នាព្រឹកថ្ងៃសុក្រ ៩រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៩ ខែកុម្ភៈ ឆ្នាំ២០១៨ ឯកឧត្តម អ៊ាង សុផល្លែត អនុរដ្ឋលេខាធិការក្រសួងបរិស្ថាន បានអញ្ជើញជាគណៈអធិបតីបើកសិក្ខាសាលាពិគ្រោះយោបល់លើ សេចក្តីព្រាងចុងក្រោយនៃរបាយការណ៍ស្ថានភាពតំបន់ឆ្នេរសមុទ្រកម្ពុជា ដែលមានការចូលរួមក្រុមការងារបច្ចេកទេសអន្តរក្រសួងសម្របសម្រួលការងាររបាយការណ៍ជាតិស្តីពី ស្ថានភាពតំបន់ឆ្នេរសមុទ្រកម្ពុជា រៀបចំឡើងដោយអគ្គនាយកដ្ឋានគាំពារបរិស្ថានសហការជាមួយអង្គការមូលនិធិបរិស្ថានពិភពលោក(GEF) តាមរយៈអង្គការភាពជាដៃគូក្នុងការគ្រប់គ្រងបរិស្ថានសមុទ្រអាស៊ី-បូព៌ា(PEMSEA)។ សិក្ខាសាលានេះមានគោលបំណង ប្រមូលធាតុចូលចុងក្រោយ ដើម្បីការផ្តល់នូវបច្ចុប្បន្នភាពព័ត៌មាន ទិន្នន័យ និងធាតុចូលបន្ថែមចុងក្រោយលើចំនុច នានា ចូលរួមចំណែកធ្វើឱ្យរបាយការណ៍ជាតិនេះកាន់តែមានសុក្រឹត្យភាពឡើងមួយកម្រិតទៀត សម្រាប់ធ្វើជាមូលដ្ឋានទិន្នន័យពីស្ថានភាពនៃការអភិវឌ្ឍន៍សេដ្ឋកិច្ចខៀវ ការការពារអភិរក្សធនធានធម្មជាតិ និងកិច្ចគាំពារបរិស្ថាន ក៍ដូចជាលើកកម្ពស់សោភ័ណ្ឌភាពតំបន់ឆ្នេរ និងសមុទ្រយើងប្រកបដោយនិរន្តរភាព។ ឆ្លៀតក្នុងឱកាសនេះ ឯកឧត្តមអនុរដ្ឋលេខាធិការបានមានប្រសាសន៍ថា កន្លងមកអគ្គនាយកដ្ឋានគាំពារបរិស្ថាន និងភាគីពាក់ព័ន្ធជាតិ និងអន្តរជាតិបានសហការគ្នាធ្វើការងារជាច្រើនក្នុងកិច្ចគាំពារបរិស្ថានតំបន់ឆ្នេរសមុទ្រយើង ជាក់ស្តែងរបាយការណ៍ជាតិស្តីពីស្ថានភាពតំបន់ឆ្នេរសមុទ្រកម្ពុជានេះ ត្រូវបានលើកយកមកពិនិត្យពិភាក្សាក្នុងសិក្ខាសាលាពិគ្រោះយោបល់ចំនួន២លើករួចមកហើយ ដែលជាលទ្ធផលអ្នកជំនាញការជាតិបានរៀបចំកែសម្រួលនូវឯកសារបាន ១១ ជំពូកសំខាន់ៗ ដើម្បីផ្តល់នូវ ធាតុចូល និងទិន្នន័យបានមួយចំនួនជាច្រើនទៀត។ ឯកឧត្តមសង្ឃឹមថា របាយការណ៍ស្តីពីស្ថានភាពតំបន់ឆ្នេរសមុទ្រកម្ពុជានេះ នឹងក្លាយឯកសារគោល សម្រាប់តំរង់ទិស ការតាមដានការអភិវឌ្ឍន៍នៅតំបន់ឆ្នេរសមុទ្រយើង ប្រកបដោយភាពទទួលខុសត្រូវខ្ពស់ និងចីរភាពបរិស្ថាន៕

ព័ត៌មានបន្ថែម

សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ថ្ងៃ អង្គារ, 1 មិថុនា, 2021 សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
ថ្ងៃ ចន្ទ, 31 ឧសភា, 2021 ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១
ថ្ងៃ ព្រហស្បតិ៍, 27 ឧសភា, 2021 នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១