ដែនជម្រកសត្វព្រៃកែវសីមា​ត្រូវបានរាជរដ្ឋាភិបាលកម្ពុជាតាមរៈសំណើក្រសួងបរិស្ថាន បង្កើត​ឡើង​នៅថ្ងៃទី០៩ ខែតុលា ឆ្នាំ​២០១៦ ដើម្បីថែទាំងទីជម្រកសត្វព្រៃ និងរុក្ខជាតិ​នៅលើផ្ទៃដី២៩២.៦៩០ ហិកតាស្ថិតនៅក្នុងភូមិសាស្ត្រខេត្តមណ្ឌលគីរី និងខេត្តក្រចេះ។

តាមរយៈអនុក្រឹត្យនេះដែលចុះហត្ថលេខាដោយសម្តេចអគ្គមហាសេនាបីតេជោហ៊ុន សែន ដែន​ជម្រក​កែវ​សីមា គឺជាតំបន់ធានាឱ្យមានការថែទាំទីជម្រកសត្វព្រៃ និងប្រព័ន្ធអេកូឡូស៊ី ព្រមទាំង​ធានា​ឱ្យមាន​ការ​បំពេញ​លក្ខខណ្ឌចាំបាច់សម្រាប់ប្រភេទណាមួយនៃសត្វ រុក្ខជាតិ​និងជីវៈចម្រុះ ហើយផ្តល់ផលិតផល និង​សេវា​កម្មធម្មជាតិសម្រាប់ការប្រើប្រាស់ប្រកបដោយ​និរន្តរភាព រួមទាំង​ការ​លើក​កម្ពស់​ការចូល​រួម​របស់​សហគមន៍​មូលដ្ឋានក៏ដូចជាសាធារណជន​ក្នុងការរួមចំណែកដល់ការគ្រប់គ្រង ការការពារ និងការ​អភិរក្ស​ជីវៈ​ចម្រុះ និងធន​ធាន​ធម្មជាតិ​ក្នុងតំបន់។​ ដែនជម្រកសត្វព្រៃកែវសីមា ផ្តល់​ជាទី​ជម្រក​ធម្មជាតិ​ដល់​សត្វ​ព្រៃ និងរុក្ខជាតិជាង៦០ប្រភេទស្ថិតនៅ​ក្នុង​បញ្ជី​ក្រហមរបស់អង្គការ IUCN ដែល​ជាប្រភេទ​រង​ការ​គំរាម​កំហែង​​ឈាន​ទៅរក​ការផុត​ពូជ។

សត្វទាំង៦០ប្រភេទនោះរួមមាន ស្វាកន្ទុយស និង​ទោច​ថ្ពាល់លឿងជាដើម ពពួកខ្លាព្រៃ ដំរីអាស៊ី ក្រុម​គោសាទិស និងសត្វស្លាបជាច្រើនប្រភេទ ផ្សេងទៀត។ ការសិក្សាស្រាវជ្រាវកន្លងមកបានរកឃើញថា ដែន​ជម្រក សត្វព្រៃនេះ មាន​សក្តានុពល​ខ្ពស់​សម្រាប់​ការអភិវឌ្ឍន៍​គម្រោងទេសចរណ៍ ធម្មជាតិ​នាពេល​អនាគត។ អង្គការWCS បានឱ្យដឹងថា ក្រៅពីសំបូរទៅដោយសត្វព្រៃជាច្រើនប្រភេទហើយនោះ ដែន​ជម្រកសត្វព្រៃកែវសីមា មានប្រភេទរុក្ខជាតិកម្រ និងផ្កាព្រៃចម្រុះពណ៌ ពិសេស​ទឹកធ្លាក់​ធម្មជាតិ​ជាង១០​កន្លែង​។

ទាំងនេះ សុទ្ធសឹងតែជាសម្រស់ និងសក្តានុពលនៃធនធានធម្មជាតិក្នុងដែនជម្រកសត្វព្រៃកែវសីមា​ដែល​ក្រសួងបរិស្ថាន និងអង្គការជាដៃគូ រួមទាំងសហគមន៍ក្នុងតំបន់ បានយកចិត្តទុកដាក់ក្នុងការអភិរក្ស​ និងថែរក្សាសម្រាប់កូនចៅជំនាន់ក្រោយរបស់កម្ពុជា៕  ​

ដែនជម្រកសត្វព្រៃកែវសីមា។ រូបភាព៖ wcs
រូភាព៖ samveasna center
រូភាព៖ samveasna center
រូបភាព: wcs

 

រូបភាព: wcs
រូបភាព: wcs
ប្រភេទរុក្ខជាតិកម្រក្នុងដែនជម្រកសត្វព្រៃកែវសីមា។ រូបភាព៖ WCS
រូបភាព: wcs
រូបភាព: wcs
រូបភាព: wcs
រូបភាព: wcs
រូបភាព: wcs

ព័ត៌មានបន្ថែម

កិច្ចប្រជុំបូកសរុបលទ្ធផលការងារកិច្ចគាំពារបរិស្ថាន នព្វមាស (៩ខែ) ឆ្នាំ២០២២ និងទិសដៅការងារសម្រាប់អនុវត្តបន្ត
ថ្ងៃ ពុធ, 28 កញ្ញា, 2022 កិច្ចប្រជុំបូកសរុបលទ្ធផលការងារកិច្ចគាំពារបរិស្ថាន នព្វមាស (៩ខែ) ឆ្នាំ២០២២ និងទិសដៅការងារសម្រាប់អនុវត្តបន្ត
ឯកឧត្តម សាយ សំអាល់៖”ការប្រឡងប្រណាំង ភូមិ ឃុំសង្កាត់មានសុវត្ថិភាព”នឹងជួយឱ្យពលរដ្ឋរស់នៅប្រកបដោយអនាម័យ មានសោភ័ណភាព និងបរិស្ថានកាន់តែល្អប្រសើរ
ថ្ងៃ ពុធ, 28 កញ្ញា, 2022 ឯកឧត្តម សាយ សំអាល់៖”ការប្រឡងប្រណាំង ភូមិ ឃុំសង្កាត់មានសុវត្ថិភាព”នឹងជួយឱ្យពលរដ្ឋរស់នៅប្រកបដោយអនាម័យ មានសោភ័ណភាព និងបរិស្ថានកាន់តែល្អប្រសើរ
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បាន ទទួល ជួបគណៈប្រតិភូនៃវិទ្យាស្ថានបរិស្ថានកូរ៉េ (KEI) ដើម្បី សម្ដែងការ គួរ សម និងពិភាក្សាការងារ នារសៀលថ្ងៃទី២២ ខែកញ្ញា ឆ្នាំ២០២២
ថ្ងៃ ព្រហស្បតិ៍, 22 កញ្ញា, 2022 ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បាន ទទួល ជួបគណៈប្រតិភូនៃវិទ្យាស្ថានបរិស្ថានកូរ៉េ (KEI) ដើម្បី សម្ដែងការ គួរ សម និងពិភាក្សាការងារ នារសៀលថ្ងៃទី២២ ខែកញ្ញា ឆ្នាំ២០២២