ទិវាបរិស្ថានជាតិ និងបរិស្ថានពិភពលោក ៥មិថុនា ក្រោមប្រធានបទ រួមគ្នាកាត់បន្ថយប្លាស្ទិក
ថ្ងៃ សុក្រ, 15 មិថុនា, 2018ខេត្តរតនគីរី នៅថ្ងៃព្រហស្បត្តិ៍ ២កើត ខែស្រាពណ ឆ្នាំច សំរឺទ្ធស័ក ព.ស ២៥៦២ ត្រូវនឹងថ្ងៃទី១៤ ខែមិថុនា ឆ្នាំ២០១៨ មន្ទីរបរិស្ថានខេត្តរតនគិរី បានសហការរៀបចំជាមួយសហភាពសហព័ន្ធយុវជនកម្ពុជាខេត្ត បានប្រារព្វទិវាបរិស្ថានជាតិ និងបរិស្ថានពិភពលោក ៥មិថុនា ក្រោមប្រធានបទ រួមគ្នាកាត់បន្ថយប្លាស្ទិក ដោយអញុ្ជើញជាអធិបតីពី ឯកឧត្តម ថង សាវុន អភិបាលនៃគណ:អភិបាលខេត្តរតនគីរី និងមានការចូលរួមពីកងកំលាំងប្រដាប់អាវុធ មន្ទីរ ស្ថាប័នពាក់ព័ន្ធ សិស្សានុសិស្សប្រមាណជាង៥០០ នាក់ ។ កម្មវិធីនេះ អ្នកចូលរួមទាំងអស់បានធ្វើការអប់រំ និងផ្សព្វផ្សាយជូនប្រជាពលរដ្ឋនៅមូលដ្ឋានផ្ទាល់ផងដែរ ដើម្បីរំលឹក ក៏ដូចជាបំផុសអោយមានការចូលរួម
ទាក់ទងនឹងការញែក ទុកដាក់សំរាមអោយបានត្រឹមត្រូវ ជាពិសេសការកាត់បន្ថយការប្រើប្រាស់ផ្លាស្ទិក ។
នាឱកាសនេះ ឯកឧត្តម អភិបាលខេត្ត បានអំពាវនាវ និងជំរុញដល់សិស្សានុសិស្ស ជាពិសេសអាជីវករចូលរួមទាំងអស់គ្នា ក្នុងការទុកដាក់សំរាមអោយបានត្រឹមត្រូវ និងចូលរួមកាត់បន្ថយការប្រើប្រាស់ប្លាស្ទិកដោយប្រើថង់បរិស្ថានជំនួសវិញ ហើយជួយអប់រំផ្សព្វផ្សាយបន្តពីផលប៉ះពាល់ពីសំណល់ប្លាស្ទិកនេះ។ គូសបញ្ជាក់ថា តាមរយៈកម្មវិធីនេះ ក៏មានគោលបំណងបំផុសចលនាទូលំទូលាយកាត់បន្ថយប្លាស្ទិកនៅកម្ពុជា តាមគោលការណ៍ស្ម័គ្រចិត្ត ក៏ដូចជាជំរុញការអនុវត្តអនុក្រឹត្យរបស់រាជរដ្ឋាភិបាល លេខ ១៦៨ អនក្រ.បក ចុះថ្ងៃទី១០ ខែតុលា ឆ្នាំ២០១៧ ស្តីពីការគ្រប់គ្រងថង់ប្លាស្ទិកផងដែរ៕
ព័ត៌មានបន្ថែម
ថ្ងៃ ពុធ, 12 ឧសភា, 2021
សត្វរញីផេះមួយក្បាលរួចផុតពីក្រញាំព្រាន
ថ្ងៃ អង្គារ, 11 ឧសភា, 2021
ដើមភ្លៅនាងរលោងស្រិលនិងស្រស់ស្អាត នៅដែនជម្រកសត្វព្រៃលំផាត់
