ក្រោមកិច្ចសហប្រតិបត្តិការរវាងអគ្គលេខាធិការដ្ឋានក្រុមប្រឹក្សាជាតិដោយចីរភាព និងសាលាជាតិកសិកម្មព្រែកលៀប និង ក្នុងវិស័យអភិវឌ្ឍន៍ដោយចីរភាពដោយផ្តោតលើការពង្រឹងទំនាក់ទំនងរវាងវិទ្យាសាស្រ្តនិងគោលនយោបាយស្តីពីការប្រែប្រួលអាកាសធាតុនៅកម្ពុជា និស្សិតគ្រប់ជំនាញឆ្នាំទី២និងទី៣នៃសាលាជាតិកសិកម្មព្រែកលៀបសរុបប្រមាណ៨០នាក់ បានទទួលចំណេះដឹងស្តីពី «កសិកម្មនិងការប្រែប្រួលអាកាសធាតុ» បន្ថែមពីលើមុខវិជ្ជាដែលមាននៅក្នុងកម្មវិធីសិក្សា ដែលរៀបចំដោយសាលាជាតិកសិកម្មព្រែកលៀប នៅរសៀលថ្ងៃព្រហស្បតិ៍ ២កើត ខែបថមាសាឍ ឆ្នាំច ព.ស. ២៥៦២ ត្រូវនឹងថ្ងៃទី១៤ ខែមិថុនា ឆ្នាំ២០១៨ នៅក្នុងសាលាជាតិ។

លោកបណ្ឌិត ធន់ វឌ្ឍនា នាយកសាលាជាតិកសិកម្មព្រែកលៀប បានឱ្យដឹងថាអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងកម្មវិធីសម្ព័ន្ធភាពប្រែប្រួលអាកាសធាតុកម្ពុជា បានជ្រើសរើសសាលាជាតិ ធ្វើជាដៃគូកិច្ចសហប្រតិបត្តិការ ហើយសកម្មភាពចម្បងគឺការបង្កើនសមត្ថភាពធនធាននិស្សិតលើផ្នែកស្រាវជ្រាវនិងសរសេរនិក្ខេបបទ ការបណ្តុះបណ្តាល និងស្រាវជ្រាវស្តីពីគោលនយោបាយពាក់ព័ន្ធការប្រែប្រួលអាកាសធាតុ។ ទន្ទឹមនេះដែរ លោកបណ្ឌិត ហេង ចាន់ធឿន អនុប្រធាននាយកដ្ឋានប្រែប្រួលអាកាសធាតុ ក៏បានបញ្ជាក់ថាការប្រែប្រួលអាកាសធាតុ គឺជាកត្តាគម្រាមកំហែងចម្បងដែលបានកំពុងកើតឡើងពិតប្រាកដ ដូចនេះ ក្នុងនាមជានិស្សិតត្រូវធ្វើការសិក្សាស្រាវជ្រាវឱ្យបានស៊ីជម្រៅបែបវិទ្យាសាស្រ្តនូវកត្តាប្រឈម និងដំណោះស្រាយសមស្រប ដើម្បីបម្រើផលប្រយោជន៍ដល់សង្គមជាតិយើងទាំងមូល៕

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
កិច្ចប្រជុំក្រុមប្រឹក្សាជាតិលើកទី៣ ក្រោមអធិបតីភាព​​ ឯកឧត្តម​ ទិន​ ពន្លក អនុប្រធានទី២ និងជារដ្ឋលេខាធិការក្រសួងបរិស្ថាន ដើម្បីត្រួតពិនិត្យលើលទ្ធផលការងារ​ និងសម្រេចលើឯកសារពាក់ព័ន្ធមួយចំនួន
ថ្ងៃ អង្គារ, 19 តុលា, 2021 កិច្ចប្រជុំក្រុមប្រឹក្សាជាតិលើកទី៣ ក្រោមអធិបតីភាព​​ ឯកឧត្តម​ ទិន​ ពន្លក អនុប្រធានទី២ និងជារដ្ឋលេខាធិការក្រសួងបរិស្ថាន ដើម្បីត្រួតពិនិត្យលើលទ្ធផលការងារ​ និងសម្រេចលើឯកសារពាក់ព័ន្ធមួយចំនួន
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា