ក្រុមអ្នកស្រាវជ្រាវនៃក្រសួងបរិស្ថាន និងអង្គការWCS រួមទាំងប្រជាសហគមន៍ បានបំពាក់ម៉ាស៊ីនស្វ័យ​ប្រវត្តិនៅទីតាំងសំខាន់ៗក្នុងតំបន់បេតិកភណ្ឌធម្មជាតិភ្នំត្បែងនៃខេត្តព្រះវិហារដើម្បីសិក្សា ស្រាវ​ជ្រាវ​ពពួកថនិក​សត្វមានមាឌតូច និង​មធ្យម​ដែល​កំពុង​រស់នៅក្នុង តំបន់​បេតិកភណ្ឌធម្មជាតិមួយនេះ។ នេះបើតាមសេចក្តីប្រកាសរបស់អង្គការWCSដែលបានចេញផ្សាយពេលថ្មីៗនេះ។

តំបន់បេតិកភណ្ឌធម្មជាតិភ្នំត្បែងត្រូវបានរដ្ឋាភិបាលកម្ពុជាសម្រេចដាក់ជាតំបន់ការពារធម្មជាតិកាលពីថ្ងៃទី១៣ ខែកញ្ញា ឆ្នាំ​២០១៦ ដែលមានផ្ទៃដីប្រមាណ​២ម៉ឺន​៥ពាន់​​ហិក​តា​(២៥.២៦៩,៤១) គ្រប់​ដណ្តប់​ចំនួន​៥ស្រុក គឺស្រុក គូលេន សង្គមថ្មី ត្បែងមានជ័យ ក្រុងព្រះវិហារ និងរវៀង។

ក្នុងគម្រោងនៃការសិក្សា អង្គការWCS  បានឱ្យដឹងថា ក្រុមអ្នកស្រាវជ្រាវបាន​បំពាក់ម៉ាស៊ីន​ថតរូប​ស្វ័យ​ប្រវត្តិ​​ចំនួន​២៤គ្រឿងដើម្បី​សិក្សាស្វែងយល់អំពី​ប្រភេទសត្វព្រៃសំខាន់ៗ​ដែលកំពុងរស់​នៅតំបន់​ភ្នំត្បែង​។  អង្គការជំនាញសត្វព្រៃដដែល បានបញ្ជាក់ថា​លទ្ធផល​ដែលនឹង​ទទួលបាន​ពីការ​សិក្សា​ស្រាវជ្រាវ មាន​សារៈ​សំខាន់ ខ្លាំងណាស់សម្រាប់ក្រុមអ្នកអភិរក្សដើម្បីរៀបចំផែនការគ្រប់គ្រង និង​អភិរក្ស​សត្វព្រៃ​សំខាន់ៗ​ទាំងអស់នោះឲ្យនៅគង់វង្ស។ ប្រភេទសត្វ​ដែល​គេឧស្សាហ៍​ប្រទះ​ឃើញ​ក្នុង​តំបន់​នេះមានដូចជា ទោចម្កុដ ខ្លា​ឃ្មុំ និងស្វាព្រាមជាដើម។

តំបន់បេតិកភណ្ឌធម្មជាតិភ្នំត្បែង មាននៅសេសសល់ទីជម្រកប្រភេទ ព្រៃស្រោង និង​ព្រៃពាក់​កណ្តាល​ស្រោង​នៃតំបន់ខ្ពង់រាបភាគខាងជើង ប្រទេសកម្ពុជា និងមានសារៈសំខាន់ខ្ពស់សម្រាប់ការអភិរក្សប្រភេទ សត្វព្រៃសំខាន់ៗ ព្រមទាំងផ្តល់សេវាកម្មអេកូឡូស៊ីផងដែរ។ ក្រៅពីតំបន់ធម្មជាតិដែលជាជម្រកសត្វគ្រប់​ប្រភេទហើយនោះ តំបន់ធម្មជាតិភ្នំត្បែង​គឺជាផ្នែក​ដ៏សំខាន់​នៃអាងស្តុក​ទឹក​ផ្នែកខាង​លើស្ទឹងសែន​ដែល​ជាដៃ របស់បឹងទន្លេសាប។ បន្ថែមពីនេះ ព្រៃឈើនៅតំបន់បេតិកភណ្ឌធម្មជាតិភ្នំត្បែង ក៏ជួយផ្គត់ផ្គង់​ទឹកសាប​ដល់ប្រជា​សហគមន៍រស់នៅជុំវិញ និងការពារកុំឲ្យ មានការ​ហូរច្រោះ​ដីពី​តំបន់​ខ្ពស់៕

ដកស្រង់ពីWCS cambodia

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy