«ការឆ្លើយតបនឹងការប្រែប្រួលអាកាសធាតុ» គឺជាប្រធានបទរងសំខាន់ទី៣ នៃ «សិក្ខាសាលាទី៣ស្តីពីការគ្រប់គ្រងការអភិវឌ្ឍដោយចីរភាព» សម្របសម្រួលដោយឯកឧត្តម ទិន ពន្លក អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាព និងឯកឧត្តម កែន សេរីរដ្ឋា អគ្គលេខាធិការរង នៅរសៀលថ្ងៃទី១២ ខែធ្នូ ឆ្នាំ២០១៧ ដែលជាផ្នែកមួយនៃសន្និបាតបូកសរុបលទ្ធផលការងារបរិស្ថានឆ្នាំ២០១៧ និងទិសដៅការងារឆ្នាំ២០១៨ នៅភោជនីយដ្ឋានទន្លេបាសាក់២ ។

ស្របពេលដែលកម្ពុជាកំពុងទទួលរងការគំរាមកំហែងខ្លាំងដោយការប្រែប្រួលអាកាសធាតុ រាជរដ្ឋាភិបាលបានខិតខំប្រឹងប្រែងរៀបចំ ផែនការយុទ្ធសាស្រ្តឆ្លើយតបនឹងការប្រែប្រួលអាកាសធាតុកម្ពុជា ២០១៤-២០២៣ និងអនុម័តនៅឆ្នាំ២០១៣ ដើម្បីឆ្លើយតបទាន់ពេលវេលាក្នុងការកាត់បន្ថយភាពងាយរងគ្រោះរបស់ប្រទេស ព្រមទាំងស្វែងរកកាលានុវត្តភាពសំខាន់ៗសម្រាប់កៀរគរធនធានពីប្រភពខាងក្រៅ ក្នុងន័យធ្វើសកម្មភាពឆ្លើយតបនឹងការប្រែប្រួលអាកាសធាតុទាំងនៅថ្នាក់ជាតិ និងថ្នាក់អន្តរជាតិ។

វឌ្ឍនភាពសំខាន់ៗបន្ទាប់ពីការអនុម័តផែនការយុទ្ធសាស្រ្តនេះ គឺកម្ពុជាបាននិងកំពុង ១) អនុវត្តផែនការសកម្មភាពឆ្លើយតបនឹងការប្រែប្រួលអាកាសធាតុដោយបណ្តាក្រសួងស្ថាប័នចំនួន១៤ ដែលក្នុងនោះមានក្រសួងបរិស្ថាន ២) បញ្ជ្រាបការប្រែប្រួលអាកាសធាតុទៅក្នុងដំណើរការធ្វើផែនការថ្នាក់ក្រោមជាតិ
៣) អនុវត្តដំណើរការផែនការជាតិបន្ស៊ាំនឹងការប្រែប្រួលអាកាសធាតុ ៤) អនុវត្តក្របខណ្ឌហិរញ្ញប្បទានប្រែប្រួលអាកាសាធាតុ ព្រមទាំង ៥) រៀបចំក្របខណ្ឌពិនិត្យតាមដាននិងវាយតម្លៃការប្រែប្រួលអាកាសធាតុ និង៦) ដំណើរការរៀបចំប្រព័ន្ធគ្រប់គ្រងចំណេះដឹងប្រែប្រួលអាកាសធាតុ។

ទន្ទឹមនឹងការអនុវត្តផែនការយុទ្ធសាស្រ្តឆ្លើយតបនឹងការប្រែប្រួលអាកាសធាតុ កម្ពុជាក៏ត្រៀមអនុវត្តផែនការជាតិរេដបូក ឆ្នាំ២០១៧-២០២៦ ដែលទើបអនុម័តនៅខែតុលា ឆ្នាំ២០១៧ ដើម្បីកែលម្អមុខងារនិងសមត្ថភាពស្ថាប័នទាំងនៅថ្នាក់ជាតិនិងថ្នាក់ក្រោមជាតិ សម្រាប់អនុវត្តគោលនយោបាយ ច្បាប់ និងបទបញ្ញត្តិនានា ប្រកបដោយប្រសិទ្ធភាព រួមចំណែកដល់ការកែលម្អការគ្រប់គ្រង ធនធានធម្មជាតិ ដីព្រៃឈើ និងជីវៈចម្រុះ ឱ្យកាន់តែល្អប្រសើរឡើង។

ព័ត៌មានបន្ថែម

ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ថ្ងៃ អង្គារ, 12 តុលា, 2021 កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)
ថ្ងៃ ចន្ទ, 11 តុលា, 2021 ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)