វេទិកាកម្ពុជា-ចិន“ស្តីពីបរិស្ថានទឹកទីក្រុង” បានចាប់ដំណើការនៅទីស្តីការក្រសួងបរិស្ថាន ព្រឹកថ្ងៃពុធ ៧រោច ខែបឋមាសាឍ ឆ្នាំច សំរិទ្ធិស័ក ព.ស.២៥៦២ ត្រូវនឹងថ្ងៃទី៤ ខែកក្កដា ឆ្នាំ២០១៨ ក្រោមកិច្ចសហការរវាងក្រសួងបរិស្ថាននៃព្រះរាជាណាចក្រកម្ពុជា និងក្រសួងអេកូឡូស៊ី និងបរិស្ថាន នៃសាធារណៈរដ្ឋប្រជាមានិតចិន និងគាំទ្រថវិកាដោយមជ្ឈមណ្ឌលសហប្រតិបត្តិការបរិស្ថានចិន-អាស៊ាន។ឯកឧត្តម អ៊ាង សុផល្លែត អនុរដ្ឋលេខាធិការក្រសួងបរិស្ថានកម្ពុជា និងឯកឧត្តម ZHAO Yingmin អនុរដ្ឋមន្ត្រីនៃក្រសួងអេកូឡូស៊ី និងបរិស្ថានចិន បានអញ្ជើញបើកវេទិការនេះ ដោយមានការចូលរួមពីមន្រ្តីជាន់ខ្ពស់ អ្នកវិទ្យាសាស្រ្ត អ្នកជំនាញ វិស័យឯកជននៃប្រទេសទាំង២ កម្ពុជា-ចិនជាច្រើននាក់។

ឯកឧត្តម ZHAO Yingmin បានឱ្យដឹងថារដ្ឋាភិបាលចិនបានកំពុងយកចិត្តទុកដាក់ខ្ពស់ ដល់កិច្ចគាំពារបរិស្ថាន ការការពារប្រព័ន្ឋអេកូឡូស៊ី ដោយធ្វើការកាត់បន្ថយថាមពលប្រើប្រាសទឹក។ គុណភាពទឹកនៅតាមទន្លេធំៗនៅប្រទេសចិនត្រូវបានលើកកម្ពស់។ ឯកឧត្តម បានបន្ថែមថា តាមរយៈការិយាល័យសហប្រតិបត្តិការបរិស្ថាន កម្ពុជា-ចិន នៅកម្ពុជា នឹងជួយពង្រីកកិច្ចសហការលើវិស័យផ្សេងៗ។ ចិនបានគាំទ្រជំនួយសម្ភារៈបច្ចេកទេសត្រួតពិនិត្យគុណភាពទឹក ដែលរួមចំណែកដល់កិច្ចគាំពារបរិស្ថាន ដែលជាស្មារតីនៃគោលការជួយគ្នា បងប្អូន ហូបទឹកតាមដងទន្លេតែមួយ។

នៅក្នុងឱកាសនេះផងដែរ ឯកឧត្តម អ៊ាង សុផល្លែត បានថ្លែងអំណរគុណយ៉ាងជ្រាលជ្រៅ ចំពោះឯកឧត្តម អនុរដ្ឋមន្រ្តីចិន តំណាងក្រសួង/ស្ថាប័ន ក្រុមហ៊ុនចិន និងរោងចក្រកម្ពុជា ដែលបានចូលរួមចែករំលែកបទពិសោធន៍ និងបច្ចេកវិទ្យាថ្មីៗពាក់ព័ន្ធនឹងការអនុវត្តការគ្រប់គ្រងបរិស្ថានទឹកនៅប្រទេសចិន និងប្រទេសកម្ពុជា។ ឯកឧត្តម អ៊ាង សុផល្លែត វាយតម្លៃខ្ពស់ចំពោះការលើកឡើង បងប្អូន រួមគ្នាហូបទឹកទន្លតែមួយ ជោគវាសនាតែមួយ ហើយ ឯកឧត្តមសង្ឃឹមថា កិច្ចសហប្រតិបត្តិការកម្ពុជា-ចិន នឹងអាចគ្រប់គ្រងទឹកបានល្អ និងនាំឱ្យយើងអាចប្រើប្រាសទឹកល្អប្រសើរ។

សូមបញ្ជាក់ថា វេទិកាកម្ពុជា-ចិន “ស្តីពីបរិស្ថានទឹកទីក្រុង” ដំណើការរយៈពេល ២ថ្ងៃ គឺថ្ងៃទី០៤-០៥ ខែកក្កដា ឆ្នាំ២០១៨ ផ្តោតលើកិច្ចសហប្រតិបត្តិការដ៏ប្រសើរ ការផ្លាស់ប្តូរបទពិសោធន៍ជា ការត្រួតពិនិត្យ និងការការពារការបំពុលទឹក ការអនុវត្តការគ្រប់គ្រងបរិស្ថានទឹកជាដើម។
កន្លងមកប្រទេសចិន បានផ្តល់ស្ថានីយតាមដានគុណភាពទឹក នៅចំណុចប្រសព្វទន្លេចតុមុខ តំបន់កោះពេជ្រ ក្នុងរាជធានីភ្នំពេញ។ ស្ថានីយនេះ នឹងផ្តល់ទិន្នន័យពីការបំពុលទឹកចេញពីប្រភពផ្សេងៗ មកឲ្យក្រុមការងារជំនាញ ដើម្បីទប់ស្កាត់ទុកជាមុន ក្នុងការធានាគុណភាពទឹកទន្លេ ដែលជាប្រភពដ៏សំខាន់នៅរាជធានីភ្នំពេញ និងប្រជាពលរដ្ឋរស់នៅតាមបណ្តាយដងទន្លេមេគង្គ។

ព័ត៌មានបន្ថែម

ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ថ្ងៃ អង្គារ, 12 តុលា, 2021 កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)
ថ្ងៃ ចន្ទ, 11 តុលា, 2021 ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)