិភពលោក ១៦ កញ្ញា ដែលពិភពលោកប្រារព្ធឡើងនោះ គឺ ក្នុងគោលបំណង ដើម្បីបំផុសស្មារតីមហាជនពីគ្រប់មជ្ឈដ្ឋានឱ្យបន្តចូលរួមគាំទ្រ និងសហការជាមួយរដ្ឋាភិបាលនៃបណ្តារដ្ឋភាគីទាំងអស់ ក្នុងការកាត់បន្ថយ និងលុបបំបាត់ការប្រើប្រាស់សារធាតុបំផ្លាញស្រទាប់អូហ្សូន ក៏ដូចជាដើម្បីរំលឹកដល់កិច្ចខិតខំប្រឹងប្រែងរបស់មនុស្សជាតិ ក្នុងការថែរក្សា ការពារ និងទប់ស្កាត់ការបំផ្លិចបំផ្លាញស្រទាប់អូហ្សូន និងកាត់បន្ថយការកើនឡើងនូវកំដៅលើភពផែនដីក្នុងរយៈកាលកន្លងមក ជាពិសេសផ្ដោតការយកចិត្តទុកដាក់ ក្នុងការធ្វើសកម្មភាព ទាំងនៅថ្នាក់ជាតិ ថ្នាក់តំបន់ និងថ្នាក់ពិភពលោក ដើម្បីការពារស្រទាប់អូហ្សូន។
សូមបញ្ជាក់ថា ពិធីអបអរសាទរទិវាអូហ្សូពីភពលោក ១៦ កញ្ញា ឆ្នាំ២០១៨ ប្រព្រឹត្តឡើងក្រោមប្រធានបទៈ ថែភពផែនដីឱ្យត្រជាក់ និងបន្តអនុវត្ត ការការពារស្រទាប់អូហ្សូន និងបរិយាកាសរបស់យើងក្នុងទិវាអូហ្សូនពិភពលោក៕

ព័ត៌មានបន្ថែម

សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ថ្ងៃ អង្គារ, 1 មិថុនា, 2021 សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
ថ្ងៃ ចន្ទ, 31 ឧសភា, 2021 ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១
ថ្ងៃ ព្រហស្បតិ៍, 27 ឧសភា, 2021 នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១