ក្រសួងបរិស្ថាន សហការជាមួយក្រសួងសុខាភិបាល បានយកមុងជ្រលក់ថ្នាំ ថ្នាំពេទ្យ ចែកជូនប្រជាពលរដ្ឋ មកពីឃុំប្រឡាយ ឃុំជំនាប់ ឃុំថ្មដូនពៅ ស្រុកថ្មបាំង ខេត្តកោះកុង ក្រោមអធិបតីភាពលោកជំទាវ ម៉ុម ថានី រដ្ឋលេខាធិការក្រសួងបរិស្ថាន នាថ្ងៃទី៣០ ខែមីនា ឆ្នាំ២០២៣។

ក្នុងឱកាសនោះ លោកជំទាវ ម៉ុម ថានី មានប្រសាសន៍ថា បច្ចុប្បន្នចំពោះសកម្មភាពដែលបាននិងកំពុងអនុវត្តក្នុងការជំរុញ និងបំផុសការយល់ដឹងជាសាធារណៈឱ្យកាន់តែទូលំទូលាយនៅទូទាំងប្រទេស ជាពិសេសនៅតាមទីជនបទ ដើម្បីផ្លាស់ប្ដូរផ្នត់គំនិត និងទម្លាប់របស់ប្រជាពលរដ្ឋក្នុងការប្រតិបត្តិលើការរស់នៅស្អាត គ្មានការចម្លងជំងឺគ្រុនចាញ់ ដើម្បីលើកកម្ពស់សុខុមាលភាពសង្គម និងសំដៅរួមចំណែកដល់ការថែរក្សាសុខភាព ប្រជាពលរដ្ឋ។
ជាមួយគ្នានេះ លោកជំទាវ ម៉ុម ថានី ក៏បានអំពាវនាវដល់គ្រប់ស្ថាប័នរដ្ឋ វិស័យឯកជន សង្គមស៊ីវិល និងសហគមន៍អ្នកផ្តល់ជំនួយនានា សូមបន្តនូវកិច្ចសហការជាមួយក្រសួងបរិស្ថាន ដើម្បីលើកកម្ពស់កិច្ចការ ការពារធនធានធម្មជាតិ តាមរយៈការពង្រឹងសមត្ថភាព និងសុខុមាលភាពមន្ត្រីឧទ្យានុរក្ស និងគណៈកម្មការ សហគមន៍តំបន់ការពារធម្មជាតិ ដើម្បីចូលរួមលុបបំបាត់ជំងឺគ្រុនចាញ់ឱ្យកាន់តែស៊ីជម្រៅ កាន់តែទូលំទូលាយ និងកាន់តែគ្រប់ជ្រុងជ្រោយ និងធ្វើឱ្យព្រះរាជាណាចក្រកម្ពុជាយើង អាចធ្វើដំណើរទៅកាន់អនាគតមួយដែល គ្មានជំងឺគ្រុនចាញ់។

គួរបញ្ជាក់ថា ពិធីប្រារព្ធនៅសាលាឃុំដូនពៅ ស្រុកថ្មបាំង ខេត្តកោះកុង ធ្វើឡើងក្នុងគោលបំណងបង្កើនការយល់ដឹងពីប្រជាពលរដ្ឋ និងអ្នកពាក់ព័ន្ធឱ្យយល់ដឹងពីវិធានការការពារ ទប់ស្កាត់ និងលុបបំបាត់ជំងឺគ្រុនចាញ់ តាមរយៈគេងក្នុងមុង និងរស់នៅស្អាត ក្នុងជីវភាពរស់នៅប្រចាំ ក្នុងគោលដៅចូលរួមលុបបំបាត់ជំងឺគ្រុនចាញ់ទាំងស្រុងចេញពីកម្ពុជានៅឆ្នាំ២០២៥ ស្របតាមផែនការយុទ្ធសាស្ត្រជាតិលុបបំបាត់ជំងឺគ្រុនចាញ់ឆ្នាំ២០១១-២០២៥ របស់ក្រសួងសុខាភិបាល៕

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់