«ការអភិរក្សជីវៈចម្រុះ និងជីវសុវត្ថភាព» គឺជាប្រធានបទរងទី៤ចុងក្រោយនៃ «សិក្ខាសាលាទី៣ស្តីពីការគ្រប់គ្រងការអភិវឌ្ឍដោយចីរភាព» ដែលរៀបចំដោយអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយ
ចីរភាព នៅរសៀលថ្ងៃទី១២ ខែធ្នូ ឆ្នាំ២០១៧ នៅភោជនីយដ្ឋានទន្លេបាសាក់២ សម្របសម្រួលដោយ
ឯកឧត្តម ទិន ពន្លក អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាព និងឯកឧត្តម កែន សេរីរដ្ឋា អគ្គលេខាធិការរង។

អង្គសិក្ខាសាលាបានពិនិត្យលើវឌ្ឍនភាពនៃការតាក់តែងគោលនយោបាយស្តីពីការទូទាត់ថ្លៃសេវាកម្មប្រព័ន្ធ
អេកូឡូស៊ីនៅកម្ពុជា, ជំហានឆ្ពោះទៅការបង្កើតសារមន្ទីរប្រវត្តិសាស្ត្រធម្មជាតិរាជធានីភ្នំពេញ, និងវឌ្ឍនភាពនៃការអនុវត្តអនុសញ្ញាសហប្រជាជាតិស្តីពីជីវៈចម្រុះ។

ក្នុងរយៈពេល១ថ្ងៃពេញ អង្គសិក្ខាសាលាបានពិភាក្សាលើសេចក្តីព្រាងអនុសាសន៍ជាច្រើនចំណុច សម្រាប់ដាក់ជូនឯកឧត្តមរដ្ឋមន្ត្រីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព ពិនិត្យនិងសម្រេច។ ផ្អែកលើអនុសាសន៍ទាំងនេះ អគ្គលេខាធិការដ្ឋាននឹងរៀបចំផែនការយុទ្ធសាស្រ្តរយៈពេលវែង ព្រមទាំងកំណត់អាទិភាពសំខាន់ៗចំពោះមុខ សម្រាប់ជាមូលដ្ឋានក្នុងការរៀបចំផែនការសកម្មភាពប្រចាំឆ្នាំ ក៏ដូចជាការកៀរគរធនធាន និងការពង្រឹងកិច្ចសហប្រតិបត្តិការជាមួយដៃគូអភិវឌ្ឍន៍។

ជាចុងក្រោយ ឯកឧត្តម ទិន ពន្លក អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាព បានធ្វើការបូកសរុប និងវាយតម្លៃខ្ពស់ចំពោះនាយកដ្ឋានទាំងអស់ចំណុះអគ្គលេខាធិការដ្ឋានក្រុមប្រឹក្សាជាតិ ដែលបានខិតខំប្រឹងប្រែងបំពេញការងាររបស់ខ្លួនក្នុងឆ្នាំ២០១៧ ទទួលបានលទ្ធផលគួរជាទីមោទនៈ។

ព័ត៌មានបន្ថែម

កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ថ្ងៃ អង្គារ, 26 តុលា, 2021 កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ថ្ងៃ អង្គារ, 26 តុលា, 2021 ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង
ថ្ងៃ ចន្ទ, 25 តុលា, 2021 ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង