នារសៀល ថ្ងៃព្រហស្បត៍ ៨រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ ខែ កក្កដា ឆ្នាំ២០១៨ ក្រុមការងារនៃក្រសួងបរិស្ថាន ដឹកនាំដោយ លោកជំទាវ ងិន លីណា អគ្គនាយកនៃនាយកដ្ឋានចំណេះដឹង និងព័ត៌មានបរិស្ថាន នៃក្រសួងបរិស្ថាន បានជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្សនៅសាលាបឋមសិក្សាស្វាយជ្រុំស្រុកស្វាយជ្រុំខេត្តស្វាយរៀង ដើម្បីផ្សព្វផ្សាយ ក៏ដូចជាស្វែងយល់ពីសក្ដានុពលមេត្រីបរិស្ថាននៅសាលាបឋមសិក្សាស្វាយជ្រំ ដែលបានឆ្លើយតបទៅនឹងសូចនាករនៅក្នុងសៀវ ភៅណែនាំស្ដីពី សាលាមេត្រីបរិស្ថាននៅកម្ពុជារបស់ក្រសួងបរិស្ថាន។

លោកជំទាវ ងិន លីណា អគ្គនាយកនៃនាយកដ្ឋានចំណេះដឹង និងព័ត៌មានបរិស្ថាន បានលើកឡើងថាបច្ចុប្បន្នក្រសួងបរិស្ថាន បានជំរុញ និងលើកទឹកចិត្តដល់ក្រុមហ៊ុន សហគ្រាស សាលារៀនចូលរួមទាំងអស់គ្នាក្នុងការប្រតិបត្តិមេត្រីភាពបរិស្ថានបានល្អ ដើម្បីចូលរួមជាមួយក្រសួងបរិស្ថាន ក្នុងកិច្ចគាំពារបរិស្ថាន បង្កើនភាពបៃតងនៅក្នងសាលា ឱ្យរក្សាបាននូវសោភ័ណភាពស្រស់បំព្រង និងជួយលើកកម្ពស់សុខមាលភាពផងដែរ។ ទន្ទឹមនេះ ក៏កំពុងបង្កើនការផ្សព្វផ្សាយ និងបង្កើនការចូលរួមពីសំណាក់មហាជនក្នុងការថែរក្សាបរិស្ថានជុំវិញខ្លួន ធ្វើយ៉ាងណាឆ្លើយតបជាមួយរាជរដ្ឋាភិបាលក្នុងកិច្ចគាំពារបរិស្ថាន អភិរក្សធនធានធម្មជាតិ ជីវៈចម្រុះ និងការរស់នៅប្រកបដោយសុខមាលភាព និងនិរន្តរភាព។ សូមបញ្ជាក់ដែរថា រហូតមកទល់ពេលនេះ មានក្រុមហ៊ុន សហគ្រាស និងសាលារៀនមួយចំនួននៅក្នុងប្រទេសកម្ពុជា បានអនុវត្តន៍ប្រតិបត្តិករបរិស្ថានបានល្អជាមួយក្រសួងបរិស្ថានរួចមកហើយ៕

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១