រសៀលថ្ងៃសៅរិ៍១១រោច ខែជេស្ឋ ឆ្នាំច សំរឹទ្ឋិស័ក ព.ស ២៥៦២ ត្រូវនឹងទី៩ ខែមិថុនា ឆ្នាំ២០១៨ ឯកឧត្តម សាយ សំអាល់ បានអញ្ជើញជាអធិបតីក្នុងពិធីបិទ និងចែកវិញ្ញាបនិប័ត្រដល់សិក្ខាកាម ចំនួន ៣វគ្គ ដែលបានបញ្ចប់វគ្គបណ្តុះបណ្តាល កម្មវិធីអភិវឌ្ឍន៍ភាពជាអ្នកដឹកនាំនយោបាយ ជំនាន់ទី១១ ដល់ទី១៣ នៅទីស្តីការក្រសួងបរិស្ថាន។ នាឱកាសនេះ ឯកឧត្តមរដ្ឋមន្រ្តី បានបញ្ជាក់ផងដែរថាយុវជន ដែលបានចូលរួមវគ្គបណ្តុះបណ្តាលកម្មវិធីអភិវឌ្ឍន៍ភាពជាអ្នកដឹកនាំនយោបាយ នាពេលនេះត្រូវយក ចំណេះដឹងទៅអនុវត្តន៍ចំគោលដៅ និងភារកិច្ច របស់ខ្លួន ឱ្យមានប្រសិទ្ឋភាពខ្ពស់ ប្រកបដោយគុណភាព សមធម៌ គុណធម៌តាមលទ្ឋិ ប្រជាធិបតេយ្យ ជាពិសេសអភិវឌ្ឍន៍ខ្លួនឯងក្នុងការចូលរួមអភិវឌ្ឍសង្គម។ ជាមួយគ្នានេះដែរ ឯកឧត្តមរដ្ឋមន្រ្តីក្រសួងបរិស្ថាន ធ្វើការវាយតម្លៃខ្ពស់ដល់ក្រុមការងាររៀបចំក្នុងវគ្គ បណ្តុះបណ្តាលយុវជន និងបានចូលរួមចែករំលែកនូវចំណេះដឹង និងបទពិសោធន៍ទាក់ទងនឹងភាពជា អ្នកដឹកនាំ ប្រកបដោយ គុណភាព ភាពឈ្លាសវៃ ធ្វើយ៉ាងណាក្លាយជាយុវជនគំរូបន្ត ទៀតក៏ដូចជាធ្វើជា អ្នកបន្តវេន ក្នុងការចូលរួមសង្គម និងប្រទេសជាតិឱ្យមានការរីកចំរើន។ក្នុងនោះ ក៏មិនភ្លេចផងដែរបាន នូវខ្លឹមសារសំខាន់ចំនួន៤ ទាក់ទងនឹងសន្តិភាព ស្ថេរភាពនយោបាយ សេរីភាពសារព័ត៌មាន និងស្ថានភាពជីវភាពរបស់ប្រជាជនមានភាពរីកចំរើន ដែលជាចំណុចគន្លឹះដែលយុវជនត្រូវស្វែងយល់។
គូសបញ្ជាក់ថាយុវជនមកពីក្រសួង ស្ថាប័ននានា ចំនួន ៦២៣នាក់ បានបញ្ជាប់ដោយជោគជ័យវគ្គ បណ្តុះ បណ្តាលកម្មវិធីអភិវឌ្ឍន៍ភាពជាអ្នកដឹកនាំនយោបាយ ជំនាន់ទី១១ រហូតដល់ជំនាន់ទី១៣៕

ព័ត៌មានបន្ថែម

ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ថ្ងៃ ព្រហស្បតិ៍, 2 ធ្នូ, 2021 ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ថ្ងៃ អាទិត្យ, 28 វិច្ឆិកា, 2021 ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា
ថ្ងៃ សុក្រ, 26 វិច្ឆិកា, 2021 ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា