សិក្ខាសាលាស្តីពី «ការសិក្សាលទ្ធភាពដាំកូនឈើប្រភេទប៉ូឡូញ៉ា-គូតុង» និងពីធីចុះហត្ថលេខាលើអនុស្សរណៈនៃការយោគយល់ រវាងក្រសួងបរិស្ថាន និងក្រុមហ៊ុនវិស្វកម្មបៃតងគូតុងប៉េកាំងព្រមទាំងរវាងក្រុមប្រឹក្សាជាតិអភិវឌ្ឍន៍ដោយចីរភាព និងក្រុមហ៊ុនសំណង់ធានយ័នគ្រុបនៃសាធារណរដ្ឋប្រជាមានិតចិន ស្តីពីការបង្កើតយន្តការសម្របសម្រួលកិច្ចសហប្រតិបត្តិការ ដើម្បីរួមចំណែកដល់ការលើកកម្ពស់ជីវភាពសហគមន៍មូលដ្ឋាន និងពង្រឹងប្រសិទ្ធភាពការងាររបស់ក្រុមប្រឹក្សាជាតិអភិវឌ្ឍន៍ដោយចីរភាពត្រូវបានធ្វើ ឡើងនៅថ្ងៃទី២៦ ខែកញ្ញា ឆ្នាំ ២០១៦ នេះនៅរាជធានីភ្នំពេញ ក្រោមអធិបតីភាពឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន។
ឯកឧត្តមរដ្ឋមន្ត្រីបានមានប្រសាសន៍ថា សិក្ខាសាលានៅថ្ងៃនេះ មិនត្រឹមតែជាសក្ខីភាពបញ្ជាក់ នូវ ការរីកចម្រើនមួយជំហានថ្មីទៀតនៃកិច្ចសហប្រតិបត្តិការរវាងប្រជាជន និងរដ្ឋាភិបាលនៃប្រទេសទាំងពីរ ប៉ុណ្ណោះទេ ប៉ុន្តែថែមទាំងជាកញ្ចក់ឆ្លុះបញ្ចាំងឱ្យឃើញយ៉ាងច្បាស់នូវការយកចិត្តទុកដាក់ របស់រាជ រដ្ឋាភិបាល ក៏ដូចជាក្រសួងបរិស្ថានក្នុងការលើកកម្ពស់ប្រសិទ្ធភាពការងារគ្រប់គ្រងបរិស្ថាន ការការពារធនធានធម្មជាតិ ការអភិរក្សជីវៈចម្រុះ និងការរស់នៅដោយចីរភាព ជាពិសេស ការលើកកម្ពស់ជីវភាពប្រជាសហគមន៍តំបន់ការពារធម្មជាតិ។ ឯកឧត្តម សាយ សំអាល់ បានចាត់ទុកអនុស្សរណៈនៃការយោគយល់ដែលទើបតែត្រូវបានចុះ
ហត្ថលេខាជាឯកសារគោលនៃកិច្ចសហប្រតិបត្តិការទ្វេភាគីដ៏មានសារៈសំខាន់សម្រាប់ធានាដល់ដំណើរការអនុវត្តគម្រោង និងកម្មវិធីរួមគ្នា ដែលអាចរួមចំណែកយ៉ាងសំខាន់ដល់ការងារដឹកនាំ គ្រប់គ្រង និងសម្របសម្រួលរបស់ក្រសួងបរិស្ថាន ក្នុងការធានារក្សាឱ្យបាននូវគុណភាពបរិស្ថាន តុល្យភាពប្រព័ន្ធអេកូឡូស៊ី និងការរស់នៅដោយចីរភាព ស្របតាមគោលដៅអភិវឌ្ឍន៍ដោយចីរភាពរបស់សហប្រជាជាតិ។ ជាមួយគ្នានេះ ឯកឧត្តមរដ្ឋមន្ត្រីក៏បានស្នើឱ្យអង្គសិក្ខាសាលាទាំងមូលយកចិត្តទុកដាក់ពិនិត្យ ពិចារណា និងពិគ្រោះយោបល់ឱ្យបានស៊ីជម្រៅ និងគ្រប់ជ្រុងជ្រោយ អំពីគំនិតផ្តួចផ្តើមស្តីពីការសាកល្បងដាំកូនឈើប្រភេទប៉ូឡូញ៉ា-គូតុង ដែលជាប្រភេទឈើងាយស្រួលក្នុងការដាំ រីកលូតលាស់លឿនផ្តល់ផលខ្ពស់ផ្នែកសេដ្ឋកិច្ច និងមានតម្រូវការទីផ្សារយ៉ាងទូលំទូលាយនៅប្រទេសចិន។
ជាមួយគ្នានេះ ឯកឧត្តម សាយ សំអាល់ បានលើកឡើងថា ក្រសួងបរិស្ថានបានធ្វើកំណែទម្រង់ ជាច្រើនរួមមានមានការអនុវត្តតាមបទបញ្ជាលេខ ០១ដោយមិនផ្តល់សម្បទានដីសេដ្ឋកិច្ចថ្មី ការធ្វើកំណែទម្រង់ស៊ីជម្រៅរវាងស្ថាប័នអភរិក្ស និងអភិវឌ្ឍដោយបានបែងចែកតួនាទីច្បាស់លាស់រវាងក្រសួងបរិស្ថាន និង ក្រសួងកសិកម្ម និងការបញ្ចប់ការកាប់ឈើទ្រង់ទ្រាយធំ ការបញ្ចប់ជម្លោះដីធ្លី និងការរៀបចំឱ្យមាននូវវេទិកាថ្នាក់ជាតិ រវាងរាជរដ្ឋាភិបាល អង្គការសង្គមស៊ីវិល សហគមន៍ និងមន្រ្តីពាក់ព័ន្ធទាំងអស់ដើម្បីការពារ និងអភិរក្សធនធានធម្មជាតិ។ ឯកឧត្តមរដ្ឋមន្ត្រីបានថ្លែងថា៖«ដំណើររបស់យើងគឺបានដើរមកច្រើនជំហាន ហើយនៅថ្ងៃនេះ គឺយើងបានបោះជំហានទៅលើវិថីថ្មីមួយទៀត គឺការសិក្សាលើលទ្ធភាពដាំដើមឈើ នៅលើដីដែលយើងមានស្រាប់ ដោយយើងត្រូវរកប្រភេទឈើណាដែលអាចមកជំនួសឈើព្រៃដែលយើងមានសព្វថ្ងៃនេះ ហើយឈើណាដែលអាចលូតលាស់លឿន គុណភាពអាចទទួលយកបាន ហើយប្រភេទឈើដែលមានទីផ្សារ សម្រាប់បងប្អូនប្រជាជនរបស់យើង។ ឧទាហរណ៍ ដើមឈើប្រភេទ PAULOWNIA-GUOTONGនេះជាប្រភេទឈើដែល មានតំលៃ គេដាំលម្អ និងយកកែច្នៃបានច្រើនប្រភេទ ឈើប្រភេទនេះវាត្រូវការដាំកន្លែងក្តៅ ហើយដោយសារយើងមានដីស្រាប់។ ម្យ៉ាងទៀត គឺផ្លាស់ប្តូរផ្នត់គំនិតរបស់ប្រជាជនយើង អោយងាកមកចាប់អារម្មណ៍ទៅលើការដាំ និងសិក្សាឈើប្រភេទនេះ»។

ឯកឧត្តមរដ្ឋមន្ត្រីបានមានប្រសាសន៍សង្កត់ធ្ងន់ថា៖ «សម្រាប់ប្រទេសកម្ពុជាយើង ប្រសិនបើលទ្ធផលនៃកិច្ចពិភាក្សា និងការសិក្សាបង្ហាញថា ការដាំកូនឈើប្រភេទនេះ ពិតជាអាចដំណើរការទៅបាន ស្របតាមទស្សនទានសេដ្ឋកិច្ចបរិស្ថាន ហើយធានារក្សាឱ្យបាននូវនិរន្តរភាពបរិស្ថាន សុវត្ថិភាពជីវៈចម្រុះ និងតុល្យភាពនៃប្រព័ន្ធអេកូឡូស៊ី នោះក្រសួងបរិស្ថាននឹងគិតគូររៀបចំឱ្យមានផែនការសកម្មភាពសម្រាប់ការអភិវឌ្ឍដំណាំឈើប្រភេទនេះ ដោយជំរុញ និងលើកទឹកចិត្តឱ្យមានការចូលរួមពីសហគមន៍មូលដ្ឋាន ក្នុងការដាំកូនឈើទាំងនេះនៅលើផ្ទៃដីព្រៃរេចរឹល និងតំបន់ផ្សេងៗទៀតនៅក្នុងសហគមន៍មូលដ្ឋាន»។ ចំពោះការអនុវត្តគម្រោងជាក់ស្តែង ឯកឧត្តមរដ្ឋមន្ត្រី សាយ សំអាល់ បានឱ្យអគ្គនាយកដ្ឋានរដ្ឋបាលការពារ និងអភិរក្សធម្មជាតិ និងអគ្គនាយកដ្ឋានសហគមន៍មូលដ្ឋាននៃក្រសួងបរិស្ថាន រួមសហការជាមួយអ្នកជំនាញឯកទេសចិន អាជ្ញាធរដែនដី និងអ្នកពាក់ព័ន្ធ ដើម្បីបន្តសិក្សាស្វែងយល់ និងកំណត់គោលដៅអាទិភាពសម្រាប់ឱ្យគម្រោងនីមួយៗដំណើរការដោយរលូន និងសម្រេចបានជោគជ័យ ស្របតាមស្មារតីនៃអនុស្សរណៈនៃការយោគយល់រវាងភាគីទាំងពីរ៕

he-phale_26-9-161 he-phalen_26-9-16

ព័ត៌មានបន្ថែម

សន្និសីទ ស្តីពីដំណោះស្រាយសមុទ្រ “SEA of Solutions Conference”
ថ្ងៃ ព្រហស្បតិ៍, 14 វិច្ឆិកា, 2019 សន្និសីទ ស្តីពីដំណោះស្រាយសមុទ្រ “SEA of Solutions Conference”
ទីស្តីការក្រសួងបរិស្ថាន នាយកដ្ឋានវិទ្យាសាស្រ្ត និងបច្ចេកវិទ្យា បានរៀបចំកិច្ចប្រជុំក្រុមការងារថ្នាក់ជាតិដើម្បីសម្របសម្រួលកិច្ចសហប្រតិបត្តិការក្នុង ការប្រើប្រាស់ថាមពលនុយក្លេអ៊ែរសម្រាប់បម្រើឱ្យគោលបំណងសន្តិភាព
ថ្ងៃ ព្រហស្បតិ៍, 14 វិច្ឆិកា, 2019 ទីស្តីការក្រសួងបរិស្ថាន នាយកដ្ឋានវិទ្យាសាស្រ្ត និងបច្ចេកវិទ្យា បានរៀបចំកិច្ចប្រជុំក្រុមការងារថ្នាក់ជាតិដើម្បីសម្របសម្រួលកិច្ចសហប្រតិបត្តិការក្នុង ការប្រើប្រាស់ថាមពលនុយក្លេអ៊ែរសម្រាប់បម្រើឱ្យគោលបំណងសន្តិភាព
សិក្ខាសាលា​ថ្នាក់​តំបន់​ស្តីពី​ «ការ​ធ្វើ​ឱ្យ​ប្រសើរឡើង​នូវ​កិច្ច​សហប្រតិបត្តិការ​ និង​ភាព​ស៊ី​សង្វាក់គ្នា​រវាង​អនុសញ្ញា​នានា​ពាក់ព័ន្ធ​នឹង​ជីវៈចម្រុះ​នៅ​ក្នុង​តំបន់​អាស៊ាន​ តាមរយៈ​ក្របខណ្ឌ​ការងារ​ស្តីពី​ជីវៈ​ចម្រុះ​សាកល​ក្រោយ​ឆ្នាំ​២០២០»
ថ្ងៃ ពុធ, 13 វិច្ឆិកា, 2019 សិក្ខាសាលា​ថ្នាក់​តំបន់​ស្តីពី​ «ការ​ធ្វើ​ឱ្យ​ប្រសើរឡើង​នូវ​កិច្ច​សហប្រតិបត្តិការ​ និង​ភាព​ស៊ី​សង្វាក់គ្នា​រវាង​អនុសញ្ញា​នានា​ពាក់ព័ន្ធ​នឹង​ជីវៈចម្រុះ​នៅ​ក្នុង​តំបន់​អាស៊ាន​ តាមរយៈ​ក្របខណ្ឌ​ការងារ​ស្តីពី​ជីវៈ​ចម្រុះ​សាកល​ក្រោយ​ឆ្នាំ​២០២០»