ក្នុងជំនួបជាមួយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នាទីស្តីការក្រសួងបរិស្ថាន នាព្រឹកថ្ងៃទី២៥ ខែមិថុនា ឆ្នាំ២០១៨ ឯកឧត្តមបណ្ឌិត អេរីច សូលហេម (Erik Solheim) នាយកប្រតិបត្តិ នៃអង្គការកម្មវិធីបរិស្ថានសហប្រជាជាតិ(UNEP) បានបង្ហាញពីការសាទរចំពោះកម្ពុជា ក្នុងការងារគ្រប់គ្រងបរិស្ថាន។

ឯកឧត្តមបណ្ឌិត អេរីច សូលហេម (Erik Solheim) បានបង្ហាញពីទំនុកចិត្តថែមទៀតដល់ដល់ការអនុវត្តរបស់កម្ពុជា លើកិច្ចព្រមព្រាង និងគោលនយោបាយបរិស្ថាន ស្របទៅនឹងនិនាការអនុវត្តន៍ការងារបរិស្ថានក្នុងតំបន់ និងពិភពលោក។ ជាមួយគ្នានេះដែរ ឯកឧត្តម បានកោតសរសើរកម្ពុជា និងបានវាយតម្លៃខ្ពស់ការងាររបស់ក្រសួងបរិស្ថាន លើការងារកែទម្រង់ក្នុងវិស័យបរិស្ថាន ដែលក្នុងនោះការប្តេជ្ញាចិត្តរបស់កម្ព្ពុជាក្នុងការពង្រឹង ការងារពាក់ព័ន្ឋកិច្ចគាំពារបរិស្ថាន ការអភិរក្សជីវៈចម្រុះ និងការអភិវឌ្ឍដោយចីរភាព។

ឯកឧត្តម លើកទឹកចិត្តផងដែរ ឱ្យកម្ពុជាបន្តអនុវត្តន៍ការងារមួយចំនួន ជាពិសេសការអភិវឌ្ឍនានា គិតគូលើថាមពលកកើតឡើងវិញ ការគ្រប់គ្រងលើផលិតផលប្លាស្ទិក ការគិតគូលើគោលការណ៍កាត់បន្ថយការប្រើប្រាស់ប្លាស្ទិក ការកែឆ្នៃ ប្រើប្រាស់ឡើងវិញផលិតផលប្លាស្ទិក។ ឯកឧត្តម បានជម្រុញឱ្យកម្ពុជាពង្រឹងថែមទៀតការការពារ និងអភិរក្សធនធានធម្មជាតិ ដែលជាអំណោយផលដល់ទេសចរណ៍ធម្មជាតិ ក៏ដូចជាជាចំណូលសម្រាប់ជីវភាពប្រជាសហគមន៍នៅតាមតំបន់ការពារធម្មជាតិទាំងនោះ។

ក្នុងឱកាសនោះដែរ ឯកឧត្តមរដ្ឋមន្រ្តី សាយ សំអាល់ បានមានប្រសាសន៍លើកឡើងពីវឌ្ឍនភាពការងាររបស់ព្រះរាជាណាចក្រកម្ពុជា ជាពិសេសអាណត្តិកន្លងទៅនេះ ពាក់ព័ន្ធទៅនឹងកិច្ចគាំពារបរិស្ថាន ការអភិរក្សជីវៈចម្រុះ ការរស់នៅដោយចីរភាព ក៏ដូចជាការធ្វើទំនើបកម្មរបស់ក្រសួងបរិស្ថាន។

ជាមួយគ្នានេះ ឯកឧត្តម សាយ សំអាល់ បានលើកឡើងថា ក្នុងនាមប្រទេសកម្ពុជា ជាប្រទេសសមាជិកអង្គការសហប្រជាជាតិមួយដែរនោះ បានត្រៀមខ្លួនរួចជាស្រេច ក្នុងការសហការយ៉ាងស្អិតរមួតជាមួយអង្គការសហប្រជាជាតិ ដើម្បីអនុវត្តនូវកិច្ចព្រមព្រៀងនានា ជាមួយអង្គការសហប្រជាជាតិ។ ទន្ទឹមនឹងនេះ ក៏បានលើកឡើងឱ្យមានការទុកចិត្តនូវការអនុវត្តរបស់កម្ពុជា ក៏ដូចជាការទទួលខុសត្រូវរបស់កម្ពុជា ដូចជាការអនុវត្តកិច្ចព្រមព្រៀងទីក្រុងប៉ារីស ទាក់ទងនឹងថង់ប្លាស្ទិក បំរែបំរួលអាកាសធាតុ និងការអភិរក្សជីវៈចម្រុះ។

សូមបញ្ជាក់ថា បន្ទាប់ពីការជួបសំដែងការគួរសមជាមួយ ឯកឧត្តមរដ្ឋមន្រ្តី សាយ សំអាល់ រួចមក នៅថ្ងៃដដែល ឯកឧត្តមបណ្ឌិត អេរីច សូលហេម (Erik Solheim) បានដឹកនាំគណប្រតិភូជួបប្រជុំជាមួយក្រុមប្រឹក្សាជាតិអភិវឌ្ឍន៍ដោយចីរភាព ដើម្បីពង្រឹងការពង្រឹងកិច្ចសហប្រតិបត្តិការរវាងកម្ពុជានិងអង្គការកម្មវិធីបរិស្ថានសហប្រជាជាតិ។

ព័ត៌មានបន្ថែម

កិច្ចប្រជុំ ស្តីពី ការស្នើសុំទីតាំងដំឡើងស្ថានីយត្រួតពិនិត្យគុណភាពខ្យល់
ថ្ងៃ ព្រហស្បតិ៍, 26 វិច្ឆិកា, 2020 កិច្ចប្រជុំ ស្តីពី ការស្នើសុំទីតាំងដំឡើងស្ថានីយត្រួតពិនិត្យគុណភាពខ្យល់
កម្មវិធីបើកវគ្គបណ្ដុះបណ្ដាលស្ដីពី តួនាទីរបស់ក្រុមប្រឹក្សាឃុំក្នុងការចូលរួមគ្រប់គ្រងតំបន់ការពារធម្មជាតិ
ថ្ងៃ ពុធ, 25 វិច្ឆិកា, 2020 កម្មវិធីបើកវគ្គបណ្ដុះបណ្ដាលស្ដីពី តួនាទីរបស់ក្រុមប្រឹក្សាឃុំក្នុងការចូលរួមគ្រប់គ្រងតំបន់ការពារធម្មជាតិ
កិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា
ថ្ងៃ ពុធ, 25 វិច្ឆិកា, 2020 កិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា