ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន មានប្រសាសន៍ថា យុវជនចំនួនជាង ៣លាននាក់បានប្តេជ្ញាចិត្តចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិន ប្រើ ថង់ ប្លាស្ទិកទេ» ។ ជាមួយនឹងការប្តេជ្ញាចិត្តរបស់យុវជន ដោយផ្តើមពីការមិនប្រើ ប្រាស់ ថង់ ប្លាស្ទិកយ៉ាងតិច១ថ្ងៃ ក្នុង១ សប្តាហ៍ ដើម្បីរួម ចំណែក ក្នុងការកាត់បន្ថយ ការបង្កើត និងការចោលសំរាមតាម សាលា រៀន តាមលំនៅស្ថាន និងនៅក្នុងភូមិ ឃុំរបស់ពួកគេ រហូត ដល់ បាន ផ្លាស់ ប្តូរ ទម្លាប់ឈប់ប្រើប្រាស់ថង់ប្លាស្ទិកទាំងស្រុងនាពេលអនាគត ។

ប្រសាសន៍ថ្លែងឡើងរបស់ឯកឧត្តមរដ្ឋមន្រ្តីក្រសួងបរិស្ថាននេះ ធ្វើឡើងនៅក្នុងព្រឹត្តិការណ៍នៃការប្រកាសបើកយុទ្ធនាការ ថ្ងៃនេះ ខ្ញុំមិនប្រើថង់ប្លាស្ទិកទេ! នៅពហុកីឡដ្ឋានក្រុងកំពត ខេត្តកំពត រួមនឹងពិធីចុះអនុស្សារណៈយោគយល់រវាងក្រសួងបរិស្ថាននិងរដ្ឋបាល ខេត្តកំពត កែប ព្រះសីហនុ កោះកុង កំពង់ស្ពឺ តាកែវ សមាគមកាយឫទ្ធិនារីកម្ពុជា និងសហភាពសហព័ន្ធយុវជនកម្ពុជាផងដែរ ។

រាប់ចាប់ពីថ្ងៃទី១កញ្ញា ដល់ថ្ងៃទី១៩ ខែវិច្ឆិកា ឆ្នាំ២០២៣នេះយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» មានអ្នកចូលរួមសរុបចំនួន ៣,០០៨,០៧១ អង្គ/នាក់ ក្នុងនោះរួមមាន លោកគ្រូអ្នកគ្រូសរុបចំនួន ១១១,០៥៦ នាក់ សិស្សានុសិស្សសរុបចំនួន ២,៨៣៥,០៨៧ នាក់ កម្មករកម្មការិនី និងប្រជាពលរដ្ឋចូលរួមសរុបចំនួន ៦១,៩២៨ នាក់ ដោយបានចុះផ្សព្វផ្សាយសរុបចំនួន ៨,៦៦០លើក ក្នុងសាលារៀនសរុបចំនួន ៦,៦៥៥សាលា រោងចក្រ/សហគ្រាស/ប្រជាពលរដ្ឋ សរុបចំនួន ១២០ កន្លែង សហគមន៍ចំនួន ៦៥ កន្លែង និងវត្ដអារាមចំនួន ២២ វត្ត នៅក្នុងក្រុង/ស្រុកចំនួន ១៩៦ នៅទូទាំងព្រះរាជាណាចក្រកម្ពុជា ៕

 

 

 

 

     

ព័ត៌មានបន្ថែម

ឯកឧត្តមបណ្ឌិត អ៊ាង សុផល្លែត៖ យុទ្ធនាការ «កម្ពុជាស្អាត ខ្មែរធ្វើបាន» ដាក់ចេញបន្ទាប់ពីកម្ពុជាយើងបានទប់ស្កាត់ ការពារការប្រើប្រាស់ និងបោះចោលថង់ប្លាស្ទិកបានច្រើនជាងការបោះចោល ទៅក្នុងទីសាធារណៈ ទទួលបានជោគជ័យរួចមកហើយ
ថ្ងៃ សុក្រ, 17 ឧសភា, 2024 ឯកឧត្តមបណ្ឌិត អ៊ាង សុផល្លែត៖ យុទ្ធនាការ «កម្ពុជាស្អាត ខ្មែរធ្វើបាន» ដាក់ចេញបន្ទាប់ពីកម្ពុជាយើងបានទប់ស្កាត់ ការពារការប្រើប្រាស់ និងបោះចោលថង់ប្លាស្ទិកបានច្រើនជាងការបោះចោល ទៅក្នុងទីសាធារណៈ ទទួលបានជោគជ័យរួចមកហើយ
វេទិកាពិភពលោកស្តីពីសកម្មភាពអាកាសធាតុសាកល២០២៤ រៀបចំឡើងដើម្បីបង្កើនការយល់ដឹងអនាគតកម្ពុជា ក្នុងការឆ្លើយតបនឹងការប្រែប្រួលអាកាសធាតុ
ថ្ងៃ សុក្រ, 17 ឧសភា, 2024 វេទិកាពិភពលោកស្តីពីសកម្មភាពអាកាសធាតុសាកល២០២៤ រៀបចំឡើងដើម្បីបង្កើនការយល់ដឹងអនាគតកម្ពុជា ក្នុងការឆ្លើយតបនឹងការប្រែប្រួលអាកាសធាតុ
ប្រកាស ស្តីពី ការដាក់ឲ្យប្រើប្រាស់កម្មវិធីរដ្ឋបាលអេឡិចត្រូនិច (MoE EAdmin App)
ថ្ងៃ សុក្រ, 17 ឧសភា, 2024 ប្រកាស ស្តីពី ការដាក់ឲ្យប្រើប្រាស់កម្មវិធីរដ្ឋបាលអេឡិចត្រូនិច (MoE EAdmin App)