ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានផ្តល់បទសម្ភាសន៍ដល់ស្ថានីយ៍ទូរទស្សន៍អប្សរា

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននៅថ្ងៃទី២៦ ខែកុម្ភៈ ឆ្នាំ២០១៨នេះ បានផ្តល់បទសម្ភាសន៍ជូនស្ថានីយ៍ទូរទស្សន៍អប្សាស្តីពីការកើនឡើងសត្វត្រយ៉ងដែលជាសត្វបក្សីកម្រ និងការរៀបចំបង្កើតឧទ្យានជាតិកោះរ៉ុងដែលរដ្ឋាភិបាលបានដាក់ចេញតាមរយៈសំណើក្រសួងបរិស្ថាន។

បទសម្ភាសន៍ដែលធ្វើឡើងនៅទីស្តីការក្រសួងបរិស្ថាននេះ បានផ្តោតសំខាន់លើការការពារប្រកបដោយភាពជោគជ័យចំពោះបក្សីកម្រនេះ និងមូលហេតុនៃភាពចាំបាច់ដែលរដ្ឋាភិបាលបានសម្រេចបង្កើតតំបន់ឧទ្យានជាតិកោះរ៉ុង។ សូមរំលឹកថា រាជរដ្ឋាភិបាលកម្ពុជាតាមរយៈសំណើក្រសួងបរិស្ថាន កាលពីថ្ងៃទី០៨ ខែកុម្ភៈ បានដាក់បញ្ចូលផ្ទៃដី៥២,៤៩៨ ហិកតាដែលគ្របដណ្តប់កោះចំនួន៧ និងសមុទ្រជុំវិញ៕