នៅព្រឹកថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨ លោកជំទាវ មាស ម៉ូរិន អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំអន្តរក្រសួង ស្តីពីការពិនិត្យ និងផ្តល់យោបល់លើ របាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ(ESIA) សម្រាប់គម្រោងអភិវឌ្ឍន៍ រមណីយដ្ឋានប្រជុំកោះពោធិ៍ របស់ក្រុមហ៊ុន អាយលែន ឌី.ជី (ខេមបូឌា) លីមីធីត ដែលសិក្សាវាយតម្លៃ ដោយក្រុមហ៊ុន Creative Green Design Co., Ltd. ដោយមានការចូលរួមពីតំណាងអគ្គនាយកដ្ឋាននៃក្រសួងបរិស្ថាន តំណាងក្រសួងពាក់ព័ន្ធរៀបចំ រដ្ឋបាលខេត្តកែប មន្ទីរបរិស្ថានខេត្តកែប និងតំណាងអង្គការ NGO Forum។
លទ្ធផលនៃអង្គប្រជុំនេះ បានសម្រេចនូវចំណុចចំនួនដូចខាងក្រោម៖
១. គាំទ្រគម្រោងអភិវឌ្ឍន៍នេះ និងលើកទឹកចិត្តដល់ក្រុមហ៊ុនសម្រាប់គម្រោងអភិវឌ្ឍន៍នេះ
២. ក្រុមហ៊ុនវិនិយោគត្រូវរក្សាទុកព្រៃឈើឱ្យបានយ៉ាងតិច ៦០%នៃផ្ទៃដីអភិវឌ្ឍន៍សរុប
៣. ក្រុមហ៊ុនត្រូវពន្លឿនការរៀបចំផែនការមេឱ្យបានឆាប់ ដើម្បីដាក់ជូនក្រុមប្រឹក្សាអភិវឌ្ឍន៍កម្ពុជាអនុម័ត
៤.ក្រុមហ៊ុនត្រូវដោះស្រាយផលប៉ះពាល់ជូនប្រជាពលរដ្ឋឱ្យាបានរួចរាល់ជាមុនសិន មុននឹងចាប់ផ្ដើម ដំណើរការអនុវត្តន៍គម្រោង
៥. ក្រុមហ៊ុនត្រូវគ្រប់គ្រងសំណល់រឹង-រាវ និងសំណល់ភក់ឱ្យបានត្រឹមត្រូវតាមបទដ្ឋានបច្ចេកទេស ដើម្បី កុំឱ្យប៉ះពាល់ដល់សោភ័ណ្ឌភាពកោះ និងគុណភាពទឹកសមុទ្រ
៦. ក្រុមហ៊ុនត្រូវកែសម្រួល និងបំពេញបន្ថែមនូវរាល់ចំណុចខ្វះខាតដែលបានលើកឡើងដោយតំណាង ក្រសួង-ស្ថាប័នជំនាញទាំងអស់ទៅក្នុងរបាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ នេះ។

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់