ដើម្បីរួមចំណែកគាំពារបរិស្ថាន ការពារ និងអភិរក្សធនធានធម្មជាតិ និងជីវចម្រុះ នាយកដ្ឋានរង្វាន់និងលើកទឹកចិត្ត នៃអគ្គនាយកដ្ឋានចំណេះដឹង និងព័ត៌មានបរិស្ថាន បានរៀបចំព្រឹត្តិការណ៍ជិះកង់ ផ្សព្វផ្សាយចំណេះដឹង«រួមគ្នាដើម្បីមេត្រីភាពបរិស្ថាន» នៅជុំវិញក្រុងខេមរភូមិន្ទ ខេត្តកោះកុង នាព្រឹកថ្ងៃទី៣១ ខែឧសភា ឆ្នាំ២០១៨ ។
លោកជំទាវ ងិន លីណា អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន បានឱ្យដឹងថា ព្រឹត្តិការណ៍នេះ រៀបចំឡើងក្នុងគោលបំណង
ទី១ ដើម្បីអបអរសាទរទិវាបរិស្ថានជាតិ និងទិវាបរិស្ថានពិភពលោក៥មិថុនា
ទី២ ដើម្បីផ្សព្វផ្សាយជំរុញការចូលរួមប្រតិបត្តិមេត្រីភាពបរិស្ថាន ដល់វិស័យឯកជនក្នុងការបញ្រ្ជាបការងារបរិស្ថានក្នុងផ្នែកធុរៈពាក់ព័ន្ឋ ស្របតាមអនុក្រឹត្យ លេខ៦០អន.ក្របក ស្តីពីការលើកទឹកចិត្តក្នុងការប្រតិបត្តិមេត្រីភាពបរិស្ថាន របស់រាជរដ្ឋាភិបាលកម្ពុជា
និងទី៣ ផ្សព្វផ្សាយកិច្ចគាំពារបរិស្ថាន តាមរយៈសកម្មភាពជិះកង់ ចែកខិតបណ្ណ បិទផូសស្ទ័រ ដើម្បីផ្លាស់ប្តូរទំលាប់ប្រជាពលរដ្ឋ ចូលរួមស្រលាញ់បរិស្ថាន ការពារ និងអភិរក្សធនធានធម្មជាតិ ។

សូមបញ្ជាក់ថា នៅក្នុងយុទ្ឋនាការរួមគ្នាដើម្បីមេត្រីភាពបរិស្ថាន មន្រ្តីនៃក្រសួងបរិស្ថាន បានផ្តល់សារអប់រំនានា នៅតាមដងផ្លូវ និងតាមផ្សារដល់ប្រជាពលរដ្ឋ នៅក្នុងក្រុងខេមរភូមិន្ទ ខេត្តកោះកុង មានដូចជា :
– ចូលរួមកាត់បន្ថយការប្រើប្រាស់ថង់ប្លាស្ទិកទាំងអស់គ្នា
– ចូលរួមប្រើប្រាស់បច្ចេកវិទ្យាទ្រទ្រង់បរិស្ថាន និងការប្រើប្រាស់ផលិតផលមេត្រីភាពបរិស្ថាន
– ចូលរួមសកម្មភាពមេត្រីភាពបរិស្ថាន និងថែរក្សាអត្តសញ្ញាណធម្មជាតិ
– លើកកម្ពស់ការស្រលាញ់បរិស្ថាន និងការចូលរួមការពារបរិស្ថានទាំងអស់គ្នា
– ចូលរួមគាំពារបរិស្ថាន អភិរក្សធនធានធម្មជាតិ និងការពារប្រព័ន្ឋអេកូឡូស៊ីរួម
– ចូលរួមថែរក្សាធនធានសមុទ្រ ដើម្បីការអភិវឌ្ឍសង្គម

ជាមួយគ្នាដែរ នៅល្ងាចថ្ងៃទី៣១ ខែឧសភា ឆ្នាំ២០១៨ ក្រសួងបរិស្ថាន ក៏បានរៀបចំនូវការប្រគុំតន្រ្តីមេត្រីភាពបរិស្ថាន នៅចំណុចមុខសាលាខេត្តកោះកុង ដោយមានការចូលរួមពីថ្នាក់ដឹកនាំក្រសួងបរិស្ថាន អាជ្ញាធរខេត្ត មន្រ្តីពាក់ព័ន្ឋ និងប្រជាពលរដ្ឋជាច្រើននាក់ទៀត ៕

ព័ត៌មានបន្ថែម

ថ្ងៃទី១នៃយុទ្ធនាការចាក់វ៉ាក់សាំងបង្ការជំងឺកូវីដ១៩៖ មន្ត្រីក្រសួងបរិស្ថានចំនួន ២០០នាក់បានចាក់វ៉ាក់សាំងស៊ីណូវ៉ាក់
ថ្ងៃ សុក្រ, 2 មេសា, 2021 ថ្ងៃទី១នៃយុទ្ធនាការចាក់វ៉ាក់សាំងបង្ការជំងឺកូវីដ១៩៖ មន្ត្រីក្រសួងបរិស្ថានចំនួន ២០០នាក់បានចាក់វ៉ាក់សាំងស៊ីណូវ៉ាក់
ក្រសួងបរិស្ថាន បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់ថ្នាក់ដឹកនាំ និងមន្ត្រីរាជការក្រោមឱវាទ
ថ្ងៃ ព្រហស្បតិ៍, 1 មេសា, 2021 ក្រសួងបរិស្ថាន បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់ថ្នាក់ដឹកនាំ និងមន្ត្រីរាជការក្រោមឱវាទ
កិច្ចប្រជុំគណៈកម្មាធិការប្រតិបត្តិលើកទី២៦ នៃក្រុមប្រឹក្សាអង្គការអន្តរជាតិភាពជាដៃគូក្នុងការគ្រប់គ្រង បរិស្ថានសមុទ្រនៅអាស៊ីបូព៌ា (PEMSEA)
ថ្ងៃ ព្រហស្បតិ៍, 1 មេសា, 2021 កិច្ចប្រជុំគណៈកម្មាធិការប្រតិបត្តិលើកទី២៦ នៃក្រុមប្រឹក្សាអង្គការអន្តរជាតិភាពជាដៃគូក្នុងការគ្រប់គ្រង បរិស្ថានសមុទ្រនៅអាស៊ីបូព៌ា (PEMSEA)