នៅរសៀលថ្ងៃច័ន្ទ ១៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែមិថុនា ឆ្នាំ២០១៩ ឯកឧត្តម ផៃ ប៊ុនឈឿន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានបើកកិច្ចប្រជុំស្តីពីការរៀបចំផែនការយុទ្ធសាស្រ្តថវិកា ៣ឆ្នាំរំកិល ២០១៩-២០២៣ និងការៀបចំផែនការថវិកាឆ្នាំ២០១៩ ដោយមានការចូលរួមពីថ្នាក់ដឹកនាំ មន្រ្តីជំនាញ និងប្រធានមន្ទីរបរិស្ថានរាជធានី ខេត្ត ចំណុះឱ្យក្រសួងបរិស្ថាន។
នាឱកាសនេះ ឯកឧត្តម រដ្ឋលេខាធិការក្រសួងបរិស្ថាន បានជំរុញដល់គ្រប់ថ្នាក់ដឹកនាំ និងមន្រ្តីជំនាញធ្វើ យ៉ាងណារៀបចំនូវសេចក្តីព្រាងផែនការយុទ្ធសាស្រ្ត ដើម្បីដាក់ឆ្លងដាក់ដឹកនាំឱ្យបានទាន់ពេលវេលា ក្នុង ការឆ្លើយតបនឹងផែនការអនុវត្តរាល់សកម្មភាពការងាររបស់អគ្គនាយកដ្ឋាននីមួយៗ និងសុំឱ្យគ្រប់អង្គភាព ថវិកាទាំងអស់លើកផែនការថវិកា ត្រូវមានគណនេយ្យករជាក់លាក់ និងស្របទៅនឹងការងារអនុវត្តការងារជាក់ស្តែងរបស់អង្គភាព។
គូសបញ្ជាក់ថា ការដាក់ចេញសារាចរណ៍ណែនាំស្តីពីការរៀបចំផែនការយុទ្ធសាស្រ្តថវិការឆ្នាំ២០១៩-២០២១ នេះ គឺដើម្បីឱ្យគ្រប់ក្រសួង-ស្ថាប័ន មន្ទីរជំនាញ និងគ្រឹះស្ថានរដ្ឋបាលថ្នាក់ក្រោមជាតិ ហើយ សារាចរណែនាំនេះបានដាក់ចេញនូវក្របខណ្ឌ និងវិធានការប្រមូលចំណូល ការកំណត់អាទិភាពចំណាយ តាមវិស័យ និងគោលការណ៍សំខាន់ៗសម្រាប់បង្កើនប្រសិទ្ធភាពនៃការវិភាជថវិកា ដោយផ្អែកលើលទ្ធភាពជាក់ស្តែងនៃថវិកាជាតិ អាទិភាពគោលនយោបាយរាជរដ្ឋាភិបាល និងប្រសិទ្ធភាពនៃការអនុវត្តថវិការបស់ក្រសួង-ស្ថាប័ន កន្លងមក ដើម្បីយកទៅអនុវត្តការងារលើវិស័យកិច្ចគាំពារបរិស្ថាន ការអភិរក្សធនធានធម្មជាតិនិងជីវៈចម្រុះ និងការរស់នៅប្រកបដោយនិរន្តរភាព៕

ព័ត៌មានបន្ថែម

អបអរសាទរ «ទិវាភពផែនដី » ២២ មេសា រួបរួមគ្នា ដើម្បីការពារផែនដីយើង
ថ្ងៃ ព្រហស្បតិ៍, 22 មេសា, 2021 អបអរសាទរ «ទិវាភពផែនដី » ២២ មេសា រួបរួមគ្នា ដើម្បីការពារផែនដីយើង
សូមអបអរសាទរទិវាភពផែនដី ២២ មេសា
ថ្ងៃ ពុធ, 21 មេសា, 2021 សូមអបអរសាទរទិវាភពផែនដី ២២ មេសា
មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១
ថ្ងៃ សៅរ៍, 17 មេសា, 2021 មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១