ទីស្តីការក្រសួងបរិស្ថាន នារសៀកថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៩ ខែមិថុនា ឆ្នាំ២០១៨ ឯកឧត្តម ទា ជុប អនុរដ្ឋលេខាធិការ នៃក្រសួងបរិស្ថាន បានដឹកនាំកិច្ចប្រជុំអន្តរក្រសួងដើម្បីពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) លើគម្រោងអាជីវកម្មខ្សាច់សំណង់ លើផ្ទៃដីទំហំ ១៤,១៥ហិកតា មានទីតាំងស្ថិតនៅក្នុងឃុំព្រងឹល និងឃុំបាក់ចិញ្ជៀន ស្រុកភ្នំក្រវ៉ាញ ខេត្តពោធិ៍សាត់ របស់ក្រុមហ៊ុន ស៊ី វី អិន អេច ខនស្រ្តាក់សិន ម្ចាស់គម្រោង និងមានក្រុមហ៊ុនទីប្រឹក្សា សាស្ទីណាតិ៍ ហ្រ្គីន ខូអិលធីឌី។

បន្ទាប់ពីការឌ្វើបទបង្ហាញ និងពិភាក្សាផ្តល់យោបល់ពីអ្នកជំនាញ អង្គប្រជុំបានគាំទ្រគម្រោងអាជីវកម្មខ្សាច់សំណង់ និងសូមឱ្យក្រុមហ៊ុនចុះបញ្ជី ប.ស.ស នៅក្រសួងការងារ និងបណ្តុះបណ្តាលវិជ្ជាជីវៈ ដើម្បីឱ្យបុគ្គលិកកម្មករទទួលបានផលប្រយោជន៍ពីរដ្ឋាភិបាល។ ជាមួយគ្នានេះ អង្គប្រជុំស្នើឱ្យក្រុមហ៊ុនបូមខ្សាច់ទៅតាមត្រូវគោរពបច្ចេកទេសកំណត់របស់ក្រសួងរ៉ែ និងថាមពល និងក្នុងករណីបាក់ច្រាំងដោយសារសកម្មភាពគម្រោង ក្រុមហ៊ុនត្រូវទទួលខុសត្រូវស្តារឬសងសំណងជូនប្រជាពលរដ្ឋដែលរងហេតុប៉ះពាល់។ ក្រុមការងារបានតម្រូវឱ្យ
ក្រុមហ៊ុននៅពេលធ្វើអាជីវកម្មបូមខ្សាច់ ប្រសិនបើជួបប្រទះវត្ថុបុរាណ ក្រុមហ៊ុនត្រូវផ្អាកដំណើរការជាបណ្តោះអាសន្ន ដើម្បីជូនដំណឹងទៅអាជ្ញាធរមូលដ្ឋាន និងមន្ទីរវប្បធម៌ និងវិចិត្រសិល្បៈ
ហើយលើសពីនេះ ក្រុមហ៊ុនត្រូវរៀបចំប្រព័ន្ធបង្ហូរទឹកចេញពីការបូមខ្សាច់ចូលទៅក្នុងអាងឬស្រះរងកករជាមុនសិន មុននឹងបង្ហូរចូលស្ទឹងពោធិ៍សាត់។

គួរបញ្ជាក់ថា៖កិច្ចប្រជុំនេះមានការចូលរួមពីឯកឧត្តម លោក លោកស្រីតំណាងអគ្គនាយកដ្ឋាន និងអគ្គលេខាធិការដ្ឋានពាក់ព័ន្ធ ក្រុមប្រឹក្សាអភិវឌ្ឍន៍កម្ពុជា រដ្ឋបាល ខេត្តពោធិ៍សាត់ និងមន្ទីរបរិ ស្ថា នខេត្តពោធិ៍សាត់ អង្គការ NGO Forum តំណាងនាយកដ្ឋានវាយតម្លៃហេតុប៉ះពាល់បរិស្ថាន តំណាង ក្រុមហ៊ុនម្ចាស់គម្រោង និងក្រុមហ៊ុនទីប្រឹក្សាផងដែរ។

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់