ទីស្តីការក្រសួងបរិស្ថាន រសៀលថ្ងៃពុធ១កើត ខែបឋមសាឍ ឆ្នាំច ព.ស.២៥៦២ ត្រូវនឹងថ្ងៃទី១៣ ខែមិថុនា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបសំណេះសំណាលជាមួយ យុវជនជ័យលាភីអាហាររូបករណ៍ នូវែលសេឡង់ (New Zealand-ASEAN Scholarships) ដែលជាមន្រ្តីរាជការ និង បុគ្គលិកបម្រើការងារនៅតាមបណ្តាក្រសួង-ស្ថាប័នរដ្ឋ និងឯកជន ដែលត្រូវទៅបន្តការសិក្សាសម្រាប់ ឆ្នាំ២០១៨-២០២០។ ឯកឧត្តមរដ្ឋមន្រ្តី បានចែករំលែកនូវបទពិសោធន៍មួយចំនួនយកទៅពិចារណា និងអភិវឌ្ឍខ្លួនធ្វើ យ៉ាងណាឱ្យការសិក្សាទទួលបានភាពជោគជ័យ។

នាឱកាសនោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជំរុញ និងលើកទឹកចិត្តដល់យុជន គ្រប់រូបត្រូវស្វែងរក និងចេះទាញយកឱកាស ដើម្បីយកមកកែលម្អ និងអភិវឌ្ឍខ្លួនឯង ស្របពេល ប្រទេសកម្ពុជា ជាប្រទេសដែលមានសន្តិភាព ស្ថេរភាពនយោបាយល្អ និងមានកិច្ចសហប្រតិបត្តិការល្អ ជាមួយបណ្តាប្រទេសផ្សេងៗ ដូច្នេះ យុវជនមានឱកាសច្រើនក្នុងការទៅបន្តការសិក្សានៅក្រៅប្រទេស ដើម្បីបានផ្លាស់ប្តូរនូវបទពិសោធន៍ ជាមួយនឹងបណ្តាប្រទេសផ្សេងៗ និងទទួលបានចំណេះជំនាញថ្មីៗ ឬក៏បានសិក្សានូវជំនាញដែលខ្លួនពេញចិត្ត ក្នុងការឆ្លើយតបនឹងតំរូវការប្រទេសកម្ពុជាយើងនៅពេល បច្ចុប្បន្ន។

ឯកឧត្តម បានបន្តដែរថា ស្របពេលដែលមានឱកាសហើយ យុវជនគ្រប់រូបត្រូវយកចំណេះ និងជំនាញដែលមានទៅប្រើប្រាស់ឱ្យចំគោលដៅ ក៏ដូចជាអភិវឌ្ឍនៅក្នុងស្ថាប័នរបស់ខ្លួន និងសង្គមជាតិ ឱ្យមានការរីកចំរើនផងដែរ៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy