ទីស្តីការក្រសួងបរិស្ថាន ថ្ងៃសុក្រ ១០កើត​ ខែបឋមាសាឍ ឆ្នាំច សំរិទ្ធិស័ក ព.ស.២៥៦២ ត្រូវនឹង ថ្ងៃទី២២ ខែមិថុនា ឆ្នាំ២០១៨ សហភាពសហព័ន្ធយុវជនកម្ពុជា សហការជាមួយក្រសួងអប់រំយុវជន និងកីឡា បានរៀបចំពិធីសំណេះសំណាលជាមួយលោកគ្រូ-អ្នកគ្រូស្ម័គ្រចិត្ត និងបើកវគ្គបំប៉ននៅរាជធានី ភ្នំពេញ ដល់សិស្សត្រៀមប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ ខាងមុខ នេះ ដោយមានការអញ្ជើញជាអធិបតីដោយ ឯកឧត្តម អ៊ឹម កុច រដ្ឋលេខាធិការក្រសួងអប់រំ ឯកឧត្តម ឃុត ចាន់ដារ៉ា អនុរដ្ឋលេខាធិការក្រសួងបរិស្ថាន និងជាអនុប្រធានសហភាពសហព័ន្ធយុវជនកម្ពុជារាជធានី ភ្នំពេញ ឯកឧត្តម នួន ផារ័ត្ន អភិបាលរងរាជធានីភ្នំពេញ និងមានការចូលរួមពីបណ្តាមន្ទីរអប់រំ លោកគ្រូ-អ្នកគ្រូ ទាំង២៥ រាជធានី-ខេត្ត ចំនួន៣៤វិទ្យាល័យ ចំនួន៣៦០នាក់ ដើម្បីបំពាក់បំប៉នចំណេះដឹង ក៏ដូច ជារំលឹកបន្ថែមដល់សិស្សថ្នាក់ទី១២ ទទួលបានលទ្ធផលល្អសម្រាប់ឆ្នាំសិក្សា២០១៧-២០១៨។

ឯកឧត្តម ឃុត ចាន់ដារ៉ា អនុរដ្ឋលេខាធិការក្រសួងបរិស្ថាន និងជាអនុប្រធានសហភាពសហព័ន្ធយុវជន កម្ពុជារាជធានី ថ្លែងអំណរគុណ ដល់ក្រសួងអប់រំយុវជន និងកីឡា លោកគ្រូ អ្នកគ្រូ ដែលបានចំណាយពេលវេលា ចូលរួមបង្រៀនបន្ថែមដល់សិស្សត្រៀមប្រឡងទុតិយភូមិ ក្នុងការពង្រឹងសមត្ថភាពដល់សិស្សានុសិស្ស ដើម្បីឱ្យទទួលបានគុនភាពអប់រំនៅក្នុងប្រទេសកម្ពុជាបានល្អប្រសើរ ស្របពេលជាមួយការធ្វើកំណែទំរង់របស់ក្រសួងអប់រំក្នុងរយៈពេលប៉ុន្មានឆ្នាំចុងក្រោយនេះ ដោយវិស័យអប់រំគឺជាកូនសោគន្លឹះសម្រាប់អភិវឌ្ឍប្រទេសជាតិយើងទាំងមូល។

ឆ្លៀតក្នុងឱកាសនេះ​ ឯកឧត្តម អ៊ឹម កុច រដ្ឋលេខាធិការក្រសួងអប់រំយុវជន​ និងកីឡា​ បានលើកឡើងផងដែរ​ ទាក់ទងនឹងគោលនយោបាយរបស់ក្រសួងអប់រំ​ ធ្វើយ៉ាងណាអោយប្រព័ន្ធអប់រំនៅកម្ពុជាមានការអភិវឌ្ឍ​ និងដើរអោយទាន់បណ្តាប្រទេសផ្សេងៗ។ ម្យ៉ាងវិញទៀត​ លើកកម្ពស់សមត្ថភាពយុវជនកម្ពុជា​ ដែលជាទំពាំងស្នងឫស្សី​ ក្នុងការចូលរួមអភិវឌ្ឍន៍សង្គមអោយមានការរីកចំរើន៕

ព័ត៌មានបន្ថែម

ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ថ្ងៃ ព្រហស្បតិ៍, 2 ធ្នូ, 2021 ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ថ្ងៃ អាទិត្យ, 28 វិច្ឆិកា, 2021 ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា
ថ្ងៃ សុក្រ, 26 វិច្ឆិកា, 2021 ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា