នៅទីស្តីការក្រសួងបរិស្ថាន ព្រឹកថ្ងៃអង្គារ ៦រោច ខែបឋមាសាឍ ឆ្នាំច ព.ស.២៥៦២ ត្រូវនឹង ថ្ងៃទី៣ ខែកក្កដា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបសំណេះសំណាលជាមួយ មន្រ្តីរាជការវ័យក្មេងចំនួន២៤នាក់ ដែលទទួលបានអាហាររូបករណ៍ទៅសិក្សានៅប្រទេសណូវែលសេឡង់ជំនាន់ទី៤៩ និងទៅប្រទេសជប៉ុន។ យុវជនទាំងនេះ នឹងទៅសិក្សាថ្នាក់បរិញ្ញាប័ត្រជាន់ខ្ពស់ សម្រាប់ឆ្នាំ២០១៨-២០២០ ខាងមុខនេះ រួមមានមុខវិជ្ជា ការពង្រឹងវិស័យអប់រំសុខាភិបាល វិស័យអភិវឌ្ឍទីក្រុង និងជនបទ និង ជំនាញផ្សេងៗជាច្រើនទៀតហើយការទទួលបានអាហារូបករណ៍ទៅសិក្សានៅប្រទេសជប៉ុនឆ្នាំ នេះ គឺមាននារី១៨នាក់ច្រើនជាងបុរស និងមានមន្រ្តីរាជការមកពីបណ្តាខេត្តជាច្រើន ។

ឯកឧត្តមរដ្ឋមន្រ្តី សាយ សំអាល់ បានលើកទឹកចិត្តឱ្យយុវជនពង្រឹងការអភិវឌ្ឍខ្លួនធ្វើទាំងទំលាប់ការរស់នៅ និងការសិក្សារៀនសូត្រទទួលបានភាពជោគ ជ័យ។ នាឱកាសនោះដែរ ឯកឧត្តម សាយ សំអាល់ បានជំរុញដល់យុជន ត្រូវស្វែងរក និងចេះទាញយកឱកាស ដើម្បីយកមកកែលម្អ និងអភិវឌ្ឍខ្លួនឯង ដោយរៀនទាំងទ្រឹស្តី និងអនុវត្ត ដើម្បីឱ្យទទួលបានទាំងចំណេះ និង ជំនាញស្របពេលប្រទេសកម្ពុជា ជាប្រទេសដែលមានសន្តិភាព ស្ថេរភាពនយោបាយល្អ និង មានកិច្ចសហប្រតិបត្តិការល្អ ជាមួយបណ្តាប្រទេសផ្សេងៗ។ ដូច្នេះ យុវជនមានឱកាស ច្រើន ក្នុងការទៅបន្តការសិក្សានៅក្រៅប្រទេស ដើម្បីបានផ្លាស់ប្តូរនូវបទពិសោធន៍ជាមួយ នឹង បណ្តា ប្រទេសផ្សេងៗ ដើម្បីទទួលបានចំណេះនិងជំនាញថ្មីៗ ដែលជាស្ពានចំលងខ្លួនឯងឈាន ទៅរកភាពជោគជ័យ អ្វីដែលសំខាន់ គឺបានសិក្សានូវជំនាញដែលខ្លួនពេញចិត្ត ក្នុងការឆ្លើយ តបនឹងតំរូវការទីផ្សារការងារនៅប្រទេសកម្ពុជាយើងនៅពេលបច្ចុប្បន្នផងដែរ៕

ព័ត៌មានបន្ថែម

ក្រសួងបរិស្ថានបន្តគាំទ្រនិងពង្រឹងសមត្ថភាពរដ្ឋបាលថ្នាក់ក្រោមជាតិដើម្បីបង្កើនប្រសិទ្ធភាពនៃការគ្រប់គ្រងសំណល់រឹងសំរាម
ថ្ងៃ ចន្ទ, 2 សីហា, 2021 ក្រសួងបរិស្ថានបន្តគាំទ្រនិងពង្រឹងសមត្ថភាពរដ្ឋបាលថ្នាក់ក្រោមជាតិដើម្បីបង្កើនប្រសិទ្ធភាពនៃការគ្រប់គ្រងសំណល់រឹងសំរាម
មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
ថ្ងៃ សុក្រ, 30 កក្កដា, 2021 មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
ថ្ងៃ សុក្រ, 30 កក្កដា, 2021 កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)