ពិធីប្រគល់ទទួលរថយន្តដឹកសំរាម និងទូកម៉ាស៊ីន ជូនដល់បណ្តាមន្ទីរបរិស្ថានរាជធានី-ខេត្ត នាទីស្តីការក្រសួងបរិស្ថាន

រួមគ្នាដើម្បីបរិស្ថាន

សិស្សានុសិស្សសាលាបឋមសិក្សាថ្នល់កែងថ្លែងអរយៈពេល៥ថ្ងៃ សមត្ថកិច្ចបានឃ្លុំដីទំហំជិត៤�មន្រ្តីជាន់ខ្ពស់ក្រសួងបរិស្ថានបន្តចុះផ្សកម្ពុជាបង្ហាញការដោះស្រាយលើការប្រែប្រួលអាក្រសួងបរិស្ថាន និងគណៈកម្មការជាតិដើម្បីទប�

ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពក្នុងពិធីប្រគល់ទទួលរថយន្តដឹកសំរាម និងទូកម៉ាស៊ីន ជូនដល់បណ្តាមន្ទីរបរិស្ថានរាជធានី-ខេត្ត នាទីស្តីការក្រសួងបរិស្ថាន នៅព្រឹកថ្ងៃទី១៦ ខែកុម្ភៈ ឆ្នាំ២០២៣។ រថយន្តដឹកសំរាមចំនួន១២គ្រឿង ដែលជាអំណោយរបស់ក្រសួងបរិស្ថាន ត្រូវបានប្រគល់ជូនដល់មន្ទីរបរិស្ថានចំនួន៩ រួមមាន៖ មន្ទីរបរិស្ថានខេត្តកំពត ពោធិ៍សាត់ សៀមរាប ស្ទឺងត្រែង ស្វាយរៀង ឧត្តរមានជ័យ កែប កំពង់ធំ និងព្រះវិហារ។ ចំណែកទូកម៉ាស៊ីន ចំនួន១៧គ្រឿង ត្រូវបានប្រគល់ជូនមន្ទីរបរិស្ថានខេត្តរតនគិរី ស្ទឹងត្រែង កំពង់ឆ្នាំង ពោធិ៍សាត់ និងមណ្ឌលគីរី។

គួរបញ្ជាក់ឱ្យដឹងថា រថយន្តដឹកសំរាមនេះ នឹងចូលរួមគាំទ្រផ្តល់សេវាប្រមូល សម្អាត ដឹកជញ្ជូនសំរាម សំណល់រឹងនៅក្នុងមូលដ្ឋាន ដែលពង្រីកសេវាប្រមូលដោយខ្លួនឯងឱ្យស្អាត ឱ្យអស់ទាន់ពេល និងធានានិរន្តរភាព និងធ្វើភាពជាម្ចាស់ក្នុងការគ្រប់គ្រងសំរាមសំណល់រឹង ដោយរៀបចំធ្វើការប្រមូល សម្អាត ដឹកជញ្ជូន ទុកដាក់ កែច្នៃ និងទាញយកធនធានពីសំរាម ព្រមទាំងចូលរួមអនុវត្តគោលនយោបាយភូមិ-ឃុំ-សង្កាត់ មានសុវត្ថិភាព របស់រាជរដ្ឋាភិបាលឱ្យកាន់តែមានប្រសិទ្ធភាព។ ដោយឡែក ទូកម៉ាស៊ីន ដែលក្រសួងបានផ្តល់ជូន គឺដើម្បីសម្រួលដល់កិច្ចការងារល្បាតការពារ អភិរក្សធនធានធម្មជាតិរបស់មន្ត្រីឧទ្យានុរក្សក្នុងតំបន់ការពារធម្មជាតិរបស់ខ្លួន៕